Good News: CDF-Zophei nih chanthar fimthiamnak hmangin zun -12 serchuah a si cang!

Good News: CDF-Zophei nih chanthar fimthiamnak hmangin zun -12 serchuah a si cang!
========
CBCUSA CDF Supporting Committee bawmhnak thawng in, CDF-Zophei nih Chanthar fiamthiamnak hmang in; Hriamnam ngan, phunhnih (Zun-12) hrawng Serchuah khawh a si cang. Ruahnak leng tiang hmanh in a ṭha i, a hmannak le a rianṭuannak zongah santlaihnak le ṭhahnemnak tampi a ngei lai tiah kan zumh.

CDF-Zophei Nih Hriamngan Phun 2 An Serchuah. Chinland Defense Force -Zophei (CDF-Zophei) nih CBCUSA CDF Supporting Committee bawmhnak thawng in hriamngan phun 2 an serchuah cang tiah theih asi. CBCUSA CDF Supporting Committee bawmhnak thawng in, CDF-Zophei nih Chanthar fiamthiamnak hmang in; Hriamnam ngan, phunhnih (Zun-12) hrawng Serchuah khawh a si cang.

Ruahnak leng tiang hmanh in a ṭha i, a hmannak le a rianṭuannak zongah santlaihnak le ṭhahnemnak tampi a ngei lai tiah kan zumh” tiah Zophei Information Center nih an Facebook cahmai ah an langhter.

“NUG hi Dirhpi Aherh Hringhran” Dothlennak ca ah kan State cio ca lawng phaisa kan thawh cun NUG hi ho nih dah a zoh khenh te hnga? Ralkap bantuk caan saupi sermi institution pi doh ding ah anmah bantuk institution ṭhawng kan herh tihi theih a herhbik ko.

Tuanbia kan zoh ahcun; 1. KNU, KIO, CPA, etc pawl tlangcung hriamtlai hna i, an first dream cu independent arak si. Nain, Myanmar ram milu i 68% a simi Kawl mi hna i an ralkap cu a pakpak in an rak doh ca ah an tei kho lo. Hriamtlai phu hna cu raldoh an huam ti lo hnu ah remhdaihnak an khel tawn theo. Cu ruang ah, Kawl ralkap nih cun “an lung dong te ko lai” ti menmen in an rak zoh sawh hna. Remh daihnak tuah caan paoh i ralkap chimmi cu “kan kut tang ah lut u” ti kha a si ko.

2. Myanmar ram Communist ram ah ser a duhtu pawl CPB kha South East Asia ah Communist ideology a ṭhawn lio le China ah Mao Zedong a bawi lio ahcun bawmhnak tampi an hmu. Cucu bu cu KIO nih an va komh. Nain, NDF ah CPB nih kaa tel ve lai a timi cu KNU nih a duh ve ti lo. Cucaah, 1990 hrawng cu KNU lei ṭang hriamtlai le UWSA (CPB te fa) lei ṭang tin an i ṭhen. UWSA le a hawile cu remdaihnak an thut. KNU le a hawile cu ui thah le arthah in Kawl ralkap nih thah an tong.

3. 2010 kum hrawng ah Thein Sein nih remh daihnak kan tuah lai a ti hna tikah tlangcung hriamtlai pawl an lung a fim deuh cang. A pakpak in kan um ṭhan ahcun kan lo lai ti, an i fiang. UNFC an dirh. An i si hna i an i ṭhen lan hna. A cheu pawl nih min an thut, PPST an ti hna. NCA lam in federal democracy kan ser lai, an ti. Cu hna cu KNU nih a hruai hna, RCSS nih hruaitu chang a ṭuan. UWSA te rual nih an duh ve lo. FPNCC an dirh ve. UWSA hruaitu a si, KIO cu hruaitu chang. Aphi chuak cu Kawl ralkap lawng a miat an ei ko.

4. 2021 ah MAH uknak lak tikah a um bal lomi mi buu an rak chuak. Institution in kan doh lai an ti. Cucu Institution in cun dothlennak cu kum 2 fai a kal. Zei a can lai theih khawh a si lo. Sinain, a fiangmi cu tuanbia bang in a pakpak in kan um ṭhan ahcun dothlennak cu zei santlai lo i zuamnak tu a si men kho. Cucaah, aherhmi cu mipi nih sermi “NUG” ah pumkhat te in i fun i, doh kha a si ko. Cucaah, kan mission hi philh hlah hna usih!

Bo Nagar (Ko Htin Lin) A Buai Hnawh Tu Hi NLD Model MPs le NUG Kusale An Si! Bo Nagar nih Raldoh hlah sehlaw, Sakai ram cu Rallokap nih an uk nak a hlan tuk cang. Kum hnih Ralhrang a doh cang mi Bo Nagar te MNRA cu NUG nih cozah le Ralkap an dirh hnawh hna I, hna an hnawk hna. Bo Nagar te cu Social Media ah siseh, Mipi sinah siseh, NUG Cozah le NUG PDF nih, Ni fatin ti awk in an mual pho hna I rolung an bunh hna. A sualnak le a tlamtlin lo nak an kawl I, hmakhat te ah social media ah an phuang zungzal.

