“Dr. Rual Uk le Evan. John Fready” Biahalnak le Lehnak, a ropui tuk hringhran!

“Dr. Rual Uk le Evan. John Fready” Biahalnak le Lehnak!
=========
Evan. JohnFready; Nang le kei cu Mi (person dang ve ve) kan si bak, al awk um lo. Thlarau Thiang tucu Mi pathum hna lak Mi pakhat ticu Bible ah ka hmu bal bak loh, doihtu le molhtertu hna cu an um tak ko sicun, na cawnpiaknak tuhi si dawh si, a ruang cu na cawnpiaknak i zumh in a molh mi an um pah tak len. Mi Bible leh mi hna Lih in a leh, hei ti, Ziknawh in an leh hei ti phun mu, Mi pathum ti a um tunglo, three person’s are one, kan tial piak.

Dr Rual Uk; 1Johan 5:7 kha rel law na hmuh lai, Baibal Cathiang le Kawl Baibal le KJV le NKJV ah rak rel te.

Evan.John Fready; Mi pathum ti a um tunglo, three person’s are one, kan tial piak.

Dr. Rual Uk; Zeitintiah Van ah khin hngalhpitu pathum an um: Pa, Bia le Thiang Thlarau an si i hi pathum hna hi pumkhat an si, ti a si kha. Thiang Thlarau cu cu hna pathum lak ah pakhat a pathumnak a si.Kha van ah a ummi hngalhpitu pathum kha an dihlak in mi sinak a ngeimi an si dih.Pa zong mi,Fa zong mi. Thiang Thlarau zong mi.

Evan. John Fready. A si loh tiah kan al loh. English zong ah person cafang um lo. Lai ca zongah Mi timi cafang na chiah fawn lo. Sinak tu si dawh si.Pa cu sinak, Fa zong sinak, Thiang Thlarau zong sinak, Jesuh cu Mi (person) bak a si.

Dr. Rual Uk; Nang le kei akan sertu Pathiam hi Mi a si caah dah kaw nang le kei zong mi kan si hi.

Evan. John Fready; Si e, Jesuh nih cun pei a kan ser fom cu, Pa nih a kan ser lo, Fa zong nih a kan ser lo, Thiang Thlarau zong nih a kan ser lo, Jesuh Pathian nih a kan ser ko.

Dr. Rual Uk; FB ah ca a țialtu John Fready cu mi a si bangin Lungtlap pa hnih ah Nawlpek pahra a țialtu Pathian zong Mi a si. Mit le hna le hnar kut le ke ngei in chiațha hngalhnak a ngeitu nang le kei hi mi kan si bangin kut le ke mit le hna le hnar a ngei i chiațha hngalhnak thiang a ngeitu Pathian zong Mi a si. Cu Pathian pa khat ah pathum Pa le Fa le Thiang Thlarau zong Mi an si.

Evan. John Fready; si e, lungtlap pahnih cung i ca a tialtu kha, pumsa in a phuang mi Jesuh kha a si. Cahlun i Kut dong in ca a tial lengmangtu Pathian kha pumsa in a phuan hnu zong ah kut dong in ca a tial than rih ko kha.

Dr. Rual Uk; Mi timi cu khuaruahnak lungthin thiang a ngei lomi sa le thilri a si lomi tinak a si. Pathian khi Mi rak si hlah seh law amah he ai loin a sermi nang le kei zong mi kan si lai lo. Mi a simi Pathian nih amah he ai loin a kan ser caah mi kan si.

Evan. John Fready; Si e, a dik.Cucaah kei a ka sertu cu Pumsa in a langh mi Jesuh Pathian kha a si caah, van zong ah pakhat a si lai i, keizong pakhat ka si ve ko lai. Nangtu cu Mi pathum ser mi si dawh na si le, van ah pathum an rak si ahcun, anmah he a lo in ser mi cu pathum teh na va si hau te ko ne la.

Dr. Rual Uk Pathian sinak chung muru le minung sinak chung muru kha pei Mi timi cu a si cu. Mirang nih Person an ti i Laimi nih Mi kan timi hi caah si loin Pathian sinak le minung sinak chimnak a si.

Evan. John Fready; Phun dang ruah lo in , kan van Ni ta ko. Pathian hi Mi ah ka pom ning cu Jesuh hi Pathian a si.
A ka sertu Pathian a si, a ka tlanhtu zong a si, a ka khamhtu zong a si, Van ah amah he cun zungzal in kan um te lai.

Dr. Rual Uk; Mi na si ahcun an sertu Pathian zong Mi a si lai, Pathian hi Mi a sinak na pom duh lo ah cun nang zong mi na sinak kha pom hlah law sa ah i pom ko ne. Jesuh Mi Sinak vial pom i Jesuh Thlahtu Pa Pathian Mi a sinak le Jesuh nih Pa sinin a hmuh i zumtu sinah a thlahmi Thiang Thlarau Mi a sinak pom lo cu?

