Holh theihlo lih a sinak le thalrau a si vemi Satan mi lihchimpa sinin a rami a sinak cu!

Holh theihlo lih a sinak le thalrau a si vemi Satan mi lihchimpa sinin a rami a sinak cu!
===========
BIATHMAITHI: Dawtmi u le nau, cun holh theihlo a hmanmi pawl, kan soisel hna le kan doh hna caah a si loh. Pathian thawngin Bible biatak ah dir tti hna u sih. I baktak tti hna u sihlaw Pathian biatak a simi Bible Cathiang bia vialte hna zong hi Fimchimtu le biatak Phungtu Thiang Thlarau umpinak thawngin hngalhfian khawh kha i zuam hna u sih tihi ka duh ve caah khan a si. Dawtnak hi pakpalawng ah cia hlah u law zeirel loim um fawn hlah u. Khrih nih an dawt hna bantukin zeihmamh a si lomi keimah zong nih kan dawt tuk ve hna ee.

Dawtmi u le nau hna (Lamkaltu 2: 4) nak bia i Pentekoste ni ah Thiang Thalrau a comi vialte nih an chimmi biafang hna hi zeitindah holh theihlo a si tiin na van ti khawh? Zei bantuk Bible hmanh ah holh theilo tihi a hmang lo. Cun holh dang {or} holh dangdang ti lawng hi a hmanmi a si. Kan Lai Bible vialte zongah a si fawn ko. Mizo famlam zongah a si fawn. Asinain minung an tam caah holh dang si loin holh dangdang in an holh tihi cu nangmah pumpak zongin kan hngalhfian awk a si. Cu holh dangdang in an holhmi zong cu anmah le an Khua holh cio in an rak i thei dih fawn ko. (Lamkaltu 2 : 11).

Hi thil hna hi Jahovah Pathian kan Pa sinah Jesuh Khrih nih kamhmi Thiang Thlarau a hmuh hnu ah a rak pekmi hna laksawng zong kha a si fawn. ( Lamkaltu 2 : 32 – 33 ). Cucaah cun holh theihlo timi biafang hna na uar chung paohpaoh hi cu biatak ah ka dir kho thai lai loh. Na nun ah a lang zungzal ko lai ee. Zeicatiah cun holh theihlo timi cu thlarau a si vemi Satan mi lihchimpa sinin a rami a si caah a si. Cun mi chanbau ka si ve bantukin ( Lamkaltu 2 : 4 ) nak biafang hi holh theihlo tiah a lehnak Bible dang hna na hmuh a si ahcun ka chim kho ve law kaa lawm ko hnga?

Holh theihlo lih a sinak le thalrau a si vemi Satan mi lihchimpa sinin a rami a sinak cu Bible Cathiang bia lila in hin hngalhfian khawh zong a si. Cu lawng hlah minung cu a palh khomi kan si caah an palh sualmi zong a si kho ko. Cu bantukin lamkaltu Paul nih Thiang Thlarau laksawng phun (9) a chimmi (1Korin 12 : 8 – 11) nak bia chung i Caang 10 nak biafang zawnah kan hmuh khawhmi cu Dr. Van Bik nih nih hin holh theihlo tiin a rak hman lioah MirangBible a dang tampi nih cun holh theihlo tihi a hman ve hrimhrim loh. Asinain AMP Bible nih (Unknow) tongues ti a hman ve.

AMP Bible hi 1958 lio ah NT Bible hi an rak chuahmi a si ve bantukin Bible a rak lehtu siseh, cun Lai Bible a kan leh piaktu Dr. Van Bik nih hin cu AMP Bible le Mizo Bible hna hi a rak i zohchih lai tihi hngalh khawhmi zong cu a si. Cun minung a si ve caah a palh sual ti khawh zong a si fawn ko. Cu a si lo hmanh ah Laimi nih Bible kan rak ngeih hlan ah hin Mizo lei kan unau hna nih Bible cacaang bia tete hna hi ti an fenhternak zongin a chuakmi a si kho ko.

