Hakha Mipi Nih CDF Kan Fale Tha tein humhim an herhtuk lio can a si!

Hakha Mipi hna kan i ralrin ngaingai a hau ko hih!
==========
Nihin CDF Salai Sui Sang Lian cu ralhrang nih an tlaihmi hi dalaan ruang bak a si, tiah thawngtheih khawh a si. Cucaah, Hakha nu le pa hna biatak tein iralrin chin lengmang kan hau cang ko hih. Tulio Halkha lei hrawng ralhrang hna hi civil form hruk in motor raang mi in an i chawkvaak cem, mi an tlaihnak bik zong a si.

Nihin Hakha khuapi ralhrang cawlcanghnak hi tihnung chin lengmang ko cang. Mipi hna rian cu, zoh hna law kawl muisam keng umkal le ngalkaal deuh na hmuh hna sin in Chin ralkap sinah thawngpe colh hngap, Hriamtlai lawng kha dohthleng tu ah ruah loding si i mizapi kha dohthleng tu kan si timi lungput he.

Hriamtlai hna nih Chin mipi kha, zeirel lole kanmah lawng hi dothleng tu kan si ti phun in lorlaan tuk le power phun langhter lo biapi fawn.Mipi tel chih lo cun dohthlen hluhchuah a har ngaimi si ve. CDF kan fale hi thlacam tu bawmh hna usih.

Ka Nolh rih lai, Civil thil hruk in ralhrang hi an cawl cang caah i ralring uh,dalaan bak a si ko timi kha cu Mipi theih in phomh hna uh, kan thi a dailan sual lai. Kan daihtuk cun dalaan an puang ve cuh.Nihin HK kan tonmi cu apoituk.

Tuchun Hka zong, Dalan lo cun tlaihnak ding um lo eh. Kan khua le ram cia cung ah mu, mah le mah ingpuang tuk ko eh. Fiangte in chim cun Thantlang nih cun an khua tiang an pek ngam. Halkha nih cun Nan Unau Thantlang hmen lungfah pi lo in Cozah rian a kir mi an tam hlei ah Cozah sin report tiang nan hmang ngam rih.

Breaking News; Salai Sui Sang Lian SAC Ralkap Nih An Tlaih! Chin ramkulh Khualipi Hakha khua ah nihin June 18 sml 12:00 hrawng Auto Sang um, Salai Sui Sang Lian cu SAC ralkap nih an tlaih.

Chungkhar he naihniam mi pakhat nih,” ruah lo piin SAC ralkap cu an ra i an inn an kulh colh. Inn chung ah an lut i chungkhar cazin an chek. Bia tlawmpal an hal hna hnu ah Salai Sui Sang Lian an kal pi hi a si. A phone chung zong ah zei hmanh a um lo. Zeiruang dah an kalpi ti zong kan hngal lo,” tiah The Chin Post ah a chim.

Ruah lo piin an ra i inn an kulh colh tikah thawng petu an um hrimhrim lai, tiah a chimchap. Mithmu tu pakhat nih Cherry sang lei ah an kal. Mi an kawl hna, laipuan an i ngerh i a chung in meithal an i put, tiah a chim. Poi tuk tung sang lung, Zei ruang ko ah dah si hnga, luatthan cawlh hram ko mu.

Tuan deuh bak ah အထက၃ chaklei in an rak kai pi mawtaw hme mi in si kan hmuh ko. aran nak in ralkap kut in luat nak bawipa nih pe ko seh tleih hi ka tih tuk. Poi tuk e Bawipa nih Raulo te ah luat nak pe koseh. Bawipa nih lam in hruai in in um pi ko seh law.

Ralhrang Ralkap He Riantuanti Lo Ding le An Pawngkam Ah Um Lo Ding In Mizapi Ralrin Peknak Thawngthanhnak (3/2022). Min Aung Hlaing le a ralkap hna nih 2021 February 1 ni thokin kan miphun le ram cu sal ah ser an kan timh. Hriamnam bochan in mizapi an kan namneh caah CDF-Hakha zong nih hriamnam hmang in mizapi kilvennak cu kan tuah ve.

