Delhi Ah Chinmi Nungak Note A Nunnak Aliam

Delhi Ah Chinmi Nungak Nunnak Aliam!!!

Rebecca Kum 17 cu tuxing 9 am tluk ah khan ka lungmit a ti i sizung ah an tlikpi,Sizung an phanh tlawmpal ah a thi.

Aruak hi ,An mah,Daai Chirstian Fellowship,Biakinn ah chiah a si hnu ah Mizoram i a nu le pa um nak,Lawngtlai ah phurh a si te lai.

Credit: TinDuh Thang

Relchap: Columbus cu Laimi kan tam lo. 850 fai lawng kan um. Asinain CNF riantuannak caah thazaang biapi taktak a simi Chinland Club tha a pemi a tanpi duhmi khua pakhat kan si ve. Cucaah December 3, 2016 zan ah Chinland Club hruaitu Pu Tial Hmung le Rev. Tluang Hre cu December 2, 2016 ah Indianapolis in Columbus, Ohio dam tein an rak phan. December 3 ah, CNF Chairman Pu Zing Cung zong a umnak Denver in zanlei 3:30 PM ah a rak phan ve. Caan sunglawi tuk kan hmang ti hna.

Columbus ummi Laimi hna he, 7:00-11:30PM tiang biaruahnak caan kan ngei hna. Upa tling lawngte 60 fai an chuak. Cu tonnnak kan ngeihmi le bia kan i ruahmi nih, atanglei thil hna hi tampi a ka ruahter. Laimi ca zongah ruah ding a herhmi asi tiah ka ruah caah, ka van tial.

Keimah cu pastor riantuanmi sawhsawh ka si. CNF member ka si lo nain, CNF a tanhmi le Chinland Club tha a pe mi ka si. Zeicatiah Chinland le Chin miphun caah rian tuan a duh ve mi pakhat ka si. Kan ram caah rian kan tuah lai ti ahcun, lam dang vialte nakin CNF le Chinland Club lam in kan tuah ah hin, a tha bik cemmi le hmual a ngei bik cemmi a si lai tiah ka ruah caah a si.

January 5, 2018 zongah Chinland Club Central Committee Meeting cu Columbus, Ohio tuah a si. Salai Thla Hei a ra kho i, bia sunglawi taktak tampi a kan chimh i kan i lawm taktak. Meeting kaimi zong kan thahnem ngai. Kan Krihfabu zong kan i lawm ngaingai.

2016 lio i Rev. Tluang Hre le Pu Zing Cung a kan tlawn lio i an chimmi bia hna le 2018 Chinland Club Central Committee lio i, Salai Thla Hei le Pu Tial Hmung bia hna ka ruah tik ah, “Chin miphun nih hin ram le miphun caah kan pekmi a tlawm tuk” timi ka hmuh. Kan mah le innlo, khua le tlang caahcun kan pek ngai nain “Miphun ca i kan pekmi cu a tlawm taktak” tiah ka ruat.

Laknak: GL

Be the first to comment

Leave a Reply

Your email address will not be published.


*