Cu lawng si rih loin kan unau Falam Bible hlun zongah hin holh theihlo tihi a rak hman ve ko nain a palh sualmi a si an van hngalh hnu ah cun Falam Bible thar an chuahmi ah hin cun holh theihlo timi biafang hi an hmang ve hrimhrim ti loh. Kan pa Dr. Hre Kio le bang nih cun KJV Bible hi a palhmi a rak tam tuk tiah a timi zong a si. Khah a si le Bible in a tanglei ah van zoh tti hmamh hna u sih;-

Holh theihlo a hman lonak Bible;-‭‭1 Corinthians‬ ‭12 : 10‬ ‭BSB‬‬, To another speaking in various tongues. ‭‭1 Corinthians‬ ‭12 : 10‬ ‭ESV, To another various kinds of tongues. ‭‭I Corinthians‬ ‭12 : 10‬ CEV, Others can speak different kinds of languages. I Corinthians‬ ‭12 : 10‬ CPDU/ CSB/ CEB, To others, different kinds of languages. I Corinthians‬ ‭12 : 10‬ KJV/ DRC1752/ ASV/ YLT98, To another divers kinds of tongues. ‭‭I Corinthians‬ ‭12 : 10‬ FBV, Another receives the ability to speak different languages.

‭‭I Corinthians‬ ‭12 : 10‬ GNBDC/ GNBDK/ GNBUK, To one person he gives the ability to speak in strange tongues. I Corinthians‬ ‭12 : 10‬ CJB, The ability to speak in different kinds of tongues. I Corinthians‬ ‭12 : 10‬ EASY, Some people can speak in different kinds of tongues. ‭‭I Corinthians‬ ‭12 : 10‬ ERV, The Spirit gives one person the ability to speak in different kinds of languages. ‭‭I Corinthians‬ ‭12 : 10‬ NIV/ BOOKS, To another speaking in different kinds of tongues.

I Corinthians‬ ‭12 : 10‬ TLV/ NKJV/ HCSB, To another different kinds of tongues. 1Korin 12 : 10 Rev. Sang Awi/ Dr. Rual Uk, A dang sinah holh phunkip. 1Korin 12 : 10 Dr. Rual Uk, Midang sinah holh phun dangdang in biachim khawhnak pek a si. 1Korin 12 : 10 Falam Bible Hlun, Cuvek thotho in mi pakhat hnenah theih lo ṭong ih ṭong theinak a pek. 1Korin 12 : 10 Falam Bible Thar, Mi dang hnenah ṭawng phun dangdangih ṭawng theinak.

Holh theihlo a hmanmi Bible;-1Korinth‬ ‭12 : 10‬ ‭MIZ‬‬; Mi dang hnênah ṭawng chi hrang hranga thusawi theihnate pêk a ni a; mi dang hnênah ṭawng hriat lohte hrilhfiah theihna pêk a ni si a. (Hi Mizo Bible zong nih hin a lettu ca lawng bakah, “ṭawng hriat lohte hrilhfiah theihna a ni si,” tiah a hman ve. A mak ngaingaimi zong a si.)

1 Corinthians‬ ‭12:10‬ ‭AMP‬‬, To another various kinds of (unknown tongues. 1Korin 12 : 10 Dr. Van Bik, Cun pakhat cu holhtheihlo in holh khawhnak kha a pek i pakhat cu cu holhtheihlo in chimmi leh khawhnak a pek.

Dawtmi u le nau hna hi vialte Bible Cathiang bia nih hin Thaing Thlarau laksawng ah holh theihlo tiin a hman bak lo nain holh theihlo na hei uar ning hi cu thlarau a si vemi Satan hlennak nih an huh tuk cangmi na rak si caah khan a si ko. Na nun tha tein i ceck ve law Thiang Thlarau sawm bu tein keimah bantukin Bible tampi in rak zoh than. Aa fakmi le aa phorhlawmi zongah ka ruat hlah.

