Siaherh thawngpang bultan:
=======
1. German thohlanzii zung pi (Federal Intelligence Service) ah bawi ngan pakhat cu Putin minung a rak si tiin an tleih i German cozah nih ram leirawi tu tiin taza an cuai lai ti a si. An tleih lai tiang in Germany le Ukraine karlak info an i pek mi vialte Russia sin ah a rak pek peng ti a si.
A mak ngai ko ka ti. German thohhlanzii zung pi ah caan saupi Putin minung a thli in a rak um mi rul ngan pi cu a tu lawng an theih khawh. Germany caah thil poi ngai a si. Cu pin ah nitlak ram pawl a bik in US Intelligence Service le British Intelligence Service ko an ing a puang ngaingai lai. Zeicatiah an i bawm dih cu mu.
2. Putin nih nai hrawng a bia key a thlen ngai i mah hi lung dongh lei bia key thlen asi ko lai tiah a ruat mi an tam pi. Siloah strategy a thlen dek a si hnga. (1) Ukriane a tuk mi cu “special military operation” a ti peng. Russia ram chung ah “war” tiin a chim mi cu kum 15 tiang thong thlak khawh a si. Cucu nai te biachimnak a neih lio ah “special military operation” ti lo in “war” tiah a chim phut ko. Chim sual maw si hnga chim hramhram dah ti bel an thei kho loh.
(2) Europe gas pipelines a phih kanh mi zong Europe lei nih an duh ahcun awn tthan ding in kan i ready ko tiah a chim. Thil sining zoh tik ah Putin nih gas pipelines a awn tthan hmanh ah Europe nih an duh theng ti lai lo.
Zeicatiah Russian gas he i pehtlai ti lo in um khawhnak lam an dap cio cang. Europe ahhin Russia nih gas pipelines pahnih Nord Stream 1 le 2 in gas a kuat. Cu gas pipelines pahnih cu Sept ahkhan rili tang in an kal ter mi pipelines kha fak piin a puak i nitlak lei nih Russia nih sabotage tuah in a puah mi si lai an ti. Putin nih USA nih a puah mi si tiin a puh ve hna.
(3) Nai hrawng Putin nih biachimnak a neih poah ah Ukraine he deihnak biaruah ding in innka kan awn peng ko nain anmah lei nih an duh lo tiah a ti lengmang. Ukraine le nitlak ram pawl nih cun a chim sawhsawh le a si, deihnak biaruah taktak ding a duh mi a si lo, silhnalhnak ai chim ter mi a si an ti ve. A tu tiang thil sining zoh ahcun Putin nih lung thumh ai tim lo an ti.
Hi vial in si rih sehlaw.
Ukraine Kahdohnak Ah I Teltum In Aa Pehtlai Mi Zapi He Ceihmaitinak Ngeih Dingah Timh Cia Kan Si Nain Ukraine Lei Nih An Cohlang Lo, Tiah Putin Nih A Chim! Ukraine kahdohnak ah i teltum in aa pehtlai mi zapi he tonbiaruah ceihmainak ngeih dingah Russia timhcia kan si, tiah a ti ko nain Ukraine le, an mah Ukraine a cohlangtu nitlak lei ram hna nih tonbiaruah ceihmainak puai ah i teltum duh nak thinlung an ngei lo, tiah Russia President Putin nih Dipa ni 25 ah thlah mi bihalnak pakhat ah a chim.
Ukraine cu Russia nih Feb: ni 24 thawkin kadohnak a tuah ruangah a voi 2nak vawleicungpi ral a chuah hnu, nitlak lei ram ah minung thih tam bik nak, buainak pakhat a chuak i kum 1962 Cuba Dungci buainak a chuak hnu, nitlak lei ram hna le Moscow karah a ngantuk mi buaibainak a chuah. A tutiang ah kahdohdaih dihdonhgnak muisam zong tlawmpal te hmanh a cuang lo i, hmuh khawh zong a si lo ii sual ngeilo mipi pawl zong a thong in an tlizaam hna i kahdohnak zong a chuah cuahmah liopi a si rih ko.
Kremlin nih kan mah kan i ruahchan mi teinak hmuh caan a phak hlan lo kahdohnak kan tuah peng ko lai, tiah aa hrocer i Kyiv cozah nih kan hmunhma le kan vawlei kip ah Russia ralkap pakhat hmanh an um hlan lo chung poah kahdohnak kan tuah peng ve ko lai, tiah a chim ve.
Cohlan khawh dirhmun a si mi sining pawl caah i teltum in aa pehtlai mi zapi he ceihhmaitinak ngeih dingah timhcia kan si ko, a sinain cucu an mah lei cungah a muti(nawl a um mi) mi a si.
Ceihhmainak ngeih dingah a cohlang lomi cu kan mah si loin an mah lei an si, tiah Russia cozah nih a ngeih mi Rossiya 1 nih a thlah mi biahalnak ah Putin nih a chim.
Leave a Reply