Hakha khuapi pawng hrawng hi kahdohnak thawngpang a um than peng!

Hakha Thar Lei Kap Ah Meithal Kah Thawng A Thang!!
==========
Nihin November 28 zanlei sml 3:48 hrawng in Hakha thar lei kap in meithal thawng pehtlai in a thang, tiah theih a si. Update ummi thanh khawh than kan i zuam lai. 28 Nov: Nihin Halkha Vuancii inn lei in a puak cuahmah lio si ii, Kahdohnak ruangah sikpar ni 27 in Hakha khualipi ah SAC ralhrang nih mei an hmih, tiah theih a si ii Nihin tiang zong a si ko.

Hakha hmun thar thlacamnak tlang hrawng zong ah puakkeh thawng a thang cuahmah ko tiah a si ii, Tualchung mi pakhat zong nih cu kahdohnak cu kan inn he hin a hlat ti lo, tiah a chim. A tu zong an i kap cuahmah rih ko caah thlacaam bom ko hna usih. Kan Biak Pathian nih kan pasaltha han cu a kilven ko hna. Thlacaam tuin tang chinchin ko hna uish. Thawngpang update khawh kan rak i zuam lai.

Thantlang ah mi an um ti lo kawl ral kap cu an um ko cu kap hna nat uh mAh hmenh Nan tei tung hna lo ah cun Hakha khua chung ah hna hnawh tuk hlah uh law a tha lai. Mipi um lonak Thantlang ralkap hmanh kah tung lo i mipi umnak i na va hnawh langmang cu Hakha khua nih Thantlang bantuk in an nin zamtak te hna lai e.

Nan ral doh cu Chim hlah uhlaw, Umnak hmanh Nan ngai te lai lo e. Rawlei ding zong Nan ngaite lai lo e.
Hodah hruaitu a si e, Adang mi hruaitu an um ti lo maw?

Myaungmya Hluttaw Palai U Wai Lin Aung Cu Kum 26 Thongthlak Ding In Biakhiahnak An Tuahpiak, A luancia kum 2021, December thla lio Kayin ramkulh Laykaekaw Myotit ah tlaihkhih a rak tongmi Myaungmya pyituh hluttaw palai U Wai Lin Aung cu Myawaddy pengkomh biaceihzung nih kum 26 thongthlak ding in nihin November 28 ah biakhiahnak an tuahpiak tiah theih a si.

U Wai Lin Aung cu SAC ralkap nih a luancia 2021, December 14 ah Laykaekaw Myotit ah an rak tlaih i, poh-mah 52(a), 50(a), 50(j) le poh-mah 122 tiin tazacuai a tongmi a si.

Pyituh Hluttaw palai si mi U Wai Lin Aung cu tlaihkhih a ton kum khat a rauh hnu ah a tu bantuk in kum 26 thong thlak ding in biakhiahnak an tuahpiak hi a si. U Wai Lin Aung cu hluttaw palai a si hlan ah Myaungmya Ga-yu-na-shin(ကရုဏာရှင်) mi bawmhchanhnak phu dirhtu a si i, 2020 thimnak lio ah NLD palai in pyituh hluttaw palai a tlingmi a si.

Taze Peng Ah SAC Ralkap Nih Tualchung Mi Inn An Khangh Caah Inn 150 Hrawng A Ciam, Sagaing ramṭhen, Taze peng chaklei ah a ummi Htanpin Seih(ထန်းပင်ဆိပ်) khua ah SAC ralkap hna cu nizan November 27 chun ah rallam an sial i voithum tiang inn an khangh, tiah theih a si.
Htanpin Seih khua cu SAC ralkap nih atu le atu an pal tawnnak khua a si i a hlan zong ah voihnih tiang an rak khangh bal cang.

Atu a voithumnak an khangh caah a khua ning in a ciam ti tluk a si ko, tiah tualchung mi hna nih an chim. “A voithumnak an khanghmi ah hin inn tam tuk a ciam. Va phalh kan duh ko nain SAC ralkap le pyusawhti an um caah kan kal ngam lo. Pyusawhti hi tualchung mi lawngte an si i anmah nih SAC ralkap pawl cu lam an hmuhsak hna,” tiah tualchung mi pakhat nih a chim.

