Good News: Yaw Hriamtlai phu bantuk in Hakha le Thantlang – CDF phu nih an ser khawh ve cang!

Good News: Yaw Hriamtlai phu bantuk in Hakha le Thantlang – CDF phu nih an ser khawh ve cang!
=========
Yaw Defense Force (YDF) nih mah an hriam pipi hna an phochuah mi hi anmah sermi maw si hnga an cawkchin mi dah si hnga, tiah biahalnak a tam ngaingai. Yaw Defense Force nih an phochuah mi hi anmah tein sermi a si ko, tiah thawngpang theih a si.

Nizan tihni Minung hriamtlai phu nih mahkut te bak in mah tluk i an ser kho mi cu an zaabak. Lawmhpi phu bak an si. Kawlmi hi cu zung an thiam hrimhrim ko, mah bantuk kum khat chungah an ser khawh ko. Mah bantuk pawl hi Camp Victoria lei ah i ruaih phu an si.

Mytel tung in kan ser an ti, wiring caah phone tower i engine zong an lak an ti. Hmuitinh kah(degree tinh)thiam le thiamlo tu cu,training le ontest an tuah khawh ahcun, tthat dawh a si ko. Mytel tower tung ahhin a pum mi an hman-cun ti pipe btk a pan lo, a chah mi a si caah, miakpi ser awk ah tthat dawh a si ko.

Kan fa kan nau nih, hriamnam bawmtu a har caah, emergency in hriamnam an ser cio ve. (an test nak ah hliamhma an tuarnak zong online ah an tarrlangh tawn ko khah)an mah te ser mi cu a si ko lai.

Chin Defense Force-Hakha hriamtlai phu zong RPG bantuk an ser khawh ve cang. CDF-Hakha hriamtlai phu pawl zong an men bak ve lo. Kum khat chungah RPG bantuk an serchuah khawhmi cu a ropui tuk hringhran ko. Mithmuhtu pakhat nih Pe 1,000 hrawng a zuang kho, tiah fiang tein a chim. Kan hmaika bak ah an test, a pinbak! A kuan zong an ser chih. Lai zenthawng khi a lo le, kuttum tia asi.

Cu lawng hlah, Chinland Defense Force -Thantlang hriamtlai phu zong an tuah kho cang, tiah thawngpang tha taktak theih a si. Peng dang bawmhchan lo bak in Hakha le Thantlang peng hriamtlai phu an thawng taktak bak a herh tukmi a si.

Ralhrang Nih Halkha Ah Aye Nanda Zin Hwe cu, Halkha, Cawbuk sang, Gangaw- Halkha lampi check gate ah Halkha in Yangon kal aa timh lio ah Hakha Maan motor kan check i CDF chungtel Aye Nanda Zin Hwe cu, May thla 18 ah kan tlaih’ tiah nihin May 21 ah an langhter.

Aye Nanda Zin Htwe hi, Thantlang peng, Ngaphaipi khuami asi i, CDF a si hrimhrim lo, CDF hna an khua an va luh lio ah an uniform aa hlan i hmaan aa thlakmi a si. CDF a silo ning kha zapi theih a si. Ralhrang ttial ning poh Chinholh in leh colh kha media pical tuah lo ding asi,CDF a sitak maw sitak lo,a silo ahcun a silonak kha hlat i, raltha ngai in online ah langhter kha media pical tuah kel zong asi.

Media pical kan in ngeihmi hna zong nih mah btk kherhlai hleng loin, ralhrang ttial ning poh in nan leh le ttial peng cun,Chin mipi pei lungretheih nan kan chapchin lai cu.

CNF/A nih Kum pi mah vialte chung hriam kan tlai ve an hei ti le Chin miphun zong an kan huap kho lo tiah I fimter ngai in,biathluan sau pipi chim/ceih a cak ngaimi hna! Mah Myone le Pengtlang cio in hriam kan hun tlai cio hna le,Chin miphun va huap cu chim lo,kanmah Myone le Pengtlang hmanh kan huap kho thathi cio hna mei?

CNF/A cu Kum mah vialte hriam kan tlai an ti I,hriamnam thazang zong zeihmanh an ngei lo tiah bia a thiam ngaimi hna! CNF/A Chan lio bantuk khan,ramleng in dollars a tu bantukin a tingting bomhnak hna rak hmu ve hlah usihlaw zeidah kan lawh hnga! “Mi pakhat na soisel hlan ah,aa denhmi keeden kha I denh law tli ta hmasa” ti si khah.

Kan kawlram dirhmun in cun! Zeitluk a fitmi Politicians thatha le zeitluk fimthiamnak Sangsang a ngeimi tam ko zongah a thawngmi miphun ralkap kan ngeih khawh hlan chung paoh cu kan bia zong man a ngei kho lai lo I, kan duhmi luhchuah khawh a si kho hrim lai lo timi a hun fiang cikcek cang ko rua!

Kawl miphun le ralhrang hna nih siseh,cun tlangcung miphun hawi hna hmai zongah siseh, upatmi le tihzahmi, huham a ngeimi miphun si ve ko usih ti kan duh taktak ko ahcun, a thawngmi miphun ralkap ser le ngeih lawng a tang. Kaa lawngin ka duh ti sawhsawh a ngah ti lo, a tu hi a thawngmi miphun ralkap sernak caantha bik cu a si! Zeitluk hmanh in Myone Pakhat pi lawng cu va thawng len hmanh usihlaw, limhang kan ngei kho taktak bal lai lo.

Be the first to comment

Leave a Reply

Your email address will not be published.


*