Hi pate cu zaangfahtuk a si ko, Kum hi zat thongdan pek cu a mak taktak!

Mipi Ralkap PDF Pakhat Thondang Kum 203 An Peek!!
=========
Magway ramthen ah SAC ralhrang dohthlennak a tuahtu phu pakhat a si mi ဗိဿနိုး mipi ralkap phu in tuanvo ngeitu pakhat cu SAC ralhrang biaceihzung pa 2 nih kum 203 thongdan an peek tiah, theih a si.

ဗိဿနိုး PDF in tuanvo ngeitu a si mi Ko Aung Khant (Ko Par Lay) cu tukum January ni 31 ah tliah mi an si ii Sikpar ni 15 Taung Dwin Gyi biaceizung nih Pohma-505 telin bomb puahnak hmuh pa 3 he kum 10 thongdan an peek pinah Magway biaceizung nih Sahrang hmuh Pohma -50 (kah), 51 (ngah) 52 (kah) le pohma-54 in thongdan kum 193 an peek ii, A zapiin thongdan kum 203 an peek, tiah theih a si.

A tu ah kum 203 thongdan peek a si mi ဗိဿနိုး PDF in tuanvo ngeitu a si mi Ko Aung Khant (Ko Par Lay) cu Magway khuapi ah a um mi Daung Nay thonginn ah an chiah ii October ni 31 ah kum 173 he thongdan peek a si mi Taung Dwin Gyi pengkulh Hluttaw palai hlun U Win Myint Hlaing he a hmuh khat in an siam piak hna hi a si, tiah theih a si.

Ko Aung Khant (Ko Par Lay) a umnak hmun cu theihin thawngpang a len hnu ah SAC ralhrang nih a umnak hmun cu kulh dih in an va tlaih hi a si. An tlaih lio zongah an tukvelh an hrem ii ramhmai ah an hman pinah hruhnak sii an chunh, ti zong in theih a si. Ko Aung Khant (Ko Par Lay) ii a chungkhar a si mi a nu, a pa he a a farle pa 2 hna zong ralphaw ah an hman hna ii Ko Aung Khant (Ko Par Lay) an tlaih ni ah an thlah than hna tiah theih a si.

Naypyidaw Ah Chawlehnak Rak Tuah Cio Dingin Zaw Min Htun Nih Sawmnak A Tuah! Zaw Min Htun nih Naypyidaw ah chawlehnak rak tuah cio dingin sawmnak a tuah pinah Naypyidaw ah chawlehnak a tuah mi poah cu kum 5 chung Income tax (ဝင်ငွေခွန်) peek nan luat lai tiah a chim. Nihin Sikpar ni 18 Naypyidaw ah tuah mi thawngzamh thiantlimhnak ah a cung lei bantukin a chim nak hi a si.

“Chawlehnak nan tuah a si ahcun rianhram nan domh thawk in kum 5 chung Income tax (ဝင်ငွေခွန်) peek luatnak nawl cu sok khawh a si ii chawlehnak a than cho khawh nakhnga dingah riantuan ri dingin kan i sawm ko hna.” tiah a chim.

NAypyidaw cu China-Myanmar Sipuaizi Sincian lam (စီးပွားရေးစင်္ကြံလမ်း), Maha Mee Khaung(မဟာမဲခေါင်) hmunhma then a simi Sipuaizi Sincian lam (စီးပွာေးရးစင်္ကြံလမ်း) ah a um mi si caah chawleh-chawhrawl tuahnak ah a thatnak hmun a si ii Ti, Vawlei, khuacaan zong a that hlei ah Electricity (electic mei), Lam, Hlei le အခြေခံ အဆောက်အအုံ (Basic Building) pawl he a khaah dih nak hmun a si, ti zongin a chim.

2008 Phunghrampi He NCA Minthutnak Cu Hrambunh In Ramdaihnak Kan Sersiam Ko-Min Aung Hlaing! 2008 phunghrampi he ram pumpi lungtling tein kahdohdaih min thutnak (NCA) cu hrambunh in remdaihnak cu kan sersiam ko, tiah SAC ralhrang lutlai Min Aung Hlaing nih a chim.

Sikpar ni 17 ah a phan mi Miphun teinak hmuh ni lomhpinak ah atubantuk in a chim nak hi a si. Hriamtlaih buainak cu daihter in a dik mi remdaihnak hmuh khawh nakhnga dingah Ramthen, Ramkulh, hmunhma kip in aa pehtlai mi palai pawl cu kan auh hna ii kap hnih in ceihmaitinak kan ngei, ti zongin a chim.

