Good News: Dohthlennak Caah Ti Bak A Si Ko, Thazaang pek cio hna usih!

Project Vaurawng 1 (Kawlca in leh lo ding)
========
Dohthlennak caah zeitin dah Small business pakhat a si mi Aidii nih caansaupi kan iteltum khawh peng lai ti hi nikum in kan ruah ngaingai mi a si.

2021 lio ah cun thil kan manh mi vialte (profit si lo) chung i 5% kha Thantlang le Mindat Ralzaam hna sin ah kan pek hna. Tukum hi cu a hrampi le a biapibik a si mi Bu sin ah thazaang chap kan itim. Khoi ka ti cu chim hau lo in kan thilthuam zoh in hngalh cia a si ko lai. Hi project caah $5,000 in investor kan auh i Project Vaurawng 1 i investor cu Salai Van Nawl Bawi a si. A cung ah kan ilawm tuk.

Hi thilthuam in hmuh mi Profit i 50% hi dohthlennak ah direct in kan pek hna lai i a tang mi 50% in thildang chuah than nak ah kan hman lai. Cuticun Aidii Thiamrun nih pehtlai te in le kan rian zong hnorsuan lo te in dohthlennak ah kan itel kho lai. Hi thuam hi Limited Edition an si caah Aidii thil lak i mah phun thil pawl a man kan hauh tawn mi he aa dang lai.

Ruahnak tha he kan itimhmi rian an si caah kan itimh mi a hnorsuantu Copy thil na kan chuahpiak, na kan cawk piak nak hnga lo kan in nawl hna. Aidii Thiamrun, Thilman, Puanpi: $200, Nuthuam: $300. Edit: US lawng ah stock a um. US chung shipping free a si lai i, US si lo mi ramdang cu shipping man mah te in liam a si lai e. A duh mi nih comment le kan page ah cakuat khawh kan si.

Kan miphun hawi ralzam hna caah innhmun 100 kan pek lai. Pathian thawng le thla a kan campiaktu mipi thawng in Miphun hawi ralzam chungkhar 100 caah innhmun 100 kan pek hna lai. Mirang kut in kan luat hnu kum 74, kan Chinmi tuanbia ah a mui cemmi chan ah kan um. Cu chan cu kanmah chan he aa tong ve.

Inn le lo zamtak in Yangon a rak phan i mi dum, mi lo ah tar nu tar pa, nu le ngakchia rual he an um ka hmuh tikah, an ca i a herh cemmi le a har cemmi innhmun zalhpiak hi, ๐—ž๐—ฎ ๐—น๐˜‚๐—ป๐—ด๐˜๐—ต๐—น๐—ถ๐˜๐˜‚๐—บ ๐—น๐—ฒ ๐—ธ๐—ฎ ๐˜๐—ต๐—น๐—ฎ๐—ฐ๐—ฎ๐—บ๐—ป๐—ฎ๐—ธ a rak si zungzal. A bik in zumhnak ah a der rihmi kan miphun hawi hna ka zoh hna tikah miphun le biaknak in an kan tlautak sual lai ti hi ka phan cemmi pakhat hi a si.

Kan miphun hi million pakhat kan tlin khawh nakhnga nau ngeih tam kan hau bantukin a um ciami kan tlau lo naklai biatak tein kan i ven a hau ko.

Tutan kan miphun nih a tonmi harsatnak le muihnak ah hin, kan chan he aa ton ve bantukin, ngeih le chiah zeizong vialte zamtak in a rak phanmi miphun hna caah, Hringtu ka pa Bishop CK No Chhum he innhmun 100 (40×60) pekchanh khawh kan i tim. Hringtu ka pa nih hmun 50 a ka bawmh lai i, kei nih hmun 50 ka chap lai.

David nih Bawipa cu kei mah ka ngeihchiah hrim in ka thangแนญhat lai a ti bantukin kanmah ngeihchiah tein kan miphun caah kan pekchanhmi a si lai i, Inn saknak tu ah bawmh kan halpiak te hna lai. Miphun hawi a harsami hna caah bawmhnak hal hi kan ning a zak hrim lo.

A bik in hi harnak i a um ve mi kan fale hna hi, fim thiamnak cawnpiak hna in le foundation tuahpiak hna in kan khua, kan peng le kan miphun caah bochan khawhmi ah kan ser แนญhan hna lai. Kan ngeih ruangah si bak loin, kan miphun tuanbia i kan tonmi a hmui cemmi caan ah, kan miphun he lungfak le ngaihchia in kan tuarแนญinak tu khi a si.
Bawipa nih a kan dirpi in a kan bawmh ko lai.

Chungkhar 10,000 Caah; Kawlram ah mipi 2 million rawltam in an um lai tiah mi thiam hna nih a thanh chung cang.
Chungkhar 1000 rawl pek khawh ka rak duh. ๐“๐†๐Œ in chungkhar 300, ๐‚๐‘๐“ in 300 le ๐“๐ก๐š๐ฐ๐ง๐  ๐“๐ก๐š ๐…๐—ผ๐ฎ๐ง๐๐š๐ญ๐ข๐—ผ๐ง in 400 kan peh khawh hna caah Pathian a min ka thangthat. A kan bawmtu nan dih lak cungah kan i lawm.

Rawltammi hna ka hmuh hna in ka thlacamnak a tlawm tuk ti ka van i fiang chin. Thawng Tha Foundation in Chungkhar 1000 rawl pek khawh kan i zuam than lai. Facang bag ah Thawngtha cazual kan rawn dih lai. Kan ram nih harsatnak a in lioah chungkhar 10,000 sin ti le rawl pek kho dingin thla ka cam.

Ral le rai ruangah harnak a phunphun a tongmi Kan miphun hawi sin raikhamh sii chunhnak a program tuchun kan ngei แนญhan lai. An umnak hmun thum tiang in miphun dawtu siibawi, nurse hna le, CCRT volunteers pawl an kal hna lai.
Hi program caah chawva in miphun hawi a bawmtu hna le, kan siibawi, nurse le volunteers hna dihlak cungah Pathian thluachuah um ko seh.

Hi program a kan hrui tu, saya Bawi Tha Thawng, saya David Thang, saya Van Pum, Saya Ezara le sayama Mimi cungah kan i lawm. A lak te in muphun hawi sii a la kho mi 600 leng an si cang hna. Credit: Thawng Tha Thang

Be the first to comment

Leave a Reply

Your email address will not be published.


*