Hakha khua chungah ralhrang pawl nih mizapi an namneh tuk cang caah CDF-Hakha nih hi cathanh chuah ni thok in ralhrang ralkap hna cu kan hmuhnak paohah kahdohnak kan tuah cang lai. Ralhrang ralkap he rian a ṭuan ṭimi zong ralhrang ralkap bantukin ruah nan si lai.

Ralhrang ralkap nih mizapi cu ralphaw ah hmang in himnak an kawl i an uknak fehter an timh fawn. Cucaah ralhrang ralkap umnak pawngkam ah mizapi nan um nakhnga lo thawng kan in thanh hna.

Ralhrang ralkap he rian na ṭuan ṭi ruangah kut na tuar ah siseh, an umnak hmun, zung le sianginn pawl pawngkam ah na um ruangah kahdohnak hma na tuar ah siseh, ralhrang ralkap le nangmah palh a si lai, CDF-Hakha nih tuanvo a la lai lo.

Kan ram le miphun a luat hlan lo nunnak thap in dothlennak tuah ṭi ding in kan in sawm hna. CDF-Hakha Council. Pehtlaihnak – 959453724463.

Hakha CDF ralkap caah US $ 100,000 bak an pek! CBCUSA CDF Supporting Committee sinah an rak pek lawng siloin, tutan Dohthlennak caah Hakha Dawrhlun sang pawl nih Hakha CDF hrimtlai phu caah $1 bak an hlut, tiah thawngpang theih a si. Hakha Dawrhlun sang hruaitu upa hna he Biaruahnak ngeih a si la. Hakha CDF ralkap caah US $ 100,000 bak an pek.

Lawmhnak: USA Cinkhua ($ 5,000.00), Global Cinkhua nih CBCUSA 10 million project caah Hakha peng aiawh in $ 117,500.00 thazaang an kan chuahpiak. Cupin ah CDF-Hakha kan ralkap cawmnak ding caah $5,000.00 renglo thazaang a kan chuahpiak rih. USA Cinkhua cungah CDF-Hakha Support Team of North America nih lawmhnak roca kan tial.

Lawmhnak: Global Sakta ($ 20,000.00), Kan Chin miphun dohthlennak caah a biapimi CBCUSA 10 million project caah Global Sakta khuami nih Hakha peng aiawh in $ 100,000.00 thazaang an chuahpiak lawng siloin kan ralkap cawmnak ding caah $20,000.00 renglo thazaang a kan chuahpiak rih. Global Sakta cungah CDF-Hakha Support Team of North America nih lawmhnak roca kan tial. Hakha-CDF kan ralkap caah sang le khua in siseh, peng le tlang in siseh, thazaang chuah ve cio hna u si.

Lawmhnak: Global Tinam ($ 10,000.00), Kan ram dohthlennak ah pumpak le chungkhar pin ah sang le khua, peng le tlang tiang in cawlcangh cio a si. Cu miphun rian ahcun Global Tinam zong nih Hakha peng aiawh in $ 10 million project caah $ 150,000.00 thazaang an chuah pinah kan ralkap cawmnak ding caah $ 10,000.00 thazaang a kan chuahpiak rih.

Global Tinam cungah CDF-Hakha Support Team of North America nih lawmhnak roca kan tial. Kan Chinram khualipi vengtu CDF-Hakha nusal pasal tha hna caah a lamkip in thazaang chuah cio khawh i zuam hram u si. Zohchunhawktlak Tinam khuami hna cungah kan I lawmtuk e. Tinam khua/ram leng um Bawipa nih Thluachuah in pe chin hna seh! Kan rak I lawm cio. Nan chaw va nan lung thin ram dawt nan ngeih mi nih tei nak luat nak kan hmuh piak lai.

Lunglawmhnak: Pu Tawk Lian Thang le annu Mercy (Florida)nih CDF-Hakha kan ralkap hna meithal cawknak caah meithal zuun khat man $ 2,000.00 thazaang na kan chuahpimi cu lunglawm tein kan hmuh. Kan i lawm tuk hringhran. Bawipa tu nih a biakam bantuk in thluachuahnak in pe chin ko hna seh tiah thlaza kan in campiak hna.

