Hakha Ah Bom Thawng Le Meithal Thawng Pehtlai In A Thang

#BreakingNews
Hakha khua ah meithal thawng pehtlai in a thang
➖➖➖➖➖➖
March 20, 2022

Tu zaan suimilaam 7:30 hrawng in Hakha khua ah bomb le meithal thawng pehtlai in theih than a si.

Dawrthar sang, Kah-Ngiah-Nah zung hrawng in theih a si i bomb puah thawng voi khat theih hnu ah meithal thawng pehtlai in a thang tiah Dawrthar sangmi pakhat sin in kan theih.

“Council ralhraang pawl nih zawndamh in an kah mi si dawh a si. Bomb thawng cu voi khat lawng kan theih i a thang taktak. Ho hmanh leng ah kan chuak ngam lo,” tiah a chim.

Atu hi thawng kan tial lio zaan 8:20 tiang pehtlai in meithal thawng a thang rih tiah kan theih.

[Burmese]

ယနေ့ည ၇နာရီခွဲ အချိန် ကစပြီးတော့ ဟားခါးမြို့မှာ သေနတ်သံနဲ့ ဗုံးသံတွေ ဆက်တိုက်ကြားနေရပါတယ်။

#TheHakhaPost

Relchap

Topic:
Lungder In Um Hlah U, Nan Ral Tha Ko U
Ni Le Thla : March 20,2022
Thawngtha Chimtu : Pastor Van Tha Cung
BAibal Relnak:
Hebru 13:6 “Cucaah kannih cu kan ralṭha u si law, Bawipa cu a ka bawmtu a si, zeihmanh ka ṭih lai lo. Minung nih ka cungah zeidah an tuah khawh lai?” tiah ti u sih.
A tu lio kan vawlei pi kan cuanh tikah tihnak le muihnak bak in a khat dih. Lungre theihnak nih a tam chin chin. Hnangamnak a um ti lo. Ralthatnak, nak in ralchiatnak a tam deuh. Cu caah cun kan Bible relmi nih an kan cawn piakmi hin thazang la hna usih tiah kan sawm hmaisa hna.
Johan 14:27, “Daihnak kan chiahtak hna, keimah daihnak cu kan pek hna. Vawlei nih an pek hna bantukin kan pe hna lo. Lungrethei le vansang au in um hlah u: nan thin zong phang hlah u. ”
Filipi 4:7 “Cun Pathian daihnak, minung hngalhnak a lonhtu nih cun, Khrih Jesuh chungah nan lungthin le nan ruahnak cu him tein a chiah lai. ”
Kolose 3:15 Khrih nih an pekmi hna daihnak kha nan lung chung i biaceihtu ah ser u; zeicahtiah hi daihnak hmuh awkah hin Pathian nih pumkhat chung i um awkah an kawh hna. Cun lunglawmhnak in khat u. Vawlei nih cun lungdernak,thachiatnak le thinphannak a phunphun an kan pek nain kan Bawipa Jesus Khrih nih cun bia voi tampi an kan cahmi cu nan thinphang hlah u, ka bochan ko u kan um pi hrimhrim hna lai an kan ti. Nan lungchung biaceihtu hi keimah ka si ter ko u, tiah nangmah le keimah hi an kan Hal. Ahodah kan lungchung biaceihtu cu asi? Kan mihring nun or Khrih Jesus dah? Khrihfa titsami paoh cu an thinphan a awl khun la. Sihmanhsehlaw Khrihfa Thlaraumi tu cu vawlei i a cang cuah mahmi thil ruangah hin an Ral a tha chin chin lai.
Deuteronomi 31:6 “Ṭhawng u law, nan ral ṭha ko u, ṭih hlah u, an hmaiah therphang hlah u; zeicahtiah nanmah he a kalmi cu Bawipa nan Pathian a si; an deuh hna lai lo i an hlaw fawn hna lai lo,” a ti.
Salm 46:1 “Pathian cu kan i dornak le kan thazang a si, harnak caan ah a kan bawm zungzaltu a si.
Deuteronomi 4:7 Kannih nih Bawipa kan Pathian kha kan kawh fate Bawipa kan Pathian nih cun a kan naih tlukin naihtu Pathian a ngeimi miphun ngan ahodah a um?
Salm 145:18-19 “A autu vialte hna cu an pawng khin an umhnawh hna, lungtak in a autu vialte hna cu. ” Amah a ṭihmi paoh cu an herhmi vialte kha a pek hna i an aunak kha a theih i a khamh hna. Pathian Thiangthlarau hi kan chung ah a um taktak maw? Thiangthlarau kan tin co mi hi kan ral an kan chiatter tu a si maw? Pathian Thiang Thlarau a tingco tu taktak cu an ral a chia bal lo. An ral a ttha chin chin. Vawlei nih harnak pek kha an ttih ti lo, a thim tu in an ithim deuh. Zeiruangah? Bawipa cu an kan khamhtu le an kan umpi tu a si kha kan nunnak nih ai fian tuk caah a si.
Isaiah 12:2 “Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si. ”
Hebru 13:6 “Cucaah kannih cu kan ralṭha u si law, “Bawipa cu a ka bawmtu a si, zeihmanh ka ṭih lai lo. Minung nih ka cungah zeidah an tuah khawh lai?” tiah ti u sih. Kan dih lak caah Bawipa nih Thlua kan chuah piakko seh. Ka lawm tuk.
Van tha Cung
Believers Church, Tlanglo.

 

Be the first to comment

Leave a Reply

Your email address will not be published.


*