Good News: Ralzaam hna caah US Luhkhawhnak Lam Thar!

Ralzaam hna caah US Luhkhawhnak Lam Thar
=======
Pu Biden cozah nih ralzaam hna caah US luhkhawhnak lam thar (Pilot Program) pakhat a siam. Cucu US rammi (US citizen) asimi nih sponsor in auh khawhnak lam asi. Hi Pilot Program tang ah US State Department tawlrelnak in Welcome Corps tiah a min an bunh i September 30, 2023 hlan ah ralzaam minung 5000 (thongnga) laak khawh ding in timhtuahnak an nei.

Hi program cu a rauh hlan ah an thawk lai tiah theih asi. Hi Welcome Corps program ahhin US rammi (US citizen) a tlawmbik minung 5 an i bawm lai i ralzaam minung pakhat caah a tlawmbik US $2275 an chuahpiak a hau lai ti si. Cun hi auhnak program cu US nih ralzaam a laak tawn hna ning bantuk (the US Refugee Resettlement Program) ning in US ah luhter asi lai.

A fawinak in chim ahcun tahfung an tlinh hau (eligible na si hau). Na konglam dothlatnak (background check) ah na thlianhlim hau tinak asi. Cucucu Lahwakah (DHS) interview khi asi tawn. President Biden nih kum 2022 – 2023 fiscal year kum khat (30 September 2022 – 30 September 2023) caah ralzaam minung 125000 laak ding tiah min a thut cang nain December 2022 tiang ah ralzaam 6750 lawng an laak khawh rih tiah theih asi.

Hi zawn ah theih dingmi cu ralzaam (refugee) ti asi caah UNHCR nih ralzaam ah a cohlan cangmi siloah ralzaam sinak a hmumi (refugee status) lawng si dawh asi. Ram dang kal duh paoh nih beidongnak ngeih lo tein tli khawh in zuam cio u.

CNF/A Headquarters Vanlawng In Kah An Tonnak Kong Ah India Cozah Nih A Hlankan In A Theihcia Tiah CIC Nih Ca Chuah. CNF/A headquarters Camp Victoria sakhan SAC ralkap nih vanlawng in bomb a thlak i India ram lei ah bomb lung hnih a tlaknak kong ah CNF/A thiamsang hna nih an ruahdamhmi zohchih in Chinland Information Center(CIC) nih hmanthlak he cathanh an chuah.

India ram chung ah bomb lung hnih a tlak lawng si lo in India ram boruak (vaan) a hman tiah hmuhchuah a si.
Bomb a tlaknak pawng ah ummi motor, lamkam thingkung nge kiak umnak hmun, bomb a puahning cang, jet fighter an hmanmi hna zohchih in hmanthlak hi suai mi a si i,

SAC nih CNA thilțhitnak sehzung a kah nain a nganh caah India ram a tlaknak a si kho tiah zumh a si. Cun, India Cozah nih hihi a hngalh cia tiah ruahdamh a si. Crd-The Chin Post

Nihin January 18, zaanlei sml. 3:40 hrawng ah Hakha, Cawbuk sang, Cinthlaknak hmun (စိုတ်ပျိုးရေး) ah SAC ralhrang minung 10 nak tam an um tiah mithmutu pakhat nih CCN ah a chim. Sei (ပလိုင်း) an i bei hna tiah a chim chap.

Hakha, Hermon Sang, Tittaw Quarter hmai zong ah zing sml 8:27 hrawng ah an i chok. Leisen le Auto hrawng zong ah zing sml 10:00 hrawng ah an i chok tiah theih a si.

Yangon Ah Chin Mino Pakhat Ruak Char A Si, Nihin zing, January 17, Kandawgyi tidil ah Chin mi Van Lal Malsawma (Kum 26) cu a ruak in char a si tiah theih a si. Amah hi Chin Baptist Church, Yangon (CBC) member a si. Zei tin a thih ning a si theih khawh a si rih lo.

SAC Nih Thimnak Tuah Timhmi Ah Mizapi I Tel Lo Dingin Chinland Defense Force-Hualngoram Nih An Thanh, Hramhram uknak latu SAC nih thimnak tuah an timhmi ah i teltum lo ding le bawmhchanh lo dingin mizapi sinah Chinland Defense Force-Hualngoram nih theihternak cathanh an chuah.

An cathanh chungah hramhram in uknak le nawlngeihnak latu SAC nih, a dikmi cozah si khawh nakding ca ah tukum 2023 ah thimnak tuah an i tim. Cu kong he pehtlai in SAC nih a lang pavuan in thimnak tuah an timhmi hi CDF-Hualngoram nih kan cohlang hrimhrim lo. Cu thimnak ah mizapi zong i teltum lo ding le bawmhchanh lo dingin CDF-Hualngoram nih an langhter.

SAC nih thimnak tuahtimhmi hlawh a tlin khawh nakding ca ah bawmchantu phu, department le pumpak nan si ah a herh ningin dantatnak kan in pek hna lai, tiah cathanh an chuah.

Thailand Ralkap Ralbawi Zik General Chalermpol Srisawat Cu Min Aung Hlaing He Tonnak An Ngei Lai, Thailand ralkap vialte uktu ralbawi zik General Chalermpol Srisawat cu Rakhine ramkulh, Thantwe(သံတွဲ) khua ah nawlngeihnak latu SAC ralbawi zik Min Aung Hlaing he tonnak an ngei lai, tiah theih a si.