Live in siseh, cabia in siseh, NUG Cozah le NUG PDF LDF nih, Bo Nagar te cu an doh zungzal hna (Ni Fatin in). Cucaah Bo Nagar nih Mipi nih an ka duh lo ahcun Phaisa cazin le Hriamnam kan ap hna lai I, kaa ngawl lai tiah a ti cang. Sri Linka ah Ph. D a kai lio mi Pau Dohthlennak Phungki pa nih ara lai mi zarh ah ka remh hna lai ati. Social Media ah Live thlah in Vawleipi theih in an chimrel te lai.

Bo Nagar kong ah, NUG le Vuanci rual an kaa an cip caah (abikin MOD Pu Yemon a holh lo caah) NUG nih, BO Nagar hi an rem lo, an ngiar mi asi ko tiah mipi nih an ti phah cang. Bo Nagar cu Ngunkhuai khawlh nak nawl na ngeih lo an ti. Pale velchum zong uk ti hlah, kanmah NUG nawl loin Raldoh ti hlah an ti. Mipi sinin ngunkhuai an lak lo ahcun Bo Nagar te hi vawlei maw an ei lai?

NUG nih Bo Nagar cu pelte hmanh an bawmh fawn lo. Ngunkhuai cu NUG nih an khawlh I, Hriamnam le mipi bawmhnak caah hman loin anmah pumpak rumnak le thlahlawh caah an hman. Hriamnam ṭhaṭha cu NUG nih NUG PDF LDF lawng an bawmh hna. Raldoh ah an I thawh ngam lo I Bo Nagar te lawng nih an doh zungzal. Raldoh ding ah dirh mi NUG cozah le Ralkap he an I lawh ti lo. Mipi sin in ngunkhuai khawlh in le mipi bawmhnak in rum aa timh mi an lawh ngai.

Bo Nagar te MRNA le anmah he Alliance asi mi PDF LDF hna nih Sakai ah Ralhrang an doh caah, Sakai ram cu Rallokap nih an ke in an lamh ngam ti lo. A phi chuak ah CHINRAM namh awk ah Rallokap Thazang a tlawm tuk cang. Bo Nagar le a hawikom PDF LDF nih Ralhrang hi doh hna hlah sehlaw, CHINRAM hi Rallokap nih an uk khawh cang mi asi. Asiloah CNA/ CDF hi kan tem tuar tuk kho, hi nak in kan pamh deuh khawh I, innlo le khuapi a ciam deuh khawh mi asi. CHINRAM caah Kahcham asi mi BO Nagar le a Ralkap an si. Chinram caah Hauhruang asi mi CDF – KKG, CNDF, PDF le YDF an si. Sakai ah Bo Nagar te nih doh hna hlah sehlaw, CHINMI kan tuar tuk lai.

Raldoh lio mi hnahnawk in anmah nih raldoh fawn lo mi, Mipi bawmhnak le Ramdang bawmhnak in rum aa timh mi NLD Models le NUG kusale rual hi kan zoh sawh hna lai maw? Khuate le Pengtlang ah NUG nih Cozah le Ralkap ah an hmang ding mi cu hmunhma a hip I raldoh fawn mi CNA le CDF hlei ah zeidah a um hnga? Rallokap hmanh doh ngam tung loin, Aizawl, Bangkok le ramthum nak ah um salam in, Raldoh lio mi CNA, CDFs, CNDF, Bo Nagar, BPLA, ABIA, SOF, SAF, LDFs, PDFs tbk cung ah bawi si duh le uktu si duh mi hi a dik ko nan ti cio maw?

NUG hi raldohtu Cozah tu an si a herh. Raldohtu cozah ah hi vialte zung le vuanci rualrual hi a herh maw? MOD, Finance, Social Warfare timi zung 3 aum ah a za. Tu cu Vuanci le zung a tam tuk caah bawmhnak vialte Inn hlan man le thlahlawh ah a dih cang. Hriamnam le CDM bawmhnak ah NUG phaisa a kal ti lo. NUG kuttang PDF LDF lawng an bawmh hna, NUG Kuttang PDF LDF hi raldoh ngam lomi an tam. Nan ziaza le Policy nan thlen lo ahcun Ral kan tei khawh lai lo.

NUG Hawikom a sit asimi CNA CDJC CDF cungah bawi si le Vuanci si a duh mi Chin MPs le NLD upa zong I ralrin cang uh. Keimah le kanmah hi PM le Vuanci ah, nan kan vote lai tiah CDF Camp ah Gospel a vak mi hna nan um. NUG CRPH ICNCC MPs le NLD nan ral hi CNA le CJDC asi lo. CDF zong asi lo. Bo Nagar, Ko Sawng Kha BPLA zong asi lo. Raldoh lio ah ral adoh ngam lo mi phu le Pumpak cu Luban le uktu si hna hlah seh, Ral kan tei tikah bawi nan si te lai. Ralhrang teinak caah siloin Ramdang le mipi bawmhnak in rum I timh ti hlah, Fir ti fawn hlah. Credit: Joseph R. Thang

Be the first to comment

Leave a Reply

Your email address will not be published.


*