Dothlennak Nunchintu Bia Roling

DOTHLENG NUNCHIMTU

Dohthlennak rian a ṭuan mi ciocio hi dohthlennak rian kan hun luh tikah ramthlennak timi tinhsel mi pakhat bak he kan rak ra hna. Rian ruangah kan hmunhma (ranks or appointment) tu ai dang cio. Asinain, pakhat le pakhat kan rian cio i theihpinak le i upat piaknak (recognized & respect) a um lo ahcun kan der hlei ah kan der chinnak a si kho.

7 February 2022
7:43 PM.

Credit. Lengkawite

Relchap

LAM PAHNIH (JER 21:8)
LAM BI LE LAM KAU
=====================
Matt 7:13-14
“Kutka bi chungah cun lut tuah u, zeitintiah Hell ah a kalmi lam cu a kau i a fawi i mi tampi 3ih an zulh. Nunnak a phanmi lam cu a har i a kutka cu a bi i a hmumi cu tlawmte lawng an si.

Kutka Bi (Narrow gate) lam cu Jesuh asi( Jh 14:6) Lungthin laaknak (Atrraction) a um lo. Vawlei duhnak nunning he aa kalh. Lam bi asi caah a zawhtu zong an tlawm. Vancung kalnak lam asi. KutKa Lian (Lam Kau) cu Vawlei sining le pumsa duhbak in zawhmi lam asi. A lamkal a nuan i mitampi nih zulh an duh. A donghnak cu Hell asi.

KUTKA BI LAM (VANCUNG LAM)

(1) Vailamtah Lam asi (Luke 9:23)
“Ahohmanh nih zulh nan ka duh ahcun mah zawnruahnak kha nan ngol lai i nifate in nan vailam kha nan i put lai i nan ka zulh lai.

(2) Hremnak Lam asi (2Tim 3:12)
“Khrih Jesuh he i pehtlai i Pathian nunning in nun a duhmi paoh cu hremnak an ing ko lai”

(3) Khrih temh-ingnak i hrawmnak lam asi.
(Fili 1:29)
Khrih ca riaṇuan thiah nan si tikah, a zumh lei lawng hi si loin a ca i temhinnak hmuh ding zong hi a si chih”

(4) Jesuh Nawlbia zulhnak lam asi (Jh 14:15)
“Nan ka dawt ahcun ka nawlbia kha nan zulh hna lai”

(5) Zumhnak in kalmi Lam asi (2Cor 5:7)
“Zeicahtiah mit hmuh in si loin zumhnak tu in kan kal”

LAM KAU ( HELL LAM)

(1) Vawlei Tlaihchannak le Pumsa duhnak lam asi (1Jh 2:15)
“Vawlei hi siseh, a chung thilri hi si hna seh, tlaihchan hna hlah u. Vawlei hi nan tlaihchan ahcun, Pathian dawtnak kha nan chungah a um lo”
“Vawlei ta a simi thil paohpaoh — pumsa duhnak tehna, mi nih zoh an duhmi thil hna, mi nih porhlawtnak ah an hmanmi thil tehna hi Pa sinin a rami an si lo; vawlei in a rami lawngte an si dih”

(2) Vawlei sining in kalnak lam asi (Rom 12:2)
“Hi vawlei kalning hin kal ve lengmang ti hlah u”

(3) Pumsa duhnak nih a uk mi lam asi ( Rom8:6)
“Nan lungthin cu minung sining nih a uk ahcun a phichuak cu thihnak a si; nan lungthin cu Thlarau nih a uk ahcun a phichuak cu nunnak le daihnak a si”

I THIM DING MI LAM PAHNIH

JER 21:8
“..Zohhmanh u, nunnak lam le thihnak lam i thim awkah kan pek hna”

 

Be the first to comment

Leave a Reply

Your email address will not be published.


*