Evan. John Fready; Amah he a lo in sermi kei hi pakhat ka si ah cun, Mi pathum ser cu ka si bal lai lo, tihi si ko.

Dr.Rual Uk; Baibal nih, Van ah khin hngalhpitu pa thum an um” tiah a ti i pakhat lawng ka duh i a dang pa hnih cu ka duh lo na ti ah cun nangmah thu!

Evan. John Fready; Keimah duh in pakhat le pathum cu an si lai lo, Pathian cu pakhat lawnglawng a si ko. pakhat pin thim hlei ding a um hrim an um lo. pakhat a za tuk ko.

Dr. Rual Uk; Pathian pa khat ah mi pathum Pa Fa Thiang Thlarau an um tiah Baibal nih a chim hme cu.

Evan. John Fready; Bible na merh i si ko. Pathian pakhat ah Mi pathum an um, ti cu Bible ah â tial bal lo.Zumhter na ka timh mi cu ka theih ko. Van ah a dang cio in kan hmuh te hna lai, ti khi na goal si ko.

Dr.Rual Uk; Atu lio UPC cu ka bia nan i hlan i MERH nan hei ti ve muKeimah timhmi a si lo Baibal nih Van ah hngalhpitu pathum an. tiah ati. Van ah cun Baibal nih a chimmi zat in kan hmuh te ko laiVan ah khin cu zat kha zat in kan hmuh lai tiah tinak nawl kan ngei lo. Baibal nih van ah a ummi zat a chim ning in kan hmuh te ko lai. Baibal cu a palh bal lo.

Evan. John Fready; Kha kha si ko na goal tung tham Na Merh lo ah Bible ah cun a um fom lo hme cu, Na lih vun i ti nak cun, na merh i ti cu â ning deuh ko, Van i pathum na hmuh hna ah cun, nangmah zong pathum si na hau ve te ko ne la cuh.

Dr. Rual Uk; Mi pakhat Jesuh lawng hmuh nai timh zong ah Baibal nih a chimzat kha mi pathum an si ah cun nangmah thu a si lai lo.

Evan.John Fready; Si e, Bible hi a palh bal lo, nang na chimmi tucu a tu hmanh ah na palh ko.

Dr. Rual Uk; Baibal nih pei van ah khin hngalhpitu pathum Pa le Fa le Thiang Thlarau an um a ti kha.

Evan. John Fready; Keimah thu cu si bak hlah, Jesuh cu Pathian si ko . Pathian dang hmuh chap ding an um ti cu aw!

Dr. Rual Uk; An pathum tein Pumpak cio in Mi an si dih tiah UPC nih kan pom ti a si. Asinain pathum ti kan pom lo hei ti cu Baibal ralchanh a si.

Evan. John Fready; Pathian pakhat ah Mi pathum an um tihi kan pom bal lo, na hei kan purh dah hoi le si ko la.

Dr. Rual Uk; J. Zo Ram Thang he hin bu khat nan si maw. A nih nih cun Pa le Fa le Thiang Thlarau cu pumpak cio in mi an si ti hi UPC zumhnak a si a ti ko hih.

Evan. John Fready; Nang nih cun Fapa Jesuh lawng mi ah na pom kha. Nangmah tu pei, UPC nih Saya Pa, Jesuh hi Pathian a si maw? tiah an hal le, Jesuh hi Pathian ka ti bal lo, a ti an in ti ko kha.

Dr. Rual Uk; Midang el hau loin UPC cio cio nanmah le nanmah pei nan i el ko lai hi.

Evan. John Fready; Kanmah le kanmah kan i el ning hna cu â ning tuk rih, Nanmah tuhi van ah hmuh ding zat â khat lo mi nan si cu! 1 ti na, 2 ti na, 3 bak ti na.

Dr. Rual Uk; J. Zo Ram Thang ca post mi kha rel.

Evan. John Fready; Pathian pakhat ah Mi pathum an um, ticu UPC cawnpiaktu simi nih kan pom bal lo. Johnly Fambawl nih Jesuh hi sertu Pathian a si, tiah Hebru hrilhfiah na tial mi kha, a palh an ti ve le, Jesuh hi sertu a si loh, ti rak chim, an ti ve ko.

Dr. Rual Uk; Baibal țha te le fel tein an rel tikah an hngalh te ko laiBaibal nih a chimmi hlei in zumh ding pom ding dang a um kho lo.

Evan. John Fready; Si e, a dik tuk. Nang tham Pathian kong ah Bible na chap, baptisma kong ah Bible na merh.

Dr. Rual Uk; Baibal ning tein chim cawnpiak zumh i nunpi hlei in tinhmi dang ka ngei bal lo. Pathian pakhat ah mi pathum Pa Fapa Thiang Thlarau min in tipil pek kha Baibal ning te a si. Jesuh min in tipil pek cu Baibal ah pakhat hmanh a um lo.

