Ralhrang Palik Hmunkhuarnak Sakhan Cu PDF Nih An Lak, Mei An Khangh Piak Hna!
=====
Ṭanintharyi ramṭhen Launglon (လောင်းလုံ) peng ah ralhrang palik hmunkhuarnak sakhan cu tualchung hriamtlai nih an luhhnawh hna i mei in an kanghpiak hna tiah LLPDF nih nihin ah an langhter. Tangkhawng January 16 zaan suimilam 11:00 tluk hrawng ah Launglon peng TakyaitṬaw (သကျက်တော) khua ralhrang hmunkhuarnak sakhan cu tualchung hriamtlai fonh nih an khanhpiak hna tiah theih a si.
Tangkhawng January 13 ahkhan SAC ralhrang le palik ralhrang hna nih an hmunkhuarnak sakhan cu an rak zaam taak cang caah Dawei PDF le LLPDF hna fonh nih luhhnawh in kan khanghpiak hna tiah an langhter.
Myanmar’ Yangon Khuapi, Sekanthhar Ah, KBZ Bank Meithal He Fuh in Tangka Firtu Pa Cu An Tlaih! Nizan zing ah khan Yangon khuapi, Sekanthhar, KBZ bank ah meithal keng in tangka a fir tu pa cu, tangka a fir khawh hnu i zam a timh lio ah an tlaih tiah theih si. Mifir pa hi bank nih palik an chonh colh i Palik kut ah chiat si.
Febuary 2021 SAC ralkap Cozah thlak si hnu hin, hriamnam hmang in thil fir hi a karh ngai ngai, Mifir buu nih hin chawdawr, Bank hei ti hi an fuh tawn. Kum 2022 chung ah thil firnak hi report an langhter ning in kum dangnak in 80% bak in a karh tiah theih si.
Myanmar Ram Ralthuam Ngan Bik Ngei Tu Bu Le SAC Ralhrang An Tang Ti! January 16, 2023. SAC ralhrang nih Pathianni khan Wa-Shan peng chak lei ram um mi cu, mahte uk khawhnak/Nawlngeihkhawhnak ding caah tukum ah dothlannak, i thimnak kan tuah lai tiah an ti hna i an lung a tling. An peng chung Miluralnak tuah ding le SAC ralhrang he tuanti ding in timhtuahnak an ngei.
Hikong hi SAC ralhrang propaganda MWD TV channel ah an phuan, Pangkham khuapi he remnak sarnak ding ah Wa nawlngeitu le SAC ralhrang karlak ah ca thlannak zong an tuah cang. Wa’ ram (UWSP) nih ukmi peng pa 6 cu mahte i uknak/Nawlngeihnak pek ding inbiakamnak SAC lutlai General Min Aung Hlaing nih a tuah.
SAC ralkap cozah in thlak a si hnu khan UWSP nih hin, SAC general Min Aung hlaing cu vawi hnih a ton, A vawihnihnak a ton ah hin, Min Aung Hlaing nih Wa ram hi mahte i uknak peh ding in bia a rak i kam tiah theih si.
AA Le SAC Ralhrang Nih An Tlaihkhih Mi Hna Ralkap Le Chungtel An I Thleng Ṭhan! Rakhine ramkulh Ponnagyun (ပုဏ္ဏားကျွန်း) peng ah AA le SAC ralhrang pawl cu an tlaihkhih mi hna ralkap le chungtel thlennak an ngei ṭhan tiah tualchungmi hna nih an langhter.
Tangkhawng January 15, nizaan chun ah Kundaung (ကွမ်းတောင်) khua le Padaythar (ပဒေသာ) karlak ah moṭor 5 in a rami AA hriamtlai thazaang 50 tluk le moṭor pakhat in a rami SAC ralhrang pawl cu an tlaihkhih mi hna ralkap thlennak an tuah tiah theih a si. SAC ralhrang nih AA chungtel minung 3 hrawng an thlah hna i AA hriamtlai lei nih SAC ralhrang chungtel an tlaihmi hna 10 hrawng an thlah ve ha tiah mithmutu tualchungmi hna nih Western News ah an chim.
A luanciami Tangkhawng January 3 lio zong ah hika hmun ah an tlaihkhih mi hna i thlennak an tuahcang i Rakhine (AA) lei biachimnak nawlngei pakhat nihcun kahdohnak kan deih lio a si caah a tubantuk in kan tuahnak a si, tiah a langhter nain a tutan thlennak an tuah ṭhanmi kong ahcun zeihmanh fianternak a tuah rih lo tiah theih a si.
SAC Ralhrang Nih Nikhat Chung Ah NLD Party Minung 10 An Thah Hna! SAC ralhrang le Pyusawhti ralhrang nih khua pahnih cu zaan ah an luh hnawh i, Ngamyaung khua ah chungkhar minung pa 8 an thah hna. Sagaing ram kanbalu khuapi chung Nyiangkung khua ah minung pa 2 an thah fawn hna.
Hikong he pehtlaiin, thil umtu ning hi SAC ralhrang hna nih a thli tein hi khua pa 2 hi an luh hnawh i, SAC ralhrang le Pyu Saw Htee hna nih chungkhar pa 8 aan thah hna i khua dang ah pa 2 an thah fawn hna. Kum 2020 dothlannak tuah lio ah khan hi khua pa 2 nih hin National League For Democracy (NLD) an vote ruang ah SAC ralhrang nih a tubantuk in an tuahnak hi si nunnak liam mi lak ah hin hngakchia kum 5 mi zong aa tal tiah Chindwin nih a chim.
SAC ralhrang nih Nyiangkung an kah lio hin minung pa 5 cu khua ah an um i, minung pa 2 hi an thah hna an RUAK hi inn chung ah mei in an khangh piak hna, tiah media hna nih an langhter. SAC ralhrang nih a kah deuh mi khua hi (NLD) a rak vote tu hna khua paoh hi anral hna i an kah hna tiah theih si. Credit: Lungmili Post
Leave a Reply