Furpi khualtlawn cu mu!

Furpi khualtlawn cu mu!
==========
Hakha in zinglei suimilam 8 in Rev. Dr. Lal Uk, Rev. Sui Lian Kam he kan ithawh hna! Cawkbuuk ah ralkap nih hman an kan thlak hnu ah Loklung, Sakta, Dinlaupa in Surkhua ah thaithawh le chuncawhrawmhmi (riahcaw fun kan ikenmi te) coffee dinh pah in kan ei!

Aika lei in Leipi, Khuahrang in Hnaring, Thangaw, Fantthen, Tisen in Aibur 7:30 pm ah kan phan! Ka kawi Salai Mang Hre Lian inn thar dekmak teah kan riak! Ka phanh bal lomi khua pawl phanh le ralzam hnu kan veh khawh rih lomi hna kan member he iton cu lung a hmui khun! Leitak, Hmawngtlang, Hlamphei in Khuabung ah Sayaci Ral Dun te inn ah zaanriah kan ei! Zan kan ipumh dih hnu zan suimilam 9:30 ah zanriah kan ei! Rev. Khua Thawng (CCC kan kai tti hawi Aa Nu Sing pa) inn ah kan riak!

Khuabung ah CCC kan rak kai tti hawi Pastor Hla Ci le Pastor Ni Tin Tial an rak tuannak si kaw lung a hmui khun!
Zephai khuathar ah Pu Ceu Hmung inn ah thaithawh kan va dawi! Inn lak thlacam kan vah hnu ah Zephai khuahlun kan va phan! A tupa nih a liam takmi Aa Sang nu te chung le sayaci Kio Tum Thang te inn ah kan va len hna hnu ah Hriphi lei kan panh!

Lam le sul cu a ceet dom! Lam tte ko ah hin kan buai khim! GPS ngah hlah kaw Cit le Pawt tuah hau phun in kan um ko rawh cu teh! Lamtte ah khua kalnak min tete i khenh kho seh law zeitluk in dek a ttha hnga ka hei ti! Hriphi ah zarh kan hmang! Tlangrua ah ralzam chung ah mual a kan liam takmi Pu Zakia te chungkhar, Pu Raltu nupi (ka ni Bawibikthawng nu) le ka ni le ka tang Mangngen nulepa te kan len hna hnu ah Vambai lei panh in kan khuallam kan peh i Salen ah kan riak!

Salen ah ai dormi hna umnak hmun cu a rem ngai ngai! Inn kip thlacam lennak kan ngeih hna hnu ah Hriangkhan, Bungtlang in Thau ah kan riak! Thau in, Hriangkhan in Hmunlipi in Thangzang ah an riak! Lungler ah kei ka va riak!
Hmunlipi le Thangzang kar lam cu a nal si a ceet si, a kuar mi thuh si kaw, a har ti pin ah khin har chin ti chap hau phun khi si!

Thangzang in Hakha khen kan itim! Sihhmuh in Sopum kan phan! Lahva kam ah motor pathum a rak itaap! Tank nih a rak bawmh len lio kan hei hmuh! Bawmhchanh bu cun an chuak kho! Lahva in Arcirh kan lonh hnu Lam harnak kan lonh hnu Hmunthar khua pawng kan phak ah kan Motor a dir tthup ko! Kan hawi tha pastor Lian Tling (Hmunthar pastor) kan hei chonh!

Motorcycle in Samuel he an kan fuh! Zan khat kan riak! Kanghuhnak a tongmi sinah pumhnak kan ngeih pi hna! Hmunthar ah motor cu kan dawh le kan chiah ta phot! Motor remh ding in thilri an cah lio! Saya Amos nih vikvek a rak kan don le zanlei suimilam 5:45 ah Hakha kan phan!

Phihlik nih khengtlang a vel phun in Cawbuk lei in Lautu, Zophei, Bual,Vailam,Zahnak, Khualhring, Tlangzar, Ramthlo, Doktthek, Chuncung, Hakha Thar in Hakha Khuathar in Hakha in… kan inn hlannak ah, Furpi khualtlawn cu mu. Credit: Saya Ca Cung Bik

Be the first to comment

Leave a Reply

Your email address will not be published.


*