Henry Van Thio Cu Suu Kyi Nih Reng Sang A Rak Pek Sual Ko Rua

Henry Van Thio Cu Suu Kyi Nih Vice President Ah A Thim Sual Ko Cang Rua

Pu Henry Van Thio hi Kawl ralkap bawi pension a lami a si. Ralkap pension a lak hnu in kum 2015 thimnak ah Thantlang peng in USDP party in cuh ai tim. Sinain UNDP partu in hmunhma a um ti lo caah NLD in Pu Bawi Khing nih a hmunhma a kianh i Pu Henry Van Thio cu ai cuh. Amyotha hlutraw in a tling i Suu Kyi nih Vice President zong a pek colh.

Zei ruang ah Suu Kyi nih Henry Van Thio hi Vice President a pek hnga timi a ruang a um. Chinmi lak ah NLD saupi a rak dirpi tu, a tanh tu le NLD caah thih ngamh in a rak tuantu tampi an um ko nain ralkap pension a simi Henry Van Thio Vice President a rak pekmi hi a ruang tampi a um.

Cucu 2008 phunghram pi hi an mah ralkap nih tuah mi a si. Ralkap nih hlutraw ah 25% an lak fawn tikah ralkap he riantuan a hau. Ralkap he riantuan a herh caah ralkap sining a theimi le ralkap he ai kom khomi, ralkap sinah rian a tuan balmi an hau caah Henry Van Thio kha Vice President ah a chiahnak a si.

Sinain a tu hi ralkap lei in thawngpang a hung leng ngai cang. Vice President Henry Van Thio le hlutraw Chairman Ti Khun Myat cu kanmah sinah rian an tuan ko. Thla hlawh zong an la peng ko ti a si.

Cu caah Henry Van Thio hi ralhrang pawl sinah riantuan cang sehlaw a dawh. A mah zong USDP party hlun le ralkap pension hlun a si caah zumh a um ngai ko.

A tulio CRPH, NUG le PDF te hna an cawlcanghnak hi Henry Van Thio nih pakhat hmanh a thei lai lo. A hlan bantuk khan ralkap nih ram hi dai tein an uk ko cang tiin a ruah cang lai. Ralkap thawng chimnak MRTV lawng a zoh cang lai va si kaw a tulio mipi cawlcanghnak hi a theih lai lo caah ralhrang sin riantuan hi fawi tein ai thawk khomi a si cang ko.

Suu Kyi nih a zumh i Vice President ah a thimi cu thim sual dawh in a um ko cang. Ralkap pawl sinah leng lang lem loin riantuan dawh a si ko cang.

Credit. Times Of Chin

 

Be the first to comment

Leave a Reply

Your email address will not be published.


*