Ka nawltu hna hi rak i cawn lehlam u tiah Bawi Khrih min in kan nawl hna. Cun Thiang Thlarau laksawng a dangdang a um rihmi chungin (Lamkaltu 10 : 46) nak biafang le (Lamkaltu 19: 6) nak biafang zong hi amah Thiang Thlarau umpinak thawngin a dang veve tein ka van langhter than te lai. Zeicatiah cun lih hi cu Bawipa caah caan tawite lawng a nungmi a si caah khan a si ko. (Phungthlukbia 12 : 19 . A biathiang aa hrawmmi zumtu nan dihlak cungah Fimchimtu le biatak Phungtu Thiang Thalrau um zungzal ko seh. Biatak cu nan hngalh lai i cu biatak nih cun an luatter hna lai. (Johan 8 : 32).

Thlarau laksawng ciocio ah holh theih maw a tha deuh, holh theihlo cu dah?;- Khrih ah dawtmi u le nau hna sullam a ngei lomi holh theihlo tiin an lehnak Bible lawngte hna na zoh a si ahcun holh theihlo cu sullam zong a ngeimi a si lo caah nan tlau zungzal ko lai.

Cucaah cun sullam a ngeimi holh theih tein an lehmi Bible te hna hi nan rel dingah kan duh piak ve hna. Hi zatzat Bible tamah le holh theih tein lehnak Bible tampi zong um ko na lakah hin mu..Na hngalh dingah;-

1Korin 14 : 2 nak bia hi pumpak thlacamnak ca kha a chim duhmi cu a si ko caah nangmanh hmanh nih a sullam na hngalh ( theih ) lomi holh theihlo in cun maw Pathian sinah cun thlacam cu naa timh ko hnga? Nan ral zong hi tha tuk hlah sehlaw a tha lai! A si kho lo tukmi zong a si hih. Mi lihchimpa Satan thlarau hlennak zong a si. Unau Pathian sin i thla na cam tikah hin na chimmi bia te tal hi cu midang nih a sullam an in hngalh piak khawh lo hmanh ah khan nangmah te tal nih cun na hngalh awk hrimhrim kha a si fawn.

Cu bantukin CEV Bible Version nih cun, “Midang nih an theih (hngalh ) lomi holh in bia na chim a si ahcun cu na chimmi bia cu Pathian nih an theih (hngalh) piak ko lai,” tiah a ti ve. (1Kroin 14 : 2, CEV). (If you speak languages that others don’t know, God will understand what you are saying). Hi bang hna hi zeitluk in dah a sullam aa dawh. Zeitluk in dah a sullam a that. Cu lawng hmanh si loin holh theihlo aa tal lonak Bible hi tam tuk a um. Cucu teh na zoh pah ve aw. Doh le soisel rumro hna ah hin i ruah hlah ca.

Cu fawn lo ah nan hngalh awk a simi cu midang nih an hngalh lomi holh in tiah a ti tikah hin vawlei cung minung vialte nih an hngalh lomi holh kha a chim duhmi a si hrimhrim loh. Pathian kha chawn dingin thlacamnak na ngeih lio ah na pawng ah a ummi nih an hngalh lomi holh na hmanmi tetu kha Bible nih a chimmi cu a si. Thlarau nih laksawng an pekmi holh hna hi midang nih an hngalh lo zongah nanmah nih cun na hngalh awk hrimhrim kha a si.

Zeicatiah cun Thiang Thlarau in a khatmi na si ve caah khan a si. Zultu Johan zong Thlarau in a khat i Thlarau nih a chimhmi bia vialte hna kha a hngalh dih cikcek caah Biathlam ti zongin a tial ve ko. Ka chim duhmi cu Thiang Thlarau laksawng hi nangmah tal nih cun na hngalh awk hrimhrim kha a si.

Khrih ah dawtmi u le nau hna hi ca na rel tik zongah hin Thlarau laksawng ciocio ah holh theih maw a tha deuh, holh theihlo cu dah?’ ti kha nangmah le na comi Thlarau or thlarau he khan rak i ceih ve te ko cang u. Cun na cohlan in na zumh duh lo hmanh ah ka chimmi hi tha tein ruat law, Bawipa nih zeizong vialte hngalhthiamnak an pek lai. (2Timote 2 : 7). Careltu nan dihlak cungah Fimchimtu le biatak Phungtu Thiang Thlarau um ko seh. Credit; Johnly Fambawl

Be the first to comment

Leave a Reply

Your email address will not be published.


*