Hakha Ralhrang phu nih Minung sa kan zuar cawk nan duh maw?

Dalaan a tuan mi hna, ralkap cu Zeitin dah kan tei hna lai ngol ko uh!
========
Dalaan a tuan mi hna, ralkap cu Zeitin dah kan tei hna lai ngol ko uh tiah mifim ngai Khua ruat kho ngai BANTUK in a au len mi hna, ngol cang uh, zoh uh! Kan Title hna hi Bawipa duh ning te le a khua caan zoh thim in hman ah hin dawh, a mui a dawh i man a ngeih cuh.

Hakha Khua ah kan ralkap Pasal tha pa 2 nih tian zan ah an nun nak an pe mi hna an ruak pel pawi cu Kawl Ralkap nih Plastic bag in an char hna i, a pawngkam um mi, Kan lai miphun hawi Lila kha MINUNG SA KAN ZUAR CAWK NAN DUH MAW? tiah an ti len hna. Ruah ah lung a fak tuk dah kaw.

Kei cu a celh Ka celh lo cu an bia nih cun a ka runhtuk hringhren. Victor Khen Sang nih Vau Rawng Ah a chim mi bia ka duhtuk mi cu, TIH I FAH SAK HLAH U SIH; KAWL RALKAP KUT TANG I NUN TU HI I FAH SAK USIH ati. Ruah set set Ah cun a dik tuk. Nem nawn tein Dalaan, hrang nawn tein Dalaan, Catial nak in Dalaan, tuan zia thiam ngai lawh tung Dalaan. tbk vial te kan ngol cang awk hi a si.

Hi tluk i a Kan tuah to hlei i Dalaan hna kawl Ralkap ca i Kan tuan ngam rih hi cu khuaruah har Kan si ko. An te chin fapar tial in Sal ah an tlak lai khi. Atu an paw khim nak ca lawng i khua a ruat mi pawl an si ko lo ma. Atu lio ah hin cun, Mipi zong nih kan theih ding mi cu, mah pupak ca i ruah caan a si lo, Kan Ralkap nih tuah lo ding ti mi hi cu, nawl ngai tein Kan um ding asi ko.

CNA/CDF nih tuahlo ding timi a ngai duh lomi mipi nih INDIRECT in kan ralkap kan thah hna. Mah cuhme cu Ralhraang he Thantlang kanser tthan lai tih minsen anthut anti cu.Mahhna kha Dalaan timi cu ansi telai khah. Hi tluk kan phun ning in kan ci hmih a duh mi Ralhrang caah Dalaan Kan tuan piak khawh rih mi hna hi bia a dih ko. Credit: Hoi Len Tial

Hakha Nu le pa Cheukhat kut ah CDF Ralkap thi aa neh. Zahan Hakha CDF pahnih an nunnak an pek mi kong ah nu le pa țuanvo nan ngei. “Ralhrang kuttang sianginn ah kai hlah uh, Ralhrang rianțuan nak tha pek a si ee ” tiah fak pin au khuan lengmang a si.

Kan fa le fim cawnnak an hnu tuk cang tiah Ralhrang kuttang sianginn ah a kaiter tu nu le pa vialte kan mah ruangah a si ti kha theih ding a si. Hmailei ralrin nak ah siseh! Kan fa kan nau le nih an nunnak in chimh kan si cang.Ralhrang he pehtlaihnak a ngei mi sianginn paoh paoh ah kan fa le kaiter lo nak in Dohthlennak ah i tel hna u sih, nu le pa hna.

Falam le Hakha Kar Kahnak: Ralhrang 20 Tluk An Thi Cang, Kahdohnak Peh Ding Ruahdamh A Si! Tutan CNA, CDF le CNDF i bawm in Ralhrang an khamnak i kahdohnak ah Kawl Ralhrang a tlawm bik 18 an thi cang tiah kahdohnak lei nawlngeitu upa pakhat sin in July 8 zaan 8 pm tluk ah kan theih. A nikhatnak kahdohnak hi Lungrang le Taal karlak a si. Kanmah lei nih, Meithal zun khat hmanh puah lo in, Bomb lawng kan hman rih tiah raldohnak lei ah a ummi upa pakhat nih a chim.

