Daw Aung San Suh Kyi Chuahni Ah Thla A Cam Piak Tu Palik Sergeant Pakhat An Tlaih!

Daw Aung San Suh Kyi Chuahni Ah Thla A Cam Piak Tu Palik Sergeant Pakhat An Tlaih!
========
Rampi ruahnk petu Daw Aung San Suh Kyi i kum 77 tlinnak caah thlacam piaknak online cung a tar sual caah Pathein khua um tilawng lei palik Sergeant ThanhYinOo tlaih a tong tiah palik pawngkam minung sin in theih a si.

Tilawng lei palik Sergeant Tanh Yin Oo cu Daw AungSanSuhKyi i a chuahni zinglei ah amah Facebook cahmai ah “Happy Birthday na nun khuasau ko seh” tiah a tar i minute kar ah a hnawh cawlh ko nain online cung ah SAC ralkap hna nih a mah cu tlaih ding in a chuah hnu June 20 ah tlaih tong tiah theih a si.

Palik pakhat nih “Sergeant cu June 20 ah an rak tlaih. Tlangcung Military Headquarters nih an rak tlaih. Pehtlaih khawh zong a si rih lo, an chungkhar zong nih a umnak thialpiak ding in an nawl.

Ram pumpi ruahnak petu chuahni ah thlacam piaknak ca a țial sual caah tlaih a tong mi Palik Sergeant Thanh Yin Oo cu ti lei palik rian a tuan mi a si caah Myanmar tilam palik phu an dirh thok in palik in a rak i thial mi a si. Sergeant cu phungning pakhat khat in tazacuai mi bantuk in a chungkhar hna cu an pehtlaih hna tiah palik hna nih an chim.

Nawlngeihnak Lak Hnu Ni 509 Chung Ah Minung 2021 Nunnak A Liam Cang! AAPP nih June 24, tiang cathanh a chuah ning ah Myanmar ramchung huapin SAC ralkap nih nawlngeihnak a laak ni 509 chung ah sualnak ngei lo minung 2021 thah an si cang, tiah theih a si. Tlaihkhih a tongmi dihlak hi 14,280 an si i, an thlah than mi hna 3042 an si. SAC ralkap nih mi nunnak a laak mi hna chung ah Yagon in nunnak a liam mi tambik an si.

Nikhat Chung Kahdohnak Ah SAC Ralkap 71 An Thi. Myanmar ram pumpi huap June 24 nikhat chung kahdohnak ah SAC ralkap 71 an thi. A nung in 4 tlaih an si. PDF 3 tlaihkhih an tong i, PDF 2 an nunnak a liam ve tiah Khit Thit Media nih a langhter.

Khit Thit Media nih cazin a khawmhsuat ning ah, Shan ramkulh Muse ah 3, Sagaing ramthen, Tanhse ah 2, KhinU ah 5, Ban- Moh peng ah 61, tiin an dihlak 71 an thi. SAC ralkap a nung in Rakhine ramkulh, Yanbe/ KyaukNiMaw palik sakhan ah 2, SitTwe ah Ralbawi tel in 2 tiin n dihlak 4 tlaihkhih an si.

Kayin ramkulh, Myawaddy ah PDF 3 tlaihkhih an tong. Sagaing ramthen, Kani ah PDF 1, Kachin ramkulh, WaiMaw ah PDF 1 tiin an dihlak PDF 2 an nunnak a liam ve. Mandalay ramthen KyaukPanTanung ah 2, Mon ramkulh Belin ah 1 tiin an dih lak PDF 3 an nunnak a liam ve.

Monywa – Mandalay Lampi Zulh Hrimhrim Rih Lo Ding In PDF Nih Ralrin Pek. Sagaing ramțhen, Monywa – Mandalay lampi cu nihin zingkaa thok in zulh hrimhrim rih lo ding in Moe Nyo Revolution Force nih ralrin pek nak ca an thanh. Nihin June 25 zinglei thok in lam onnak fehternak ca kan thanh țhan hlan lo Monywa – Mandalay lampi, Sagaing – MyinMu – Monywa lampi cu tlunkal hrimhrim rih lo ding in Moe Nyo Revolution nih theihter nak an tuah.

Phihkhar a si lio ah a tlungkal mi nih thil pakhatkhat an ton sual ah cun tuanvo kan la lai lo tiah Moe Nyo Revolution Force nih a langhter. Mizapi caah ral a tam ruang ah caan karlak kan phihkhar chung mi a si ” tiah Moe Nyo Revolution Force phu tuanvo ngeitu nih a chim.

Nihin zinglei Sml 6:00 hrawngah ChaungU khuapi in SAC ralkap an i citmi mawtaw hme 4 cu Monywa- Mandalay lampi, MyinMu peng GwePinDaw khua, BuMinKyiKin khua mawtaw lam kiang kip ah security an chiah hna.

ChaungU peng Naat YeeKan(နတ်‌ေရကန်) khua le NgaYan ( ငါးယှန်) khua mawtaw lam kiang zong ah SAC ralkap nih ralveng tu an chiah hna MyinMu peng, AlahKapah (အလ္လကပ္ပ) khua le ShweKo phungki sianginn chungah SAC ralkap hna zong AlahKapah le Warmpih khua karlak ah ah ralveng tu ah an chiah hna tiah MyinMu thawngdik petu hna sin in theih a si.

Nihin SAC ralkap nih ralveng an chiah nak hmun tel in Monywa – Mandalay lampi kip ah SAC ralkap an i citmi mawtaw hna cu Mizapi vengtu ralkap phu PDF hna nih tu le tu bomb an puah hnawh hna. Credit: The Chin Post

Be the first to comment

Leave a Reply

Your email address will not be published.


*