Helicopter voi tam tuk a zuang cang i a tla bal lo!

Helicopter voi tam tuk a zuang cang i a tla bal lo!
=========
Cheukhat pawl, Tilawng zong lam ngei, Vanlawng zong lam a ngei. Helicopter zong Lam angei ti athei lo nan rak um rih. Mit cun hmuh awk tha hlah kaw. Tutan Hakha lei arak zuangmi Helicoper kha alam ah CDF nih an bawh caah a hrial nak ah aa hlawnh mi asi tikha rak thei cang uh.

Theih lo hngal lo zong cu mah duh cu si hoi lo i nain a hung fianh i a tlamtling ngai. Meithal zunkhat hmanh hmang lo in hi bantuk thil a caan cu hun i lawmh len ding a si bak ko. Kan Laitlang a dawh tuk, a tha tuk ee, hun ti lengmang mi hi a tling ko hih.

Terrorists pawl an lam a tluan ti lo ding a fiannak a si. Meithal tlamtling ngai in kan van i ngeih hin cun “a ma le phaya phaya” ti in an tli dih te lai. Chin miphun hi Pathian nung umpi mi le thluachuah mi kan sinak hi a lang thluahmah lai. Teitu lawng hlah, hruaitu zong Bawipa thawngin kan si lai.

Helicopter voi tam tuk a zuang cang i a tla bal lo. Tutan a tlakmi zoh tik ah ruang a ngei. Mah cucu kan ralkap pawl a zenh hna ca ah a si ko. Tha Tein Hlat Tikah Farkung Cu Sidawh Si Lo! Tuzing 29 March2022, i Chinram khualipi Hakha, Cawbuk pawngah, Ralhrang Helicopter a tla mi kha farkung i pah sual ruangah a tla mi sidawh si lo.


aHi pawngkam um pakhat nih a ka chimh ningah, Kan pasalttha hna nih an hlemh hnu ah tthitha in a zuang kho ti lo, cucaah a tubantuk in farkung zong hrial kho ti lo in a pah chih i a tlaaknak cu a si ko e, a ti ko hi teh.

Farkung e, Cu e Kha e, Kanmah e ti len hlah ulaw. Bawipa kan Sinah a um ti tu zum deuh ulaw. Hi nak thil lianngan a ra chin lengmang lai. Kan thazaang kan chuah rup in Bawipa nih a kan bawmh ve ko lai. Bawipa nih a kan tuah piakmi ti zum ko uu.

Pathian Umpi nak tiko usih Kan thingram tiang nih Arak doh hna le Lung a hmuituk ai. A Nung Pathian kansin I a um hi kan Biakinn kan ngeihchiah a khang tu ralhrang nih hmu tong chin lang mang ko hna seh. Chinmi nihsawh, zawmhtaih ngamding an si lo an lei tang tu a um ti theifiang cang hna seh.

Nihin zing Hakha ah a tlami Helicopter. Chin ramkulh, Hakha khua ah zing sml 9:30am hrawng ah a rak lutmi Helicopter cu Cawbuk sang chakhlei tlang lonh ah thingkung aa pah i a tla tiah theih a si.

“Minmin tlang timi Thawng Kian inn pawng tlang ah thingkung aa pah i a tla. Helicopter pi cu vawlei ah a rak bawk ko. Lam in hmuh khawh a si ko. Ralkap le palik tampi nih an tawlrel lio a si” tiah mit in a hmumi nih The Chinland Post ah a chim.

Helicopter a phak tlawmpal in Hakha khuachung pyidawta market hmai le hmundang ah ralkap pawl nih hmunhma an lak tiah theih a si.

Hakha ah Council ralhraang helicopter a tla, minung panga hma an pu. Tu zing suimilaam 9:30 hrawng ah Hakha khua, Cawbuk chak Minmin tlang ah Council helicopter a tla i minung panga hma an pu tiah kan theih. Helicopter cu, Rungtlang ralhraang battalion No. 266 ah tum aa timh mi a si. A tum lio ah thli a hraan tuk ca ah a lu taw aa mer, faarkung ah a mei aa suk ca ah a tlaknak a si tiah kan theih.

Hi helicopter hi, thla dih lai a si ca ah ralkap le cozah riantuan thlahlawh tangka le ralhraang kuanzen chanh ah a ra mi si dawh in an chim. “Helicopter thawng hi zinglei deuh in aa zel cang. Thlahlawh tangka le Rungtlang ralkap kuanzen chanh ah a ra mi si dawh a si. Rungtlang ralkap camp pawng hrawng runvennak ah aa hel mi zong a si kho.

A tlaknak hmun ah ralkap le palek nih an zelh. Hmanthlak zong an siang lo i cu ka hmun a va kal mi Meithat pawl phone zong an chuh dih hna an ti,” tiah min langhter a duh lo mi pakhat nih The Hakha Post ah a chim.

Helicopter a tlak ruang ah aa cit mi ralkap pahnih le Fimcawnnak Zung riantuan pathum, an dihlak minung panga hma an pu i, cu chung ah helicopter mawngtu ralkap cu a kut a kiak tiah kan theih. Cu hmapu panga chung ah cun Sah-Tung-Lung bawi pakhat aa tel ti zong an chim nain The Hakha Post nih kan fehter kho rih lo.

Helicopter a tlaknak hmun ah Council ralhrang hriamtlai hna le Meithat motor pawl nih an va fuh. Hakha khuachung hmun zeimaw zat zong ah ralhraang pawl hmunhma an la tiah kan theih.

Be the first to comment

Leave a Reply

Your email address will not be published.


*