Ghost Of Kyiv Timi Hi A Ho Dah Si

“Ghost of Kyiv” timi hi aho dah a si hnga?

Ukraine khualipi Kyiv cungah Russia Fighter Jet 6 a thlatu pa hi aho dah a si hnga?

Ukraine khualipi lak awk ah ai thawh mi Russia Fighter jet 6 cu amah lawng bak nih a thlak dih hna caah “Ghost of Kyiv” tiah online in a minthang mi a si.

Hipa hi a taktak ah a um hnga maw? tihi biahalnak a um mi a si. A ruang cu amah tein online ah Russia Vanlawng 6 ka thlah hna ai ti caah a si. Asinain Ukraine nih cun a um taktak ko, atu zong hi van ah ai hel cuahmah ko tiah an ti ve.

Ai chim ning hi a dik mi a si ahcun vawlei cung ralpi 2nak dih hnu ah Fighter jet khalh thiam bik a si lai tiah ti a si. A ruang cu hi pa nih Soviet Union chan lio ta a hlun ngai cang mi MiG-29 fighter jet hmang in chan a man taktak mi Russia fighter jet 6 a thlak khawh hna caah a si. A thlak mi lak ahhin Russia nih ai uan ngai mi SU-35 zong ai tel ti si.

Tu ahcun “Ghost if Kyiv” tiah a min a thang ngaingai mi pa aho set dah a si hnga? Asiloah a um taktak hnga maw?ghostofkyiv UkraineCrisis Credit-suimilammedia

 

Be the first to comment

Leave a Reply

Your email address will not be published.


*