Kahdohnak a pehzulh rih lai caah, thlacamnak he rak kan bawm hram ko uh tiin a chimchap. A nikhatnak kahdohnak ah ralhrang nih Falam lei in, bawmtu an hal hna caah zaanlei sang in Ralhrang minung 50 tluk an rak ra i, Lungpi khua tiang an phan cang tiah theih a si.

CNA, CDF le CNDF lei kahdohnak ah a telmi hi voidang tawn si lo in, a hlei in cawnpiaknak pekmi Special Forces an si. Minung a kalmi poahpoah zumhnak le ralthatnak faakpi in an ngei dih tiah raldohnak tlangtla tu upa sin in kan theih.

Falam-Hakha Kar SAC Ralkap Le Tualchung Ralkap Kahdohnak Ah SAC Ralkap 15 Hrawng An Thi. Falam-Hakha Kar SAC Ralkap Le Tualchung Ralkap Kahdohnak Ah SAC Ralkap 15 Hrawng An Thi: Nihin July 8 ah Falam-Hakha lampi Ṭaal khuapawng ah SAC ralkap le tualchung hriamtlai phu kar kahdohnak a chuak i, cu kahdohnak ah cun SAC ralkap 15 hrawng an thi, tiah tualchung hriamtlai phu hna he naihniam in ummi nih an chim.

Kalaymyo in Laitlang lei ah a kalmi SAC ralkap motor run cu Chin tualchung hriamtlai phu CDF le CNA nih nihin July 8, chun suimilam 12:00 hrawng ah rak bawh in an kah hna i kaphnih kahdohnak a chuak. Tualchung hriamtlai phu hna nih bomb puahhnawh in le a thli in an kahdoh hna caah SAC ralkap lei a thimi an tam tiah tualchung hriamtlai phu hna he naihniam in ummi nih an chim.

SAC ralkap hna cu June 29 in Kalaymyo in Laitlang lei ah motor 27 he an kai i, CDF, CNA le CNDF nih July thla thok in an kah hna. Rallam a sialtu SAC ralkap hna cu minung thazaang 100 reng lo an si lai, tiah tualchung hriamtlai phu nih an ruahdamh.

Sagaing Ramṭhen Mawlaik Ah SAC Ralkap Bomb Puahhnawh An Tong 8 I An Thi: SAC ralkap motor 3 cu nizaan July 7 chunhnu ah Sagaing ramṭhen Mawlaik(မော်လိုက်) ah Mawlaik tualchung hriamtlai phu nih bomb an puahhnawh hna caah SAC ralkap 8 an thi tiah theih a si.

Minung thazaang 100 hrawng nih zulhmi SAC ralkap motor 3 cu WaiDawngh(ဝဲဒေါင့်) thing ah-nak hmun lei an kal lio, lampi ah bomb puahhnawh an tong, tiah tualchung hriamtlai phu in chimphuannak nawlngeitu nih The 74 Media ah a chim.

“A hlankan in thawng kan theih caah an ratnak ding lampi ah bomb kan hmanh, kan hmanhmi bomb lung hnih nih a hliamh hna i, a thimi zat cu SAC ralkap lei he naihniam in a ummi sin in kan theih, 8 an thi i, hliamhma tuar zong an tam,” tiah a chim. SAC ralkap hna nih cun WaiKaTa(ဝဲကသာ) khua inn 2 cu an khangh, tiah a chim chap.

Sagaing ramṭhen Mawlaik(မော်လိုက်) peng ah SAC ralkap le tualchung hriamtlai phu kar atu le tu ti tluk in kahdohnak a chuak. A luancia May 15 zong ahkhan Ṭhawta(ထော်သာ) khuachung um SAC ralkap le pyusawhṭi hna cu tualchung hriamtlai phu nih an kah hna caah ralbawi pakhat le pyusawhṭi 2 an rak thi.

Mawlaik(မော်လိုက်) peng cu Sagaing ramṭhen chung Chindwin tiva nitlaklei ah a ummi a si i, inn 10,000 reng lo le milu 55,000 hrawng an umnak pengkulh a si.

Be the first to comment

Leave a Reply

Your email address will not be published.


*