Even Tluang Lian le James Van Nei Lian ah aho chimmi dah a dik deuh hnga!

Even Tluang Lian le James Van Nei Lian ah aho chimmi dah a dik deuh hnga!
========
Even Tluang Lian: PATHIAN Dawtnak le BAWIPA JESUH Vel le THIANG THLARAU bawmhnak thawngin, Hlengtu le hrawktu Khuachia cu tei a si lai i na chim bantuk hin a si lai lo. Sihmanhsehlaw, Israel PATHIAN cu amah a PATHIAN le amah lawng a nawlngai bantukin aa ruat i amah a phun Israel mi vialte, PATHIAN Hmaiah sual a phaw i, BAWIPA nih mi 7000 a chiahmi hna zong sual a phawtu, a ralțhațnak a pingin a hmang sualtu profet Elijah tu cu;

Israel mi an sualpalhnak vialte a hmu i, minung 7000 thlacamnak zong a hmu i nawlpiak awk an țha rih ti a hngal i, PATHIAN Vel a hngalthiam i, Elijah nakin a letin a fim deuhmi Israel mi hna caah le an khuapi Samaria khua himnak caah fek tein a dirmi profet Elisha in chan a si lai.

Kanaan mi hna le Amalek mi hna he remnak ser cu khuachia he remnak ser bantuk a rak si i cucu an hmailei rawhnak a si! Khuachia he remnak ser cu khuachia sal sinak a si. Khuachia sal siter a kan duhtu cu Satan a si.

James Van Nei Lian: “Chin Ram Mangṭha mu” tiah ka ti te lai! Chin Ram cu Sertu Ka Pa, Pathian sin ah “ngaihchihnak le zaangfahnawlnak” thinlung nan tuahlo, a nawlngaih nan duhlo i, atulio ah ram daihnak nan serlo ahcun, Chin Ram cu a khaang dih te lai. Fanu/pa ṭha hna nunnak tampi a liam lai. Kawlram kut ah SAL in techin fapar tiang a um lai.

MAH cu Ka Pa, Pathian nih a tu nakin a thinlung a hahter chinchin lai. Sertu Ka Pa, Pathian nih a ka pekmi biatak le a duhnak a ka fialmi ka chim deuhdeuh lai i, nan ka doh deuhdeuh lai i, nan thinlung a hak deuhdeuh ve lai. Miding le zumhawktlakmi le nawlngaimi Pa, Noah chan bantukin ka bia zeiah nan rel lai lo. Caanṭha um lio ah Sertu Ka Pa, Pathian sin nan kir duh lo ahcun “kan palh tuk e, kan ingaihchih tuk e” nan ti len zongah santlai ti lai lo.

Chin Miphun le ram a hrawk dihtu hi midang an si lai lo, Chin miphun lila an si lai e. Abikin Pathian chiti thuhmi hna le Khrihfabu hruaitu an si te lai. Atu zong an kut ah thisen tampi a luang cang. An tefa tiang nih an zuun te lai hih! Sertu Pathian nih keimah hmurka (Jamesvanneih Lian) ai hlaan hi ahnu ah CHIN MIPHUN, a tu a nung rihmi hna nih nan hmuh te lai.

Hihi philh hlah! Pastors, evans, thlacamtu hna le prophets ai timi hna hi Thiang Thlarau fimnak le ṭhawnnak nih mi tampi a um pi ti hna lo. An taksa/chawva ah an thurhnawm tuk i a rian ah zumhawktlakmi an umlo. Zumhawktlak lomi kan u/pale chan a dih cuahmah cang! Zumhawktlakmi le ralṭhami le nawlngaimi Mino chan ai thok cuahmah cang e. Facebook ah ”CHIN RAM MANGṬHA MU” tiah ka ṭial ni hi chin ram a muih ni asi te lai e.

Hihi na ruat bal maw? Zeiruangah hitluk “ralṭha ngai le zumhnak fek” he miphun le ram kong hi ca ka ṭial ngam? Nan ei/duhlo tukmi minung sinak in ka theih ko dahkaw! Nain Ka Pa, Pathian nawl cu minung nawl nakin Amah nawl ka thih tiang ka ngaih lai.

Tukum 2023 hi Chin Ram ah May thla ah ka tlung lai ka ti nain Sertu ka Pa Pathian nih a duh lo. “Ka fapa Chin Ram ah na ke nih lamh dingah kan siang lo, thisen tamtuk a luang cang i sualnak phunkip in a thurhnawm tuk cang, Chin Ram cu laamhnak nawl kan pe lo i na phaan kho ti lai lo. Hika U.S ah rianṭuan ding tamtuk a um e” tiah a ti.

Chin ram rawh lai hi kan duh cio lo e. Na thinlung hahter hrim hlah ulaw! Bawipa duhlomi thil cu pahchih le kham khawh asi lo e. Ka dawtmi Khrih ah ka ulenau hna. Atuhi caanṭha asi e! Chin Miphun le Ram khamh hna usih mu! Jamesvannei Lian

Zeibantuk ram hmanh khi Democracy caah an ram an sersiam lio ahhin, nunnak tamtuk an rak pek i an khuapi pi an rak kang i an rak rawhral dih cuh, thihfak in tamtuk an rak thi. Khrihfami caah zeizong vialte i a zikBawi cu Pathian a si ko.

Chinram theng khi a si lo e, Chinramnak in khrihfa a si lomi, Pathian lungfahter le lawmhter zong a thei lomi hna hmun le hma kangh le uh le thih khi kan hmuh cio ko lai dah. A tu ah teinak van hmu zau sih law biaphuan a hman pawl nih Chinram nan i ngaihchih caah Pathian nih nan ram a thatter than an ti hoi ko lai i, kan va ngaihchih zong ngaihchih lo zongah…umm Ok ti cu a hau ko hnga mu.

Rak tlung cio u law, fb chung men si loin atak in ngaihchihnak thawngtha hna rak kan chim u law, nunnak pek herh ahcun Chinram caah rak pe cio u law, Chinram in leng achuakmi poh cu ralzam ramzamtak mi kan si dih ko i, kan ram te kir hnawh cio hna u sih. Fb i chim len nakin hmual a ngei deuh la ka zumh. US ram hi, an ram an sar nak ah nun nak tam tuk a dih, Minak le mirang thlei dan nak um ti lo ding ah nun nak tam pi thap in an sar, US ah hin um ti lo ding deuh na si e.