Daw Aung San Suu Kyi Voithum Aa Palh Lo Lawngah Ralhrang Kan TEI Hna Lai!

Daw Aung San Suu Kyi Voithum Aa Palh Lo Lawngah Ralhrang Kan TEI Hna Lai!
===========
Paucan Dohthlennak hi DASSK nih ka cohlan lo a ti sual lai ti hi kan rak phang ziar mi asi. DASSK nih, 9 December 2022 ah, Democracy Dohthlennak a tuahtu vialte cung ah kaa lunghmui ee a ti tiah Mr. Sean Tunrell sin in theih asi. Kan pi Voithum aa palh ti lo caah Pau Dohthlennak a tei cia bantukin Mipi tampi kan um colh ve. DASSK hi a rak I palh mi pahnih a um. Tutan hi aa palh rih ahcun Voithum aa palh cang lai I, Paucan Dohthlennak cu MAH te SAC nih an kan tei ve lai.

DASSK 1nk Aa Palhnak: 1990 ah Dr Sein Win (NLD MP) nih NCGUB timi cozah cu Ralhrang Thang Sui zuamcawh awk ah a rak dir. 8888 phu nih ABSDF timi Ralkap bu an dir. NCGUB cu tu lio NUG bantuk asi. ABSDF cu CNA/ CDF/ PDF bantuk a si. DASSK nih a cohlan hna lo. Cucaah Vawleipi nih NCGUB cu mipi cozah ah an cohlan hna lo. NCGUB le ABSDF cu DASSK nih a cohlan hna lo bantukin NUG le PDF CDF LDF hi ka cohlan hna lo ati sual lai ti kha kan phang mi cu asi. DASSK nih a ti mi cu:

Hriamnam in rampi buaibainak daih ter khawh asi lo. Non-Violence (CDM) tu in kan tei hna awk asi. PEACE in kan kal lai I, Cabuai cung ah biaruahnak in a lam kan kawl lai a ti. India ram ah a ṭhang I Sianginn a kai mi asi caah, Gandhi lam kha a zulh mi DASSK asi. Gandhi lamthluan a zulh caah Nobel PEACE Laksawng a hmuh cu asi ve.

DASSK 2nk Aa Palhnak: 1988 in DASSK hawikom ṭhabik Tlangcungmi cu an kan kaltak I 2012 thimhnak ah a lut. Reconciliation timi (Miphun hna I remh ṭhannak – Amyotha Pian le tinmiatzi) Policy in a kal. Tlangcungmi he aa kawp men lai tiah, Rallokap he an I kawp, Kapa I Ralkapbu a ti hna, AA cu Ralhrang a ti hna I an Cihmih awk ah sen a thuh piak hna. Tlangcung mi dang le EAO cu Hriamnam chiah uh law, 21st Panglong Conference ah lut uh.

Panglong Biakamnak kong ceih hlah uh, Panglong Lungthin tu a biapi; Rampi nih tuah piak ding kha bawh hlah uh, Rampi caah zeidah ka pek khawh lai / ka tuah piak khawh lai ti lawng kha I hmaithlak uh tiah, Tlangcungmi cu DASSK nih a ti hna. Tlangcungmi case he aa khat mi Rohingya kongah Rallokap bawi rual a khumzual hna caah, Laksawng le minṭhatnak tampi an chut ṭhan. Nobel Peace Prize cu an lak ṭhan lo. Ahohmanh kan chut bal hna lo an ti.

Tlangcungmi duhmi Federal Democracy kha DASSK nih a cohlan lo. Democracy Federal a ti. Bahu nih Chakhri tlaih dih mi Democracy phung lawng kha DASSK nih a duh. Democracy kan siam hnu ah Democracy Federal Phunghrampi kan suai lai I Cuticun kan kal lai tiah DASSK nih a ti caah, EAOs tampi NCA ah an lut duh lo. Paucan Dohthlennak ah kan chunmang le Hmuitinh asi mi Federal Democracy hi DASSK nih a cohlan lomi asi. Cucaah NUG le GZ hriamnam Dohthlennak hi NCGBU le ABSDF a cohlan hna lo bantukin DASSK nih a cohlan lo sual lai tiah thinphang cio mi cu asi.

MAH te SAC nih DASSK nih Tlangcungmi hnu an kan chit mi cu Tanbo le Soirawl ah an hman khawh caah Paucan Dohthlennak ah EAOs tamdeuh cu a hawikom ah, a siam khawh hna. EAO a nganmi 17 ah CNF lawng hi NUG minung a dik mi aum. CNF hmanh cu ICNCC le MPs rual nih an nawnnawk tuk I rianṭuan thiam lo ah an tuah. CDF Mindat le CNDF lampial ter chin tu hi ICNCC le MPs rual an si. KIA, KNU, KA / KNPP / KNDF hi CNF le NUG pehtlaih bantuk an si rih lo. AA, TNLA, PNLO tbk cu NUG nih Kuri chawm a herh rih.

DASSK 3nk Aa Palh lo ding mi: Democracy Dohthlentu Mino cu kaa uanthlar pi tuk hna tiah DASSK nih a ti. Federal timi biafang aa tel rih lo. NUG le GZ nih Federal an ti mi hi ka cohlan lo a ti sual ahcun kan loh bak ko lai. MAH nih a hrawk cia mi NLD nung ter a duh caah, Daw Sandamin le U Ṭoe Win te le DASSK cu a tawn ter hna. NLD CEC zung on ding le 2023 thimhnak ah lut ding in DASSK an lemsoi.

MAH nih Party Pakhat in Palai 3 aa cuh lomi Party cu ka hrawk dih lai a ti. 1990 – 2012 NLD Hotu U Aung Shwe nih NLD Party thah lai le thih lai kha an duh lo caah, DASSK telin NLD upa tampi a phuah hna. Thongtla mi le Rallokap nih an duh lomi NLD Member kip cu U Aung Shwe nih a phuah dih hna. Cucu DASSK zong nih YES AMEN a ti ve. MAH he senthuhnak a ngeih mi NLD MPs hi 120 leng an si. NLD member in Soe Htet, Henry Van Ṭhio, Zo Bawi, Sui Ṭhio tbk zong an I tel ve.

2023 thimhnak ah lut an duh. USA, EU, UN, ASEAN, Tuluk, tbk tiang in International nih DASSK le MAH I tawn in PEACE tuah, Democracy ah kir ṭhan in Nuhrin covo zalen ter ti kha an duh. Federal aa tel rih lo ti hi CHINISM le Nationalism vialte nih hngalh awk asi. MAH le DASSK an I tawn ahcun Kan Pi hi Voithum aa palh cang lai. Paucan Dohthlennak cu NLD Dohthlennak ah aa chuah siam te lai. Cucaah Pau Dohthlennak cu NLD Model in a kalpi mi Tlangcungmi le CHIN mi nih nan lamthluan kha nan kal tak can a cu tuk cang. NLD model in si loin CHINISM Model in kal ve cang uh. Credit: Joseph R. Thang

Be the first to comment

Leave a Reply

Your email address will not be published.


*