Demark Cozah nih Phung thar ser an timh cuahmah mi kongah Chinmi nih theih ding!

Demark Cozah nih Phung thar ser an timh cuahmah mi kongah Chinmi nih theih ding!
=========
Denmark cozah nih Prayer Day timi Thlacam Ni (zungkhar ni) hi khar ti lo in riantuan ding in timhlamhnak an van ngei. A ruang cu an ram kilvennak (defence) ralkap hman ding phaisa tamdeuh burh an duh caah rian a hleiin ttuan i tax pek ding ti a si.

Prayer day hi kum 300 leng zung khar ni (holiday) ah an hman cangmi a si i Thawhthan hnu zarh linak cawnninga ni khi a si. Mah ni cu ram, miphun le Khrihfabu, cun pumpak caah rawl ulh le thlacam ding ni an timi a si. Sihmanhsehlaw, nihin kan Khrihfa sining cu Europe zong ah siseh, a peemmi Khrihfa (Laimi telh) nih zei thlacam ni hmanh ah an hmang ti rua lo. Zarhte ni Thlacam pumh hmanh a huam ti lo i dinh ni a si titu Khrihfa upa ttuanmi zong kan tam cang tikah mah Prayer Day khar cu rampi cozah le kampani pawl caah a sung tuk cu teh, si lo maw?

Rian lei bu (Organizations) pawl le rammi nih Holiday pakhat sungh ding cu an duh lonak heh an langhter cuahmah. Asinain mah ni hi Thlacam le rawl ulh an duh ttung lo. I dinh i mah duhherh le nuamhnak ni men ah hman ding cu a si. An innpa Putin Rasia nih le a daih lo tikah ralvennak ding ralkap duhherh caah ni khat riantuan lo cu cozah nih a ui tuk fawn. Ni khat an ttuan lo cun dollar million 500 hrawng dawh an sungh la cuh.

USA ah kum khat minung 20000 hrawng peng Islam biaknak an lut, nu an tamdeuh. Europe ram pawl zong ah a si cuahmah, cun Australia zong ah a si ko. Khrihfa dirhmun in khuaruah tikah daite um awk ttha lo. Kan Khrihfabu ah siseh, kan civui le kan biaknak zatlang ahhin kan ceih le kan i ruah ding, kan i cawnpiak le kan i nunpi ding hi Pastor, chairman le hruaitu nih biatakdeuh in kan ruahpi deuh hna sehlaw tikhi saduh ka that. Hna ngeimi nih thei ko hna seh, tiah Jesuh nih a chimmi ka rel tikah khua a ka ruahter ngai tawn. Credit: Si Bawimang Lian

Russia a Chuahtaktu pa: “Thah le Nawn ai Hmawtchihmi an Um”. March thla lio i Kyiv in northwest ah an tlahmi ka Russia ralkap hawi rual nih Ukraine nunau pahnih an tlaihhrem hnu i an zaam tak hi ka mithlam ah a cuang peng ko rih, tiin Russia a chuahtaktu pa Nikita Chibrin nih a chim. “An tlik kha ka hmuh i, nu tlaihhremtu an si kha ka hun theih colh. An tlaihremmi hna cu hringtu nu le a fanute an si. Tleihrem thawngpang an theih in an commanders pawl an thin a hung, asinain fak in hrem lo in tlawmte lawng an tuk hna. Thong zongah an thla hna lo. Rian in an phuah hna. Kal u’ ti vial lawng a si. Ral tu lo dingin an tlunter hna. Cu vial cu si ko” tiin Chibrin nih a chim.

Chibrin hi Russia khua Yakutsk in a ra mi Russia ralkap a si i, 64th Separate Guards Motor Rifle Brigade tangah ral a tu mi a si. Hi brigade hi Bucha, Borodianka le Kyiv velceh i a dang khua ah War Crime tampi a buarmi phu an si. September in khan Russia ralkap phu a zamtak i, Belarus le Kazakhstan lei in Europe lei ah a zam. April i Russia ralkap nih Kyiv pengkulh an chuahtak lio ah khan Ukraine mipi le rakap ruak tor le cheng in an vuinak thlan ngan pipi an hmuh hna. Cu mi ruak vialte cu mah hi Russia ralkap phu a kutneh a si, tiin Ukraine Defense ministry nih a chim.

