Hakha thilman kai ning hi cu Khrihfa Zumtu aa timi caah cun zohchunh awk ah ka rel lo!

Hakha thilman kai ning hi cu Khrihfa Zumtu aa timi caah cun zohchunh awk ah ka rel lo!
=======
Nan dawr chungi a umcia mi a man aa den lio i nan lak mi bak ..kawl lei ah a man a kai cang ti bak in nan kan kaih hnawh. Inn saknak thilri le a dangdang pawl. Meihol sihoi i Electric mei a rawk a caan sau lai ti bak in a man fak tak in nan hauh..Solar le Batery Inverte zawng nan dawr um cia bak nan kai..Phazawngdain tiang in.

Meicu sau a rawk cawk lailo an serkhawh can a phan zau lai..a rau ti lailo. Nan dihlak ka tilo..mifel taktak nantam pi..a man kai cu chimlo Uting nau zo tiah mi pakhat nih tampi cawk nansianglo i nan zuar kel ten nan kan phawt zam.
Nanmah le nan zawn cio rak i zoh ko uh.

Pathian zumtu hi kan rak um huaha lo dara Khrihfabu chungi Upa..Nubu Hruaitu hna si mi..Dawrkai tampi lak ah micheu cu ka tial mi ah khin nan i tel cio. Phaisa kawl lawngte kansi herhbau nei lawngte kan si..nan nih a zuartu na si hna i..kan temtuar a zualchin cuh. nanmah nawl henta.

Atu lio mei kan har ruang i mawvantthat ti in meihol man tthalo lak in akai mi pawl hi ichinchiah bak ihi hnu anthil cawk bak lo ding ka ti ve cu. Mah ban tuk cu an hman lo tuk an dawr ah thil caw ti hna hlah uh nan herh bau mi kawl lei i cah awk a tha mi kha nan mah te khan i cah ve uh.

Sahngar a nii tbk a si ko ne cu mah bantuk minung Min Aung Hlaing ah aa peh mi an si. Min Aung Hlaing a hliah le a cang an si. Mah bak ka ti ve thil man kai hlan bak i an lak mi a kai mi bak ka theih ve hna an luan bak ka ti. Kawl pawl nih kawl mei hol tun khat ah 9000 in an zuar lio ah lai pawl nih kawl mei hol kun khat 18000 te hna in an zuar khua ruah har si ko. Credit: Pakim Bawitlung

Khuapi Laak Kahdohnak Tuah Ding Ah PDF Timhcia An Si Cang-NUG. Ram chungah khuapi laak kahdohnak tuah ding in tlangcung hriamtlai hna le PDF ṭangṭi phu hna cu hmunkhat ah khua an khangṭi i, timhcia tein an um cang, tiah NUG President zung in chimphuannak nawlngeitu Kyaw Zin nih a chim tiah theih a si.

NUG nih a ra laimi 2023 thok cun SAC ralkap cu ramkhel leiin siseh, rallam in siseh, chawleh chawhrawlnak leiin siseh, cun vawleicung upadi ning in siseh, a lamkip in kan nam cang lai. Cu pinah rallam hmun 6 in kan luhhnawh cang lai, tiah a luancia October 7 ah cathanh an rak chuah.

Khuapi laak kahdohnak kan tuah te tikah mizapi inn le lo hnursuan lo le mizapi humhim khawh ding in kan i zuam lai. Cheukhat khuapi ahcun PDF nih SAC ralkap an kulh cang hna, tiah NUG chimphuannak nawlngeitu Kyaw Zin nih a chim. CDM ralbawi pakhat nih khuapi laak kahdohnak kan tuah khawh nakding ahcun vanral kan i runven khawh hnasa a hauh caah vanlawng i khamnak hi biatak tein kan i hmaithlak a hau, tiah chim.

Vanral kan i runven khawh ahcun khuapi laak kahdohnak kan tuah lo hmanh ah tampi ṭhathnemnak a chuahpi lai. Vanlawng tilknak lam le van lei rianṭuannak zung hna kan kah khawh ahcun thil ṭha tuk a si lai, tiah a chim chap.

SAC ralkap nih vanlawng hmang in bomb an thlak lengmang mi cungah NUG nih vanlawng kahnak hriamnam cu a hmun le caan aa remnak bik ah hman ding in kan tawlrel cuahmah, tiah an thanh. SAC nih nawlngeihnak an lak hnu ah vanlawng hmang in voi 250 nak tlawm lo kahdohnak an tuah i, tualchung mi 200 leng an nunnak a liam, tiah NUG nih cathanh an chuah.

October Thla Chung Ah SAC Kuttang Bawi Ngan 13 An Thi! Bo-hmu-kyi 2, duh-bo-hmu-kyi 1, bo-hmu 3, bo-gyi 1, palik bawi 4, pengkulh uktu 1, pengkulh biaceih bawi 1 tiin SAC lei ṭangtu bawi ngan 13 cu October thla chung ah an thi, i bu-hmu 2 tlaih an tong tiah theih a si.

SAC ralkap le tualchung hriamtlai phufonh kar ikahdohnak ah SAC ralkap lei in ralbawi nganngan hna an thi, cun an nun bu in tlaihkhih a tong mi ralbawi hna zong an um tiah theih a si.

SAC Ralbawi Le Bangladesh Ram Nawlngeitu Hna Tonnak An Ngei. Mayanmar-Bangladesh kaphnih ramri hngak tonpumhnak meeting cu, October 30 zing sml 10:30 ah Bangladesh ram Teknak khua Shahparrdwip ah an tuah, tiah theih a si.

