Good News: Australiais Labor cozah nih ralzam 2000 bak kum khat chungah a lak lai!

Good News: Australiais Labor cozah nih ralzam 2000 bak kum khat chungah a lak lai!
==========
Good News: Australia’s Labor Cozah nih tu kum chung (2022 – 2023) caah Kawlram ralzaam – a tlawmbik minung 2,000 a lak hna lai. Tuchun in an thok lai i hmaikum July tiang khi a si lai.

1. Thailand ramri ralzaam tambik a lak lai. 2. Malaysia ralzaam hi a pahnihnak a si lai. 3. India lei ralzaam an si lai tiah an zumh bik.

Zei miphun dah tam bik an lak hna lai tiah zumh chung mi cu: 1. Karen hi pakhatnak an si lai. 2. Chin miphun kan si lai. 3. Miphun dang an si lai.

Case 2,000 an lak pin ah Special Humanitarian Program (SHP) khin tam pi an ra kho lai zumh chep a si. SHP cu sponsorship tuahnak in auh mi khi a si. Khua te lei um mi caah a tha kho taktak lai. Labor party kha Cozah a si cang ka tein Liberal Cozah nih a luancia kum thum chungah Kawlram ralzaam a kan lak zat kha an kum khatnak bak ah lak colh a kan timh. Credit: Saya Sang Hre

Paletwa khuachung ah Fuel (Diesel) a um ti lo caah nicaan riikhiah um loin meihmih a si! Chin ramkulh, Paletwa ah Fuel (Diesel) a dih caah khuachung mei peknak cu nicaan riikhiah um loin dirter a si tiah peng mei zung nih a chim. Paletwa ah June 8 in Fuel (Diesel) kuat khawh a si ti lo caah June 27 thok in khuachung mei peknak dirter a si tiah mei zung bawi U Win Nyunt nih Western News ah a chim.

“Kan sin ah Fuel a um ti lo. Fuel a phor tawnmi tilawng cu Fuel khat te he Kyaukdaw in Paletwa ah a raa i June 8 lampi ah tlaih/chuh a tong. Zeiruangdah chuh a si ti cu a fiang in theih a si lo. Cucaah kan sin ummi tein ni 10 leng hrawng kan pek. June 26 tiang.

June 27 thok in Fuel a um ti lo caah peng uknak zung le pengkomh uknak zung sin ah kan chimh hna. Tulio ah tilawng zong a chuah khawh lo caah Fuel phorhnak a um lo. Tinbaw in phorh khawhnak ding cun a cunglei kan chimh hna. Fuel a phak lawng ah mei pek khawh ding a si caah ni zeizahdah a rauh lai ti cu theih a si lo” tiah a chim.

Paletwa khua ah 2021 August thok in mei pek ningcang voi 8 ṭhen in nikhat ah voi 4 pek a si. Atu bantuk in mei a rat lo caah pehtlaihnak le rianṭuantu pawl caah harnak tampi a um i hlan chan a phan ṭhanmi kan lo tiah Paletwa khuami pakhat nih Western News ah a chim.

“A hlan tein Internet an kan phihpiak. Atu ṭha tein a raa ti lomi mei zong a mih caah hlan chan phak he aa khat ko. Fur caan a si caah Solar pawl zong ṭha tein a ngah lo. Phone pakhat battery ca hman a har” tiah a chim. Paletwa ah Disel seh 2 in nikhat ah zaan 6:00pm in 11:00pm tiang sml 5 lawng pek a si.

Falam palik sakhaan ah kahdohnak hmete a chuak. Chin ramkulh, Falam khua peng sakhaan ah June 28 zaan sml 11:00pm hrawng ah kahdohnak hmete a chuak tiah theih a si. Kahdohnak chungah a thimi le aa hliammi theih an si rih lo. Kahdohnak ruangah palik sakhaan pawng mipi inn cheukhat le palik sakhaan kulhnak hna ah kuan hmuh an si. Kahdohnak a tuahtu hi zeibantuk phu dah an si ti zong a fiang in theih a si lo tiah theih a si.

Kalay in Laitlang lei ah SAC ralkap mawṭaw 24 a kai. SAC ralkap mawṭaw a nganmi 23 le a hmemi 1 cu June 29 zinglei sml 11:00am hrawng ah Kalaymyo in Laitlang lei ah a kai tiah Zalen nih a langhter. Mawṭaw tam deuh cu eidin an phor i mawṭaw 4 ah thing le rua pawl an phor. Adang mawṭaw 3 ah SAC ralkap pawl an um tiah theih a si.

June 27 zinglei ah Kalaymyo in Laitlang lei ah mawṭaw 5 a kai i mah mawṭaw pawl cu atutiang Kalay-Falam lamcung i Zawng Kawng khua ah an um rih ko tiah a langhter. Cun Mandalay in Kalay vanlawng ṭumnak ah ralkap vanlawng in thazang a chap tiah theih a si.

June 28 zong ah Kalay vanlawng ṭumnak ah ralkap vanlawng voihnih a ṭum cang i upa pawl an i cit lai tiah ruahdamh a simi vanlawng hmete pakhat zong a ṭum tiah theih a si. June 26, 27 le 29 zong ah SAC ralkap helicopter cu Hakha khua LIB 266 ah voi 3 a ṭum i Helicopter nih khua hel in aa chawk lengmang tiah theih a si.

Hriam he mipi sin aa fonhmi CDM ralkap 18 cu sing 344 laksawng pek an si. NUG Ministry of Defense nih hriam le mipi sin aa rak fonhmi CDM Major, Captain telh in ralkap 18 cu lawmhnak laksawng sing 344 a pek tiah theih a si.

CDM Major, Captain telh in hriam he mipi sin aa rak fonhmi ralkap 18 cu an rak putmi hriam le raltuknak thilrii pawl cung hngat in tangka sing 344 pek an si i NUG Ministry of Defense nih hriam he mipi sin aa rak fonhmi cu phungning tein himnak pek nan si lai i laksawng zong pek chih nan si lai tiah NUG nih a thanh. Mipi sin aa rak fonhmi ralkap le palik 10,000 leng an si cang tiah NUG nih a thanh.

Ukaritha sakhaan cu KNDO,KNLA phufonh nih an lak (Muicawl). Karen peng, Myawaddy thlanglei, Walemyaing peng ah a ummi SAC nih hmunhma an khuarnak Ukaritha sakhaan cu June 28 zaanlei sml 6:30pm hrawng ah kan lak khawh cang tiah KNLA nih a thanh. Ukaritha sakhaan cu KNLA, KNDO commando phu VENOM le Cobra telhmi phufonh nih lak an i timh caah SAC nih vawlei lei he van lei he kah a bawmh i lak khawh a rak si lo nain June 28 ah cun teinak kan hmuh cang tiah a thanh. Credit: The Chinland Post

Be the first to comment

Leave a Reply

Your email address will not be published.


*