Chibrin i a ralkap capar an zoh i, a ralbawi hi Azetbek Omurbekov a si i, 64th Separate Guards Motor Rifle Brigade a uktu a si. Hi ralbawipa hi “Bucha a Nawngtu” tiin min pek a si i, EU le UK nih a cungah phihkharnak an tuah mi pa a si. US nih cun an brigade ning piin an cungah phihkharnak a tuah. A chachap lo ah Putin nih mahtluk a sualmi brigade cu ralthat ruangah minthatnak lehhmah a pek lehlam hna.

Ralthatnak neh le nang hrim ka hmu lo, sualpalhnak lawngte a si, tiin Chibrin nih a chim. Ka mit in ka hmuhmi sualpalhnak an buarmi vialte ralchanh in International Criminal biaceihzung hmai ah tehte in ka dir lai. Kei tu cu mah bantuk hi ka tuah hrimhrim lo, tiin a chim. Lainawng cu ka hmu hna lo, asinain nu tleihhrem tu an zaam lio cu ka hmuh (an bawi le nih an dawi lio hna ka hmuh, tiin a chim.

Kan unit umnak hmun thawngpang a thanhtu paoh cu ralkap an si ah, mipi an si ah thah colh dingin, nawl an kan pek, tiin a chim. Mi pakhat khat nih phone ai ngeih a si ah cun kah nak nawl kan ngei. Hriam a pu lo mi mipi a kam ngam ding hi cu kan unit chungah an tam lai ka zum lo, tiin a chim. Asinain, minung thah ai hmawtchih mi belte an um ve. Cu hna cu kan unit chungah an phan cang hna, tiin a chim.

Cun thilfir a tam ngamsam, Russia ralkap nih computer, sui le an duhmi thil paoh cu an fir dih ko, tiin a chim. “A thlithup in an fir hrimhrim lo. March dongh lei sang i Lipovka le Andreevka kan chuahtak lio ah khan kan unit chungin ralkap tampi nih mipi mawtaw an chuh hna i Belarus ah an zuar hna. Thil na fir khawh ah cun, thil ti kho na si, tinak a si. Ahohmanh nih an in tlaih lo chung paoh cu, a tha ko. Man ngei thil pakhat na hmuh i na fir i tlaih na ton lo ah cun, na van a tha, tinak a si ko” tiin a chim.

Kan commanders tu hi cu tlaihhrem, lainawn le fir kongah an i ralring ngai. Asinain mah bantuk sualpalhnak a tuahmi an kuttangmi hna chimhhrin kong belte ah an chambau ngai, tiin a chim.
“A zei a va si hmanh ah, a si cang ko cu teh. Zei ti awk tha hlah,” tiin an chim. Sikan cu a um lo bak khing khi a si, tiin a chim. Russia hi duhsah te cun a sung ko lai, asinain minung nunnak tampi a liam rih lai, tiin a chim.

Thisen tampi a chuah hlan chung paoh cu Russia hi a ngol lai lo. Mi vialte an thih ko hmanh ah. An caah cun ralkap pawl hi cu miakpi zenkuan men an si. An upat hrimhrim hna lo, tiin a chim.
Ukraine nih ramdang sinin a hmuhmi hriamnam pawl hi Russia ralkap kut i Russia hriamnaam nih a tluk lo tuk. 1980 hrawng i Afghan ral i a hmanmi Soviet chan hriamnam lawngte a kan hmanter. Ukraine hmanmi hriamnam pawl hi cu chanthar chuahmi lawngte an si ngawt, tiin a chim.

Russia hi an sung ko lai. A ruang cu vawlei pumpi nih Ukraine a dirpi caah a si. Russia nih an tei lai, ti cu hruh bia a si. Kyiv hi nithum chungah tei an i ruahchan. Nihin hi zei ni dah a si cang? A ni 260nak hi a si cang hih. Ukraine kan luhhnawh lai i pangpar in an kan don lai, tiin an i ruah. An rak thawl hna, Molotov zu an rak toih hna leh lem, tiin a chim. An kan hlen diam
‘They lied to us’

Uniform ai hrukmi Russia ralkap pawl khi thitha in timhlamhnak a ngei lo mi lawngte an si. Kan training tuahnak ah khin kan bawi le nih meithal, zenkuan 5,000 le kahnak ding hmunhma an kan pek. Tong taw kap in kap law, na kuan a dih cun na tlung kho, ti a si. Ahohmanh nih zei ngaingai an tuah lo. Training ngaingai zong a um lo. Kei cu office ah computer he rian ka tuan, tual hramh ka riam salam, tiin a chim.

