Good News; Laihlum khua hngak inn 20 nih Dollar 100,000 bak an thawh cang hih!

Good News; Laihlum khua hngak inn 20 nih Dollar 100,000 bak an thawh cang hih!
=========
Chin Miphun nih khua kan țanhnak lungput hi tutan dohthlennak i ral kan teinak ding caah thazaang ah serkhawh i zuam hna usih.

Hrawngvun khua hi Hakha Township, Zokhua peng ah a ummi khua hmete a si. Laihlum khua hngak hi inn (20) an si, tutan Emergency Mandatory Project caah US um Hrawngvun hrinsor pawl nih $ tingkhat kan thawh ve lai an ti tik an ngeih phak lo bakmi, docawi bak in miphun le ram an dirkamhnak, Chinram hrinfa pakhat i țuanvo an hun langhternak khi a si.

Khua țanhnak lungput a țhawnnak kha miphun sersiam chanhchuahnak caah hmankhawh hun i zuam cio hna usih. Kan dihlak kan țanrual ahcun kan tei hrimhrim lai, a rau ti lai lo. Tutan dohthlennak hi cu voidang tawn bantuk phun in ruah lo ding ka duh ko, kan ralpa teinak ding caah ralțhat le lungțhawn le țanrual a herh ko.

“Good Friday Message” Minung Phunhnih; 1. Midang zawn a ruatmi, 2. Mahzawn lawng aa ruatmi, 1. Pathian nih laksawng pekmi thil tikhawhnak hmangin midang ca rianțuan cu zeitluk thilțha dah a si. 2. Pathian nih laksawng pekmi thil tikhawhnak hmangin zeidah ka hmuhkhawh lai.

1. Midang caah zeidah ka tuahkhawh lai. 2. Ka tuahkhawhmi chungin keimah caah zeidah a taang lai. 1. Țuan man ka hmuh le hmuh lo a biapi lo, ka sikhawh chung a țhabik in țuankhawh kaa zuam lai. 2. Hlawhtlinnak ka hmuhkhawh cang caah fawi tein thil ka tuahkhawh cang. “Mi nih a hawile caah dawtnak ngan bik a ngeih khawhmi cu an ca i a nunnak pek hi a si.” (Johan 15:13)

Midang mithmai zoh lo tein dinnak aa hruhchihmi pawl hi mi nih rem lomi si a si deuh tawn i mithmai hmuh in biachim thiam hi mi nih remmi si deuh a si tawn, Dinnak le din-lonak karlak raldoh lio a si caah dinnak i sehchih a herh.

Media lar chan a si bantuk in media ah a langsar deuh poh minthan le mizapi nih hngalh deuh an si tawn. Chim-thiam lem lo țuanlei aa hruhchihmi pawl (pakhatkhat ruangah media ah langh awk a țha lomi pawl zong) khi an ba ngai tawn nain mizapi nih hmuhpiak hngalhpi an rak si tawn lo. Khualu-khuataw tuakkhak thiam ngai kan hau.

“Ram uknak țhat lo lio ah a rum luaimai mi cu ningzah awktlak an si i, ram uknak țhat ko bu ah sifak mi cu ningzah awktlak an si ee tiah Confucious nih a ti” timi hi pumpek nunthap in dohthlennak tuah cuahmah lio ah a vun i hliah thluahmah.

Thisen le nunnak in tuanbia țial cuahmah lio ah ram hrinfa pakhat sive ko țung, nun-dam ve ko țung ahcun lam pakhatkhat tal in dohthlennak rian ah i tel ve hrimhrim ding a si.

Lunglawmhnak; Pi Bawi Cin Țial- Suimi nu ( Australia) nih tukum Camp Victotia UCCF Thawhțhan cu Caw 2 le Vok 1 in a kan tuahpiak, kan ralkap pawl rawl an ei lio vun hmuh cu lunghmui a ti tuk hringhran, vawlei cung Hotel țha/sangbik rawl ei nakin thaw deuh le khim deuh in kan ei hna … Bawipa Pathian nih an chungkhar nunnak lamthluan ah a dong lomi thluachuah vanluh țhumhthlak ko hna seh.

Hruaitu Upa riantuan mi nih bia kan chim tikah kan i ralrin a herh tuk. Tuchan ahcun mino pawl an lungfim tuk cang pin ah upa zong nih ngakchia an si caah disrespect ding an si lo. A tu Chan mino pawl cu upa tampi nak in thil an thei fawn cang i kan i ralrin bak a hau.