Cu tonpumhnak ah SAC lei tuanvo ngeitu hna nih Bangladesh ram chung i PDF ralkap an umnak hmun le sakhan cu hmanthlak he hmuhsaknak le fianternak an tuah pinah Myanmar le Bangladesh ramri a him khawh nakding ah hmunkhat ah rianṭuanṭi ding in hnatlaknak ngeih dingin ceihhmainak an ngeih pi hna, tiah theih a si.

Cu tonpumhnak ah SAC kuttang palik phu, No.1 ramri a hngaktu, caan karlak palik bawi Ye Way Soe telh in minung 6 an kai i, Banladesh ram in No.2 ramri hngak Battalion Commander Lt. Colonel Sheikh Khalid Mohammad Iftekhar telh in minung 8 an kai ve, tiah theih a si.

Cun Myanmar le Bangladesh ramri ah hram a bunhmi PDF ralkap hna ṭhawl ding le phung ning loin luh chuahnak a um ahcun tlaihkhih piak ding in SAC lei nih nawlnak an tuah tiah theih a si.

Kanpauk Htawai Hmunram Ah SAC Ralkap 5 An Hriamthil He An Zaam. Tanintharyi ramṭhen Htawai pengkomh Kanpauk hmunram SAC ralkap Mawrawari (မောရဝတီ) ti lei ralkap headquarters in ralkap 5 cu an hriamthil he an zaam caah SAC ralkap phu nih an kawl hna tiah theih a si.

“An tlikzaam thawng cu a fiangmi a si ko, SAC ralkap hna nih Kanpauk hmunhma cu checkhlatnak an tuah, motor he mi kawlnak an tuah” tiah Kanpauk khuami pakhat nih a chim. “An tlizaam ti thawngpang cu a dikmi a si ko, a tli mi hna nih an nupi cu an kaltak hna i, an hriamthil lawng an i zaampi” tiah an chim.

September thla chung Mawrawari(မောရဝတီ ) ti lei ralkap an umnak in hin ralkap 12 an zaam cang, nikum kum donghnak lai zong ah a tli zaam mi an um pah lengmang caah a tutiang ah ti lei ralkap an umnak in a zaam mi dihlak hi ralkap 30 leng an si cang tiah theih a si.

Sagaing Ramṭhen Yinmapin Le Pale Peng Ah October Thla Chung Ah SAC Ralkap Nih A Bubu In Minung 30 Leng An Thah Hna. Sagaing ramthen, Yinmabin peng le Pale peng ah SAC ralkap nih October thlachung ah a bubu in minung 30 leng an thah hna tiah tualchung hriamtlai phu hna le tualchung mi hna nih an chim.

October 21, Sagaing ramṭhen Yinmabin peng Shwehlan khua cu SAC ralkap thazaang 150 he an rak luhhnawh i tualchung mi 3 le tualchung hriamtlai phu PDF chungtel 12 cu an bu in an rak thah hna tiah theih a si.

Cun Sagaing ramṭhen Pale pengchung ah October 25 ah SAC ralkap hna nih Pale peng pah-kah-phah office umnak hmun cu helicopter 5 hmang in an kah hna caah PDF nih an tlaihmi hna minung 15 le tang 8 cawnglio ngakchia pakhat telh in tualchung mi 3 hna cu SAC ralkap nih an thah hna tiah tualchung mi hna nih an chim.

SAC ralkap hna nih cun Hpalanpin khua le Taepinkyae(သဲပြင်ကျယ်) khua inn an khangh leng ah, motor pakhat zong an khanghchih, cun phaisa sing 1700 le laptop, printer hna le zeidang thilri hna zong an lak chih caah an laak mi dihlak hi sing 2000 hrawng a si tiah theih a si.

Kalaymyo Ah SAC Ralkap Bomb Puahhnawh An Tong, Ralbawi Telh In 3 An Thi. Kalaymyo thlanglei Kalay Technology University gate hngakmi SAC ralkap hna cu October 31, zinglei ah PDF Kalay nih bomb puahhnawh in an doh hna tiah theih a si.

October 31, zinglei suimilam 10:00 hrawng ah TU pawng ah PDF Kalay nih bomb an hmanh ti thawng an theih caah bomb thianhhlimh ding an tuah lio ah puahhnawh an ton hi a si. “Bomb aa tlaihmi SAC ralkap pa cu a takpum zong ai cheu dih, cun a hnu ah a dir mi pa cu a tai in a tan” tiah PDF Kalay in bomb tlaitu phu chungtel pakhat nih a chim.

Bomb puahhnawh tongtu SAC ralkap pakhat cu a takpum hmunkip ah an i sarh dih, pakhat cu a tai in a tan i a dang pakhat cu a hliamhma a fah tuk ruang ah a thi, cu hna lak ah cun ralkap pakhat ai tel tiah theih a si.

Tutan kahdohnak hi PDF Kalay nih “ Yatu Project” min bunh in tuahmi a si i, October 10 lio ah Kalaymyo, Naykyatait hmai ah SAC ralkap kut in faktuk in a nunnak liam mi PDF Kalay battalion 6 in ralkap Lal Biak Tluang le ralkap Lal Chan Him hna 2 caah lehrulh kan cham a si tiah theih a si. Credit: The Chin Post