(A chim duhnak cu, “hriamtlaih dohthlennak cu daihter in a dik mi remdaihnak hmuh khawh nakhnga dingah tuanvo ngeitu Palai pawl cu sawm in ceihhmaitinak cu kan ngeih khawh cang caah a dik mi remdaihnak kan ser lai, ti duhnak, Sawm mi ah tlangcung hriamtlai phu cheukhat lawng an itel i ceihmaitinak cu an ngeih khawh taktak cang,A sinain hmailei ah zei a theipar dah an zuun te lai timi cu theih khawh a si rih lo)

Ceihhmaitinak lawngin a tu ton cuahmah mi harnak pawl cu hmaimilh khawh a si lai ii ram punmpi cu a dai, a nuami thancho ter dingah zapi i teltum dihin riantuanti khawh a si lai, tiah ka zumh. (A chim duhnak cu” ‘Ceihmaitinak kan i sawm mi hna cu nan kan cohlan piak ii kan mah he ceihmaiti in tonbiruahnak ngeih khawh lawng ah rampi daihnak cu kan sersiam khawh lai ii kan hmaimilh khawh lai pin a dai, a nuam mi rampi thanchonak cu zapi i teltium in kan sersiam khawh lai, tinak a si.)

Democracy le Federal hrambunh mi Pyidaungsuu ram hlawhtling tein sersiam khawh nak cu mipi vialte hna nih zapi i teltum in kan fonhtom khawh nakhnga ding zongah timhtuah tein tuanvo kan lak ko, ti zongin a chim chap. (Mipi vialte kan mah lei ah an i fonh khawh nak hnga dingah timhtuah tein tuanvo kan lak ko, ti duhnak).

SAC Ralhrang Nih Hakha Ah A Cang Mi Kongah Thawng Dik Lo An Thanh Pinah Sagaing le Magway Ah Minung Pa 4 An Tlaih Hna! Cung kong he pehtlai in SAC ralhrang thawngzamh nih nihin sikpar ni 17 ah mah ti thawnhgdik lo an thanh, “Sikpar ni 15, zinglei suimilam 11 hrawgah Hakha cawbuk sangah CNA/CDF nih bomb puahnak an tuah ruangah Chan Ku Lian le Tial Run Khua Ceu Thang cu hliam an tuar pinah Van Shalom cu hliamtuar hma in a nunnak a liam, tiah thawngthanh nak an tuah.

Cu pinah Sikpar ni 16 zinglei suimilam 9:00 hrawngah Magway ramthen, Maung pengkulh, nichuah lei Ngiang Dwin khuate ah a um mi pakhat cu SAC ralhrang nih PDF bomhnak na peek hna tiah, a ti ii an tlaih tiah theih a si. Sikpar ni 16, zinglei suimilam 11:00 hrawmgah Magway ramthen, Yesokyu khuapi ah SAC ralhrang nih motor, cycle zohfelnak an tuah lio ah cycle in a ra mi Kaung Zaw Htun cu an dirter ii a phone check nak an tuah tikah Social Media ah thawngdik lo na zaamh, PDF pawl thazaang na peek hna, tiah an ti ii an tlaih tiah theih a si.

Cun Sikpar ni 16, chunlai suimilam 1:00 hrawngah Kalay Myo pengkulh, Bung-Taw khuate ah cycle in a ra mi Myo Thet Paing cu cu an dirter i zohfelnak an tuah tikah PDF training a dih mi na si, tiah an ti ii an tlaih tiah theih a si.

Cu bantuk thiamthiam in Sikpar ni 16, zaan suimilam 8:30 hrawngah Monywa ah a um mi U Aung Kyi cu a inn ah rawl a ei lio ah PDF nih a thah ii an zaam tak timi thawngpang theih a si hnu ah cycle in a ra mi Aung Phyo Pyi (Aung Pyo, Aung Htu) cu SAC ralhrang nih an dirter ii zohfelnak an tuah tikah a zaar chungah AK-47 kuanbawm (1), 7.62 kuanfang 24, 9MM kuanfang 4 le phone pa 2 he an tlaih tiah theih a si. tizongin thawngthanhnak an tuah. Credit: Everything

Be the first to comment

Leave a Reply

Your email address will not be published.


*