Kum tampi a luan ciami ah inn lawmhnak ah ka rak kal i jean bawngbi le angki bantawi ka rak i hruk. Ka angki cu Ka paw khi zunghnih hrawng te khi a rak lang. Cu ahcun mi pakhat nih na sexy ko ee an rak ka ti i khrihfa upa pakhat nih a rak i thawh i ”a thil hruk hi hlawh hlang nu (kawl bia in) dawh a lawh ko cuh” tiah a rak ka ti.

Kum 19 a simi nu ngakchia mah ti a rak ka ti cu Ka lung a rak fak tuk. A ho sin ahkhin dah ka vai zuar bal? Aho nih dah tangka cu an ka pek bal in an ka ih pi bal? Hlawhhlang nu mui le sam cu zeitin a theih hnga? Ka rak ngakchiat pin ah ka thin a rak hung tuk i chim awk hmanh ka rak thei lo. Ka rak lawi diam.

Cu pa cu a tu tiang Khrihfa upa a tuan ko. A mah caah cun chim tlak lo insignificant tukmi event khi a rak si men lai I a thei ti lailo dah. Nain, a tutiang ahhin a rak ka timi bia ka philh lo. Kai cenet kho lo. Zei bantuk biatha le biadawh pulpit cungah a chim zongah ka upat kho hrimhrim lo. A mui ka hmuh zongah ka fih. A tu ahcun fanu pahnih a ngei I a fanu le khi mi nih mah tikhan hei ti hna sehlaw Zeitin dah a ruah hnga timi ka ruat. A poi ah a chia hnga maw?

Upa dirhmun lawng si loin a ho paoh nih kan bia hi hmual a ngei tuk timi hi thei kho usihlaw ka duh. A tu bantuk ka Lungfim hnu ah a cangmi thil rak sisehlaw taza hmanh ka cuai lai a khukbil in ngaihthiam a ka hal hlan lo. Laimi cu Kan nu le pa nih “upa cu upat ding” tiah an rak kan cawnpiak pengmi asi. A tha tukmi cawnpiak nak a si nain, upa zong nih mah lawng upat duh i kan mah nih ngakchia kan upat ve tung hna lo ahcun mah upatnak pek dingah kan i tlak lo.

Mino zong nih mi pakhat khat na duh lo ning le na silo ning in biachia an in ti tikah let kho hna. Kan i in peng awk asilo. Fim chimhnak zong a si lai. Hi ka chim tik ahhin bad examples ah si loin a herh ahcun Nangmah tein asiloah na pawngkam ummi kha dirkamh hna ti ka duh.

Upa in ngakchia tiang bystanders sawhsawh si hlah sih ti ka duh. A hmanmi kong ahcun upa hmai zongah raltha tein biachim ngam ding asi. Nain asi khawh ahcun an mahtluk niam in i thlak loin “firm and respectful voice” hman bak ding. I wanted to share my trauma. I wish someone would have stand up for me back then.

Mah bantuk Upa hruaitu pawl nih mino tha an chiat ter tuk ee. Mi kong ceih cu va um rih seh, mi pakhat an hmai ah thatnak kan chim khawh lo ahcun chim loin dai ten kaa i phih bak ding si ko ka ti. Mah bantuk soisel tu nih thazaang an pek ve hrim lai ti cu ka zumh.

An mah duh lo ah zuamnak lungthin zong na rak ngai hrim lai. A hlaan tuk cangmi a si nain kan tuar pi na tonmi cungah. Bia nih hin zeitluk in dah mi nunnak ah hmual a ngeih timi hi rak i fiang cio usihlaw cu hi bantuk minung zong kan rak um ve hnga lo mu.

khrih Fa upa pakhat nih kha ti a rak in timi kha mifim ding le bochan dingmi na rak silai hngalnak ah na caah fimchimtu Or teirial tertu a rak si tiah ka ruah. Midang cu mi nih an sawi hna ah hnulei ah an pil i ruahlo an ruat i depression tiang an ngah. Nang cu thazaang petu bantuk ah na rak hman i atu cu upat mi Nu ah na chuah.

Ruahrem bak lo mi asinain kan chim ṭheo lo mi na vun langhter i thilṭha tak a si. Kan tuar tawn ṭheo. Cun, ka huat tak i a tu na ton mi he aa lo mi kan ton bal mi cu “khuate mi si ruang ah zeirellonak biachim” a si. Fak tak in ka rak ton nain ka chim lemlo. A tu cu mah pa kha khuate ah a to ve ko—ral ruang ah. Hnawm nawn tein aa chok lengmang ve ko.

kan i remhnak dingah cun personal trauma zong hi share a hau ve. Kan community ahhin toxic mi Kan call out lomi a tamtuk i tuchan ahcun a hlan bantuk in dai ten um ding asi ti lo. Call out thluahmah ding asi. Credit: Katie Van Zi

Be the first to comment

Leave a Reply

Your email address will not be published.


*