Lunglawmhnak: Pu Shiang Kung le chungkhar (Maryland) nih CDF-Hakha kan ralkap hna meithal cawknak caah meithal zuun khat man $ 2,000.00 thazaang na kan chuahpimi cu lunglawm tein kan hmuh. Kan i lawm tuk hringhran. Bawipa tu nih damnak in pe hna sehlaw nan khuasaknak ah thluachuahnak in pe chin ko hna seh tiah thlaza kan in campiak hna.

CDM a tuah mi siangcachim saya/mah minung 223 ralhrang sin ah kir than! Ralhrang uknak kan duh lo tiah CDM a tuah mi Chin Ramkulh chung siang ca chim saya/ma hna lak ah minung 223 cu ralhrang nih honmi sianginn ca chimh rian tuan ding in an kir than tiah theih a si. CDM in a kir than mi saya/ma minung 223 hi 2022 June 7 tiang a kir mi an si i ralhrang nih June 14 tiang a duh mi rak kir khawh than a si tiah a ni caan a sauh.

Chin Ramkulh fimcawnnak zung lutlai pakhat nih, “A hram thok ahcun June 7 tiang lawng kir thannak nawl pek a si. Asinain, cung lei nih June 14 tiang a nicaan an sauh. June 7 tiang ah 223 an si i minung pazat dah an i chap than lai ti cu theih a si rih lo,” tiah a chim.

June thla thok in Chin Ramkulh Peng cheukhat ah sianginn an hon i sianginn a kai mi zong an um cang. Cun, kum 5 in kum 12 kar zong COVID 19 raikham sii an chunh hna tiah kan theih.

CDM Ralhrang Sin An Kirnak Hi NUG Ruangah A Si. CDM a tuah ciami ralhrang sinah an kir than hi NUG ruang bak a si. NUG santlaih lo a si ko.

Ralhrang nih uknak an lak kaa ah khan NUG nih cozah riantuan vialte CDM tuah dih uh an ti hna. Nan lak khah cu kanmah nih kan in pek hna lai an ti hna. Kan in bawmh hna lai an ti hna. CDM an tuah thuahmah hna. Mah le si khawh tawk cio in CDM cu bawmh an si. Mah le miphun cio zong in CDM cu bawmh an si. Kanmah Chinmi zong kan rak bawmh ve ko hna.

Sinain can a hung sau i a kum hna a van rauh hnu ahcun mah le pengtlau cio cun i bawmh cawk a si ti lo. Kan miphun hriamtlai tu kha bawmh deuh an hau cang. CMD a tuah mi hna hi an har taktak. A hlan ah lahkhah tein a nung mi an si. A tu lahkhah an lak ti lonak a sau tuk cang tikah an harsa taktak. Thilman le a kai tuk fawn. Zingzan ei ding kong hmanh ah lungrethei in um a si cang.

Cu tikah an celh ti lo caah ralhrang sinah an luh than hi a si bik ko. Cozah rian kan tuan ahcun lahkhah tal kan ei lai i kan i ning deuh lai ti kha a si ko. Ralhrang uknak an duh cu a si hrimhrim loh. Hakha ah CDM a tuah cia mi sianginn cachim minung 220 leng ralhrang sinah an kir than. Sianginn an kai than. Chungkhar khuasaknak a har tuk caah a si ko.

NUG nih bia a kamh hna ning bantuk in a tuah kho lo. NUG nih a bawm kho hna lo, an bia lawng a si. NUG nih tha tein bawm kho hna sehlaw CDM a tuah cangmi pawl hi ralhrang sinah an kir than lai lo. Hakha hmanh ah CDM in ralhrang sinah a kirmi an tamtuk va si kaw Kawlram lei chinchin ahcun zeitluk in dah an tam lai ti khi ruah khawh a si ko. Lung a fak ngaingai. Credit: Cung L Ceu

Be the first to comment

Leave a Reply

Your email address will not be published.


*