Herbert W. Armstrong nih “Mimolh pa nih nuclear ral a thawhter te lai; vawlei an khanghte lai!

Nai Dr Putin biachim.
=====
Korean news ah an cuang ngai i tuzanlei cu zeidah si hnga tiah ka van kherhlai ve. A biachim ka zoh lengmang ah cathiam ngang i molh ngang phun, “ကျောက်တစ်လုံးထမ်း” silole a pommi pin ai thawn duh lo chan dawilo khongtawn phun in ka hmu.

Putin khi “business law” phunphai i PhD ngahmi a rak si. Mah caah Dr Putin ka van tinak si mu. Siibawi si leem lo, academic field zongah an um leem lo cun PhD an ngah zongah miphun dang cu an min hmai ah Dr an ibunh leem lo.
Zapi hmuh ding i (a hnudung bik ai langh) biachim ning zoh tikah, media ngan pipi nih a phunphun in an phai. BBC lebang nihcun suarhar tak in an thanh. DW timi German media zong nih cu tho.

Nitlaklei phu pawl nih an ichuahsual. Ṭihung tukmi thil, a thurhnawmmi, thihnak nunnak thil kongah an ithlak ti in Nitlaklei phu cu sual a phawt hna. Fihnung an si, a tongh chap rih. Russia cu kan sipuazi a tla nemmam lo. Anmah tu an cei. Hi pin i hmailei an fon rih ahcun, WWII lio i an rak ton bal lomi nak ṭihnung tuksapur thil an tong lai a ti, tiin BBC nihcun an chim.

Cu lawng si loin, Russia i nuclear hriamnam lei an bawi pakhat biahalnak an tuahmi zong an langhter. Nuclear ral tuk dingin timhcia tein kan um ko. Nitlak lei an lor deuh cun, US kan phomh colh lai, vawlei pumpi a ciam dih ko lai tiah a chim ve.

Germany media DW belte nih suarhar tuk lawmmam cun a phuang lo. Putin nih “Xi Jinping cu ka hawikom a si a ti” i ralpi chuah sual cun China cu Russia he ai kawp ding phun in Putin nih ai ruahchan ti deuh in an langhter. Putin ideology kong ai phuannak a chim lio tam bik a langhtertu Tuluk cozah media Global News phunphai i an footage tu ka taar.

Intellectual ka si ko ai timi nihcun a thluak khi purh khawh si ko lai, tiah. Hi ahhin, Dr Putin timi khi ca a rak thiam ngang ko nain, a molh ko hi teh ti in hmuh khawh si, ka ti. Russia lei khi mimolh an lo pah dih i keimah palh sual zong si kho ko.

A ideology hrimhrim khi Marxism ai rak ithawkka hrawnghrang i an rak imolhpimi zumhpomning pin a pet loin ka hmu. China khi mah tluk in an extreme ti lo cu mu. An itharchuah tuk cang khi. Herbert W. Armstrong nih “Mimolh pa nih nuclear ral a thawhter te lai; vawlei an khanghte lai tinak mu… Cu hnu ah… caan dongh lei kan phan te lai” ti phun i a zumhning a rak thanhmi a ka theihter ngai. Credit: Salai C Alexander

Tulio Europe nih an i buaipi ngai mi cu Russia nih NATO ram chung ah a thli in ngiathlaitu (a deep-cover spy) a thlah mi pawl kong a si. Russia hi deep-cover spy lei ah neihchiah thazaang (resources) tam pi dih in a cawlcang zungzal mi a si. Russian deep-cover spy pawl cawlcangh ning theih duh ahcun Netflix series ah “In from the Cold” ti mi va zoh te hmanh uh. Ukraine a tuk ruang ah a tu cu indirect in NATO he ai tu bantuk an si cang caah NATO members ram tampi ah deep-cover spy hi thlah i zuam sehlaw a dawh.

Nizan nai ah Norway chaklei um university minthang pakhat Tromsø University ah researcher rian a ttuan lio mi pa cu Russian deep-cover spy a si tiah an tleih. Cu pa cu Brazil ram mi ka si tiin Brazil passport he Tromsø University ah rian a rak sawk mi a si i, a taktak ah Norway chak lei North Pole hrawng i Norway cawlcangh ning ngiat-thlai i Russian Military Intelligence sin ah info hei pek ding kha a rian taktak a rak si tiah an ti.

Norway chak lei vur nih a khuh dih mi tikulh (Arctic in North pole) hi carel kho nih a kong rel te hmanh uh. Research centers tampi an chiah nak, US le Russia caah next battleground a si te lai an ti mi hmun a si. Cu pa lawng a si loh, Norway chaklei ah Russian ramri in a hung lut mi Russian cheukhat cu drone he Norway ramchung ah an rak lut i spy an si lai ti mi lunghrinh in an tleih mi an um len rih.

Nai te tthiam ah Netherlands ram ICC umnak The Hague khua ah ICC ah internship in rianttuan ding a rak ra mi pa cu Russian deep-cover spy a si tiin Netherlands ram security agency nih an tleih ve. Hi pa zong hi Brazil mi ka si a ti i Brazil passport he an tleih ve. Russia nih Ukraine ah “war crime and crimes against humanity” sualnak a buar tiin ICC nih tazacuai ding in case an on. Cucaah cover spy kha ICC ah an van thlah nak a si lai tiin an ruah.

Hi deep-cover spy pawl hi kum 5-10 chung training an pek hna i cu chung ah an identity le nationality pawl an thlen ti a si. Thiamnak sang a nei mi le skill phun2 a nei mi kha an hman tawn hna. Hi pa zong hi Dublin Trinity College le Johns Hopkins University ah sianginn a dih mi a si an ti. Hi lawng a si loh. Italy ram Nepoli khua ah russian cover spy an tleih mi nu zong a um hoi.

Ral thawh lio a si tik ah Russia nih a lam kip in nitlak ram lei kha tei khawh le thlak khawh ai zuam ve caah tleih khawh rih lo mi russian cover spy hi tampi an um rih kho ko tiin an ruah. Cucaah nitlak ram lei security agency pawl zong ralring deuh in an um ve, an thazaang an tthawn ter ve. Nan rel huam zawng a si le si lo ka thei lo. Nai hrawng Europe lei ah a lar ngai mi thawngpang ka van in hromh mi hna a si. Credit; Sangukceu Zinhlawng

Be the first to comment

Leave a Reply

Your email address will not be published.


*