SAC ralkap nih Htanpin Seih khua cu a voithumnak an khangh caah inn 150 hrawng a ciam kho, tiah tualchung mi hna sinin theih a si.
Ralhrial bawmchantu pakhat nih,” Htanpin Seih khuami hna cu ralhrial in a himnak hmun ah an i dor. An khua ah an kir ngam rih hna lo. Umnak hmun serisiam piak an hau lai,” tiah a chim.

ARSA Rohinya Hruaitu Bangladesh Mithahnak Kong Ah Tazacuai, Bangladesh hlathlaitu bawi ( G-man) pakhat cu tu thlachung ah thah a sinak he pehtlai in Arakan Rohingya Salvation Army (ARSA) Rohinya hriamtlai phu hruaitu le midang 60 leng Bangladesh hlathlaitu nih sual an phawt hna tiah palek nih nizaan ah an chim.

Arakan ramkulh ah Rohinya namnemhnak chung in chanhchuahnak dingah hriamtlaimi Arakan Rohingya Salvation Army (ARSA) hruaitu Ataullah Abu Ammar Jununi telh in minung tamnawn cu Bangladesh nawlngeitu nih taza an cuai hna.

Sikpar 14 ah rithaisi dotu palek nih ralzaam riahbuk pakhat an luhhnawh lio ah hlathlaitu bawi Rizwan Rushdie cu meithal in an kah i Arakan Rohingya Salvation Army(ARSA) phu hna nih nam in thilak an sawh tiah palek nih an puh hna. Hi tan ahhin Rohinya nu pakhat zong a nunnak a liam, hi hmun ahhin Ataullah a umnak a si caah mithahnak kong ah tuanvo ngeitu bik a si tiah palek hlathlaitu Mohammad Shahjahan nih AFP ah a chim.

Hi lainawnnak ah aa telmi a dang minung 30 le Arakan Rohingya Salvation Army(ARSA) chungtel 31 cu sualphawt an si. Ataullah cu Bangladesh cozah nih a pakhatnak tlaihmi le tazacuai mi asinain a dang thahnawnnak zong ah aa pehtlai tiah sualphawt a si.

Rammi doh in thahnawnnak, rithaisii zuarnak le ralzaam riahbuk ah thlalaunak tuahmi kanmah kan si lo tiah Arakan Rohingya Salvation Army(ARSA) nih an cohlang lo, a tu a hnubik tazacuainak he pehtlaih in lehnak tuahmi bal a um rih lo.

Rianrang In Riahbuk Laknak Dingah Kuan Kan Herh CNDF Ralbawi, East Lairam, Falam peng, Tibual khua ralhraang riahbuk rianrang in laknak dingin kuan thazaang a herh tiah Chin National Organization/Chin National Defences Force in Chief of Staff nih a chim.

Chin National Organization/Chin National Defences Force Chief of Staff nih ” Tu i kan herh bikmi cu kuan a si, hriam zong kan i tinh bantukin a um ko, asinain kuan a chambau, cucaah riahbuk lak kahdohnak ah rianrang in a tlamtlinnakhnga kuan kan bawmchan hram u” tiah a chim.

” Kan nunnak pek dingin timhcia kan si, kan ralkap hna zong timhcia an si, asinain riahbuk lak ding a si tikah a pakhatnak ah kan herhmi cu kuan hi a si, kuan kan i za hrim lo, tu i kan ngeihmi kuan cu kanmah i vennak fangfang lawng a si, riahbuk lak khawnhnak dingah zapi nih kuan kan bawmchan hram u ” tiah a chim chap.

Ralhraang le Chinland ralkap hna cu 2022 Sikpar 15 in 19 tiang kaphnih kahdohnak a chuak, ralhraang nih vanlawng 5 an hman, asinain ralhraang thi le hliam an tam.

Be the first to comment

Leave a Reply

Your email address will not be published.


*