Evan. John Fready; Pathian pakhat ah Mi pathum an um, na timi khi Bible tial mi leng si cang, Bible na chap bak.
Cun, a um lo mi na chap than mi cu, Pa Fa Thiang Thlarau min in tipil pek le ing hi, Bible ah a um bak lo mi si. na chap fawn. Jesuh min in tipil pek tucu a um ko khah.

Dr. Rual Uk; Baibal ah a ummi nan zum duh lo i Baibal ah a um lomi tu nan hei tuah Cucaah UPC rian ngan bik cu Baibal merh a si.

Evan. John Fready; Cun, tipil kong ah cun, pek zong ing zong Jesuh min a si hrimhrim. Dr. Luke nih Lamkaltu cauk a tial tik ah a petu lei i tial lo in, a ingtu lei in a tial caah Jesuh min in an ing, a tinâk si. A petu lei in rak tial sehlaw, Jesuh min in a pek hna , tiah a tial hrimhrim lai. Bible chap le merh tham nangmah rian si. Pathian pakhat ah Mi pathum an um, tiah na chim mi khi, Lih a si. A ruang cu Bible ah a um lo. Lih tu na chap.

Dr. Rual Uk; Mizoram nan hruaitu bik nih le Jesuh cu mi khamhtu ah a ra nain mi pakhat hmanh khamh loin van ah a kai diam tiah a hei ti. UPC nih cun chim ding hrim hi nan ngei lo i nan rian ngan bik cu Baibal merh hi a si tak tak ko.

Evan. John Fready; Pathian riantuantu nih cun Bible kongtu ceih ding si.

Dr. Rual Uk; Mizoram nan hruaitu bik Baibal chimmi chim cu Baibal kong caih a si lo maw.

Evan. John Fready; Mizoram pa Kong cu maw Bible ah cun na hmuh hoi, Sarmon hi cu ka buaipi tuk lem lo, Bible ah um lomi, a um bantuk i chim te hna le, a um ko mi a um lo bantuk i chim te hna hi, ka buaipi deuh phun si.

Dr. Rual Uk; A chimmi Jesuh kong kha hme teh.

Evan. John Fready; Na chim phun chim ding hi cu Buu tamnak paoh ah bia a tam ti theih ding si. Mah bantuk phun kha cu um ko seh awh!

Dr. Rual Uk; Mizoram UPC hruaitu bik nih Jesuh kong a chimmi kha na zumhning a si lo maw?

Evan. John Fready; Sermon si, hehee, Na rak ngai ve ko lo maw.

Dr. Rual Uk; Jesuh kong ah nan zumhnak kha bantuk a si ah cun lohtlau tak tak pei nan si lai kha.

Evan. John Fready; Ka ngai lo, an chim mi tu cu ka theih ko, Sermon lungleng hi cu, buaipi a phu lo. Bawipa Jesuh min in tipil an pek hna ti Bible ah a um ko mi, nan pom duh lo mi phun hi kei cu ka buaipi mi si.

Dr. Rual Uk; Jesuh kong ah nan zumhnak kha bantuk a si ah cun Oneness zumhmi Jesuh le Baibal chimmi Jesuh ai khat lo tiah ka post mi kha a si tak tak tinak a si. Baibal phun dang hlah maw nan ngeih?Jesuh min tipil peknak cu khuazeiahdah a um?

Evan. John Fready; Tinh mi ngei in a sermon si lai cu, theih piak ve hlah mu. Bible ah â tial bak lo mi, Pathian pakhat ah Mi pathum an um, na ti ve ko cu teh, nan i khat ko ne la teh, Bible ah à tial ko khah.

Dr. Rual Uk; Uk 66 a simi kan Baibal ah ka hmu bal lo i hmuh ka duh ngai van țial cang.

Evan. John Fready; Lamkaltu 8. 16 zeitintiah aho cung hmanh ah a phan rih lo, zeicahtiah Bawipa Jesuh min lawngin baptisma pek an si rih.

Dr. Rual Uk; A tialtu le. dal le cang van țial.

Evan. John Fready; Bible tialtu hna cu na theih dih ko hna lai, Cun, a bia fang umtu khin khuazei zawn ah dah â tial ti te hna cu, a dal le cang chim hau lo si ko khah. Nai lungsak lo cun, a cunglei khi zoh law, a lang ko khih.

Dr. Rual Uk; Bawipa Jesuh min in tipil a ing mi ti a si ko khah. Pek ti a si lo.

Evan. John Fready; Bawipa Jesuh min lawng in tipil pek an si rih. tiah â tial ko khah.