Training thitha kai lo hrat cu, Ukraine ah ai thei colh ko. Ukraine lei an kal hlan i mah le mah “Rambo kuah” tiin ai hrocermi pawl cu an rak kir lei ah cun ngawi dep in an um. Fawizang tein Ukraine pawl kah ai timmi pawl cu an hung kir tikah cun, a chonh hmanh an kan ngat set ti hna lo. Kahdohnak a tak in an va hmuh, an sunghmi an hmuh, an ralkap hawi an thih cuahmah kha an hmuh, ruak an hmuh…khurkhua an ruat, asinain an zam kho hlei lo, tiin a chim.

Mi tampi cu thitha in training an kai lo i, khoika lei kan panh, ti hmanh an i thei hna lo. “Lih fangfak bak a si. Belarus ralkap he training an kan kaiter. An kan hlen diam. Feb. 24 ah khan ralram ah kal dingin mikip an kan chimh. A hramthok ah cun kai chang,” tiin a chim. Hawihlan bik ka chimmi cu ‘Commander, f…you, ralram ah kal ka duh lo’ ti hi a si. Hey, harnak nganpi na ton ko lai, thong na tla lai, na chungkhar zong har an tong lai kha mu,’ tiin a ka leh. A ka vuak i, mawtaw chungah a kan khumh i, kutka a ka kharkanh. A chunglei in kutka ka on khawh lo caah, cu ti cun Ukraine tiang an ka kalpi, tiin a chim.

Ukraine ah hin thla tamial ka cam i, March i Kyiv in kan unit an zam ah khan Belarus ah ka unit he ka hung kir. Ka keng kai hliam i Russia i ralkap sizung ka phan. Asinain May ah khan Ukraine ah an ka kirter than. Avoihnihnak hi cu Kharkiv lei ah an ka kuat cang i, Izyum tupi tangah khua kan sa, tiin a chim. Cu hnu cun luatnak lam ai hmuh. Kan commanders pawl nih cun Kharkiv in an zam i Russia lei an kir hna. An mawtaw chungah ka vai khumh ve.

Truck a tuangah ka vung tla i, Ukraine a chuahtak mi ralkap tor an rak um ve. Raltuk kan duh ti lo i, kan commander pa phaisa in zik kan nawh. Mawtaw chungin cun caan rem lawng ka ngang i, Russia ramri kan phak in mawtaw cu a dir i, kan dihlak in tangah kan zuang dih hna. Russia ramri lei ka hei panh i, sikhan piah ka hau, tiin a chimh hna.

Russia ka phak hnu ah sizung ah thla 1 hrawng ka it. Thitha zong in an ka thlop fawn lo. “Sizung tha phaak na cuh a si ah cun, ralram ah ka kal than ko lai, timi min na thut lawngah kan in kalter lai, tiin an ka ti. Minthut ka duh lo caah, ralkap in i phuah dingin capar ka tin. Cu lio cu September thla i Russia nih ralkap a khomhsuat lio kha a si. Nai thuh a hau. Thuhnak hmunhma na kawl a hau. Ralkap tlakter an timh lehlam hna caah, ralkap in i phuah dingin capar na tinmi hi an in cohlan piak hrimhrim lai lo, tiin ka hawipa nih ka chimh.

A hlat khawh chung hlatnak tiang zam colh ka herh caah, Russia in St. Petersburg lei ah ka zam i, cuka cun Belarus lei ah ka zam than. Mah ka cun Kazakhstan lei zamnak lam a kawlpiaktu pakhat a rak um i, cuka hmun in cun a tu hi kai dornak tiang ka phak khawhnak hi a si. A tu cu Ukraine i ka hmuhtonmi vialte phuang dih dingin bia kan khiak cang. “Nunnak a zaza in, a tlaumi mi hna an ruak a zaza in, tefa ngei lo hringtu nu a zaza in” timi hla zong ka phuah cang, tiin Chibrin nih a chim. Credit: Chelsea Bawi

Be the first to comment

Leave a Reply

Your email address will not be published.


*