Supreme Commander of Royal Thai Armed Forces in General Chalermpol Srisawat cu Thailand ralkap vanlawng in January 19 zing sml 10:40 ah Thantwe vanlawng bual ah a phan lai, tiah theih a si. Hramhram uknak latu Min Aung Hlaing zong Thailand ralkap ralbawi zik Thantwe khua a phanh ah a phan ve te ding a si i cu hnuah tonnak an ngei lai, tiah theih a si.

January 21 ah Thailand ralbawi zik General Chalermpol Srisawat cu vanlawng in Yangon ah a lan lai i Yangon in Thailand ram ah a kir te lai, tiah theih a si.

Chin ramkulh peng cheukhat ah SAC nih thimnak caah chungkhar cazin a lak thluahmah, A raa lai mi August thla chung ah tuah ding in SAC nih timhtuahnak a ngeih mi thimnak caah Chin ramkulh chung peng cheukhat ah chungkhar cazin le minung cazin innkhat hnu innkhat lutchuak in an lak tiah theih a si.

Chin ramkulh khualipi Hakha cu January 13 in palek, ralkap le Non-CDM pawl nih chungkhar cazin hna an lak tiah Hakha khuami pakhat nih a chim. “Khuathar ahcun nihnih thum hrawng an lak cang, Non-CDM pawl, palek, ralkap zong an i tel. Non-CDM pawl nih an lak i an pawngkam ah palek le ralkap nih an cawngh hna.

Me kan thlak lo hmanh ah min cazin an lak ning in me an rel lai tiah ka ruah. Tlukruannak a um lai lo ti cu a fiang ko” tiah Khonumthung Burmese ah a chim. Hakha khua minung cazin laknak cu January 17-18 ahcun Hermon le Bethany sang hrawng ah an lak cuahmah lio a si tiah Hakha khuami nih The Chinland Post ah an chim.

“January 17 zinglei ah khan kan inn an rak phan, kan chungkhar cazin chung in hodah a um ti lo, hodah a taang timi pawl hna kha an kan hal” tiah an chim. Falam khua zong ah SAC ralkap pawl le GAD zung rianṭuantu pawl nih innkhat hnu inn khat in an lak thluahmah i thimnak he pehtlai in a hmuh ning zong kha atu bantuk in a chim.

“Inn tiang anmah pumpak in cazin an rak lak, nan duh ahcun thlak lo zong a ngah ko ti phun khin an rak zoh, cazin an lak ruang ah kan thlak hrimhrim lai tinak a si lo, kanmah duhthimnak a si, nan thlak hrimhrim lai ti a um lo” tiah a chim.

Cubantuk in Matupi khua zong ah SAC ralkap nih chungkhar cazin an lak leng ah minung cazin zong an rak lak tiah theih a si. Chin mipi hriamtlai phu hna nih cun SAC nih tuah a timh mi thimnak kha an doh i SAC he rian a ṭuanṭi mi poah fak pi in dantat nan si lai tiah a thanh.

January 13 ah Hakha khuachung i minung cazin a la mi palek phu pawl cu mipi hriamtlai nih an kah hna i palek 1 a thi, 4 an i hliam caah Hakha khuachung ah himnak an rengh tiah theih a si. “Lam cung hmunkip ah an ke in pathumli hrawng fonh in an i chawk lengmang,” tiah Hakha khuami pakhat nih The Chinland Post ah a chim.

SAC nih thimnak caah minung cazin laknak cu January 9-31 tiang pehzulh a si lai tiah a rak thanh. A luancia January 10 le 11 ah CNF Headquarters, Camp Victoria cu SAC nih vanlei in bom a thlak lio ah khan India ram chung ah bom lung 2 a tlak leng ah India ramri chung ah SAC kahdohnak vanlawng ramri lonh in a zuannak thilsinning kha CNF/A thiamsang pawl nih hmanthlak an langhter.

Hi hmanthlak chung ah India ramri lei ah a tla mi bom ruang ah a pawngkam mawṭaw telh in mipi umkalnak pawng thingkung hna a kiahnak hmunhma, bom a puah ningcang, kahdohnak vanlawng phun hna kha hmanthlak in an langhter.

Cu thilsinning pawl charhchan in SAC nih a nganh mi target hi Victoria sakhaan i thilṭhitnak zung a si kho men tiah CNF/A thiamsang pawl nih an ruahdamh tiah Chin Information Center nih a thanh.

Salingyi kahdohnak ah SAC ralkap 20 an thi, Sagaing ramṭhen, Salingyi peng, Sahtong khua pawng zinglei ah SAC ralkap le PDF phufonh hna karlak ah kahdohnak a chuak i SAC ralkap lei in 20 an thi tiah NUG MOG nih a thanh.

January 16 zinglei sml 11:00am hrawng ah Salingyi peng, Sahton khua pawng, Kani peng i khuate pawl a khang mi SAC ralkap 50 hrawng Salingyi khuachung an rak luh ṭhan lio ah PDF phufonh nih an kah hna i 20 an thi tiah theih a si. Kahdohnak chung ah DPRA, Black Shadow, Black Vote Fighter, LPDF, Salingyi Generation Z PDF le Daung New PDF hna an i bawm tiah theih a si.

Be the first to comment

Leave a Reply

Your email address will not be published.


*