Dr. Rual Uk; Lai Baibal Thiang zongah Bawipa Jesuh min in tipil lawng an in ti si ko khaZei bantuk baibal lehmi (version) dah na rak post?

Evan. John Fready; A tucu, nang , na chimmi Pa Fa Thiang Thlarau min in tipil an peknâk rak chuahpi ve ne. Nang na cân. a tu kan kuat mi zong khi lai holh tein â tial ve ko khi. Keimah nih ka tial chom mi si lo khih. khah, nang na cân, Pa Fa Thiang Thlarau min in tipil an peknâk cu rak chuahpi ve cang ne cang.

Dr. Rual Uk; Mizo Baibal zongah Lalpa Isua hming in baptisma an chang chauh a la ni. ti si ko hi. Pek a si hrim hrim lo hi Tipil a ing cangmi hna kong chimnak a si. Tipil an peknak kong a si lo.

Evan. John Fready; Bible cu nan leh cio ko le, Bible ah a um lomi ka chim lo khi awh. Bible te bak si ko khih. Evan Rualuk, na ka halmi kan hmuhsak cang. A tucu, nang na cân, Pa Fa Thiang Thlarau min in tipil an peknâk cu rak chuahpi ve cang. Bible tein mu.

Dr. Rual Uk; Lamkaltu Baibal na langhter mi kha zei version dah a si i aho lehmi dah a si rak ka chim UPC leh mi hna a si sual ah cun Jehovah Witness he na i khat cang tinak a si hnga.

Evan. John Fready; Bible cu Bible si ko lo maw? Lai holh in lehmi Bible cu uk zeizat dah kan ngeih? Na ka halmi Bible câng kan hmuhsak cang. A tucu, kan halmi Bible câng cu rak chuahpi ve cang ko .Pa Fa Thiang Thlarau min in tipil an peknâk, Bible cacâng mu. A si lo hmanh ah, Pa Fa Thiang Thlarau min in tipil an ingnâk zong, poi lo mu. Bible cacâng tein.

Dr. Rual Uk; Tipil in timi tipil pek tiah Baibal biafang a thlengtu hi a hodah a si a rannak in ka chim tuah.

Evan. John Fready; UPC nih Lai holh in Bible an leh ticu na thei bal maw? bia dang dang ah i helhum duh hlah.
Kan halmi kha na ka let rih lo khih.

Dr. Rual Uk; Zei version in lehmi dah a si i aho lehmi dah a si.

Evan. John Fready; Bible cu Bible si ko Jesuh min in tipil an peknâk, na ka hal, Bible cacâng tein kan hmuhsak.
A tucu kan Hal ve cang, na cân si cang.

Dr. Rual Uk; A lettu cu na ka chim ngam lai lo maw.

Evan. John Fready; A lettu cu nangmah tein kawl te ko. A tucu, Pa Fa Thiang Thlarau min in tipil an peknâk, Bible cacâng cu rak ka hmuhsak ve cang ne! Na rau ngai e, Pa Fa Thiang Thlarau min in tipil an peknâk Bible cacâng cu na hmu ne lo maw?

Dr. Rual Uk; Na langhtermi Baibal an lehmi version le a lettu na ka chimh hnu lawng ah Baibal kan chim ți kho lai.

Evan. John Fready; Jesuh min in tipil peknâk Bible cacâng na ka hal, Bible cacâng te bak kan hmuhsak. Pa Fa Thiang Thlarau min in tipil peknâk kan hal ve. Na ning zak ko cang hih. Evan Rualuk, Pa Fa Thiang Thlarau min in tipil peknâk Bible cacâng cu na hmuh lo sicun, na mi le pawl khi, khah, fa nau le kan rak palh cikcek, rak ti te ko ne hna mu.

Dr. Rual Uk; Na ka piahmi Baibal a lettu le a lehmi Baibal version kan halmi kha ka chim hmsaJehovah witness ban tuk in mah zumhnak hawih in Baibal a lettu hi UPC nan si cang hi. John Fready na ka piahmi Baibal kha a lettu le a lehmi version na ka chimh ngam lo ah cun cu kong cu a thar in FB ah ka post țhan lai hi mu.

Evan. John Fready; Lai holh in Bible cu uk zeizat dah kan ngeih ti hmanh maw na theih lo? Na ka halmi Bible cang kan hmuhsak khawh ruangah ningzak ding a si lo. Kan Hal mi Bible cacang na ka hmuhsak khawh tu si cun, ningzak ngai ngai ding na si ko lai .Kan halmi Bible cacang na ka hmuhsak khawh lo tu sicun ningzak ngai ngai ding na si ko lai. Evan Rualuk, Pa Fa Thiang Thlarau min in tipil an peknâk Bible cacâng cu rak chuahpi ve ne ca? Mah tiang hi an Comment adong rih. Credit: Apstle Siang LC

Be the first to comment

Leave a Reply

Your email address will not be published.


*