Hakha CDF Pakhat Nih Ram Le Miphun Caah A Nunnak A Pek

CDF-Hakha ralkap Salai Biak Za nih ram ca ah nunnak a pek
➖➖➖➖➖➖
March 18, 2022

Chinland Defense Force- Hakha mizapi ralkap chung in Salai Biak Za (kum 22) nih raalram hmun pakhat ah, ram le miphun ca ah a nunnak a pek tiah thawng kan theih.

Atu bantuk in a nunnak a liam hi 2022 March 17 ah si i nihin March 18 ah a ruak an vui tiah kan theih.

[Burmese]

CDF-Hakha မှ ရဲဘော် ဆလိုင်း ဗျက်ဇား ရှေ့တန်းတနေရာတွင် ကျဆုံး
➖➖➖➖➖➖
မတ်လ ၁၈ရက်၊ ၂၀၂၂

CDF-Hakha မှ ရဲဘော်တစ်ဦးဖြစ်သော ဆလိုင်းဗျက်ဇား (အသက် ၂၂နှစ်) သည် တိုင်းပြည်နှင့်လူမျိုးအတွက် တာဝန်ထမ်းဆောင်ရင်း မတ်လ ၁၇ ရက်နေ့၌ ရှေ့တန်းတနေရာတွင် အသက်ပေးလှူသွားကြောင်း သိရသည်။

#TheHakhaPost

Relchap

A Tak Zumhnak
—————-
Pakistan ram cu Muslim pennak ram a si nain Saleema cawnpiaknak thawngin a sianghngakchia a simi Raheela nih Jesuh Khrih a zumh.
Cu tikah Raheela chungkhar hna cu Saleema cungah an thin a hung tuk caah lainawn upadi in taza an cuai. Saleema le an Pastorpa cu an tlaih hna. Cun bia an hal hna i fakpi in an velh hna. Saleema cu palek nih an hrem i a phunphun in an sersat. Asinain a zeihmanh a pio lo. Pathian thangthatnak hla a sa i, a zumhmi cu fek tein aa tlaih. Amah lawng hmanh siloin midang zong ka hruai khawh te hna lai timi ruahchannak a ngei.
Raheela cu an inn a zam i, a chungkhar nih an kawl i an tlaih. A zumhnak i leet dingah an soilem lengmang nain an duh lo caah a donghnak ah an fa a si komi cu a thah in an thah. “A sual tuk ai” an ti i, anmah hrimhrim nih an thah.
Saleema cu zungkip an chuahpi, zung niam bikin zung sang bik tiang an chuahpi. Raheela a nu le a pa nih amah ruangah hin kan fanu a thi ti bak in biaceih zungah an chim. Asinain biaceih zung nih a sualnak kan hmu lo tiah Saleema cu an thlah. An thlah zong ahcun dai tein a um kho lo i, a umnak in an thawl i, hmundang zongah a um kho lo. Muslim thlachiah ruat lo pawl nih kan thah lai an ti. Hling le so, tlang sang le harnak phunkip nih an kham ko nain Saleema nih a zumhnak a let lo. Cu tluk in harnak a tong ko nain Missionary riantuan a tim. A chimmi cu, “Tlang cu zeitluk hmanh in sang sehlaw Jesuh bawmhnak in ka kai ko lai” tiah a ti.
Laimi tampi nih Missionaries le Pastorte lawng hi Pathian riantuantu ah ruah kan si. A taktak ahcun zumtu vialte hi Missionaries kan si dih. Pathian khamhnak thawngtha kan umnak kip ah chim le phuan hi kan rian cio a si. Thlarau zawnruahnak lungthin in rian kan tuanmi poah khi mission field a si ko. A tu kan tonmi harsat lio caan zong hi Pathian sunparnak a si kho ko.
Rev. Sang Uk Cung
GS, CBA, Kalaymyo.

 

Be the first to comment

Leave a Reply

Your email address will not be published.


*