February Thla Kahdohnak Ah Ralhrang 41 An Thi Tiah CNDF Nih Thawng A Thanh

February thla kahdohnak ah Ralhrang 41 an thi tiah CNDF nih thawng a thanh

Chin ramkulh, Falam peng le Sagaing ram țhen, Kalaymyo peng chung, 2022 February thla, kahdohnak ah Ralhrang 41 an thi i 50 tluk hliam an tuar tiah March 13 ah CNDF nih thawng an thanh.

February thla ah Ralhrang le mizapi vengtu phu CNDF kar ah kahdohnak voi 5 a chuak i mah kahdohnak ah cun Ralhrang an thi. Cun CNDF in pa ralțha, pakhat a nunnak a liam i Bomb tarh lio, a puah sual ruangah pakhat a nunnak a liam chap tiah an langhter mi cu Mizzima thawngzamh nak in kan theih.

Credit: 21The Chin Times

Relchap:Chin ramkulh Mindat khua chung a voi 2 nak rak i kahdohnak ah Mindat CDF nih lai meithal hmang in ralhraang motor 6 cu an rak laak. A voi 2 nak Mindat khua chung kahdohnak hi a liamcia May 12 in May 14 kar ah a rak si i hi kahdohnak ah miralttha Mindat CDF pawl nih ralhraang motor 6 lai meithal hmang in an rak laak khawh hi a si.

Mindat CDF ralkap pakhat nih nihin December 2 ah “hihi Mindat khua tuanbia ah a taang peng cang dingmi thil asi caah a caan a rau cang nain kan run taar tthan” tiah a video file he a rak langhter.

Mindat CDF nih lai meithal in ralhraang motor 6 an rak laak i cu ruangah ralhraang nih helicopter tiang an rak hman pinah ralhraang thazaang tamtuk an rak chap caah Mindat khua cu an rak laak khawh tthan.

Mindat CDF pawl nih mipi harnak ton lai le thihlohnak ton lai phan ruang ah hnu an rak thawn tak hna. Mah hnu zong ahhin Mindat CDF nih an hmunhma a laatu ralhraang pawl cu an si khawhnak lam in nihin ni tiang an doh peng ko rih hna.

Credit: Global Chin Media

Be the first to comment

Leave a Reply

Your email address will not be published.


*