Cung ka Fa pasaltha ram daw tuk mi le miphun daw tuk mi kafa

Cung ka Fa pasaltha ram daw tuk mi le miphun daw tuk mi kafa
========
Cung ka Fa pasaltha ram daw tuk mi le miphun daw tuk mi kafa ka nii tiah aw nem te’n a ka au peng tu
kan tufa vialte ii a fim cem le a fel cem, ka fa na thawngchim kan dai lai lo kan uan tuk ka dawt na nii le na pate le nih kan in uan tuk ee.

ngcu sertu pathian sin tu hnangam te’n rak ii din kun muh kafa pasal tha te aww, Na liam sia herh hlah muh na hoi le ngmh ban tuk in ram dawmi na kawi le nih nan ke neh zul in rian an ron tuan ko lai ka fa Kan in dawt tuk muh, na nii le na pate le saan kan tlai tuk ii kan ngaithiam muh Na tuar in kan in tuar pi manh lo ee ka dawt.

Chinland Defense Force-Hakha i kan ralkap asi mi hna Salai Solomon Biak Cung Nung (kum 21) le Salai Lian Sang Bik (kum 20) hna nih 2022 April thla ni 25 ah hmaikal in ralhrang an dohnak hmun ah ram le miphun caah nunnak an pek.

Kan ralkap hna nih ram le miphun caah nunnak thap in an i pekchanhnak cu Chinland Defense Force-Hakha nih a sangbik upatnak kan pek hna. Tantak mi chungkhar hna sinah Chinland Defense Force-Hakha nih ngaihchiatnak kan in hrawm pi hna.

CDF-Hakha Ralkap “Salai Biak Cung Nung” le “Salai Lian Sang Bik” an Nunnak a Liam. Nihin April 25 zaanlei sml. 3:30 hrawng ah SAC ralhrang nih Chuncung khualuhnak CDF-Hakha Gate hngaktu ralkap pawl an kah hna caah Salai Biak Cung Nung le Salai Lian Sang Bik an nunnak a liam, tiah thawng kan theih.

Hakha in Chunchung khua vun luhnak Gate ah SAC ralhrang nih a thlithup in an pel hna i an kah hna, tiah khuami pakhat nih a chim. “Tu zing zong Chuncung in Hakha lei ah a kalmi khuami an um ko nain ralkap an hmu hna lo. Ramlak in an pel hna i an kah hna caah a si lai,” tiah a chim.

Hakha khuami pakhat nih, “Atu zong hi Hakha Rungtlang in ralkap nih bomb an kah thluahmah ko. Voi 5 hrawng cu puah thawng kan theih cang,” tiah a chim.

Council ralhrang nih CDF hngah mi Gate an kah, CDF ralkap pahnih nunnak a liam. 2022 April 25 suimilaam 12:00PM tluk ah Chuncung le Hakha kar i a ummi CDF Gate cu SAC ralhrang nih a thli in an pel hna hnuah an kah i rammi veengtu CDF ralkap pahnih Salai Cung Nung le Salai Lian Sang Bik hna cu an nunnak a liam tiah thawng kan theih.

Chuncung le Hakha kar CDF gate a hngak mi hna hi minung pathum an si i pakhat cu a zaam manh tiah theih a si.
Khuami pakhat nih, “Zahan khua a muih lai te ahkhan Council ralhrang hna cu Sodom Gate ah motor in an chiah hna. Mah hnu in khoika an kal, an panh ti thawng kan thei kho lo.

Anih ram tang in an kan pel ziar i atu bantuk kan ton hi a si. Gate a hngak mi hi pathum an si i pakhat cu a zaam manh. Meithal tlawmpal a puak hnu zong ah kan naule cu phone zong in kan i chawn kho ko. Kan him ko an ti ko nain ruah lo taktak in an ruak in kan hmuh hna,” tiah THP ah a chim. Nunnak a liam mi CDF ralkap pahnih hna hi zaanlei sang ah an ruak cu an laak khawh cang tiah kan theih. Credit: The Chin Journal, The Hakha Post

Be the first to comment

Leave a Reply

Your email address will not be published.


*