India Le Myanmar Ramri Hlei Cu CNDF Nih An Uk Cang

India-Myanmar Ramri Hlei Cung ah CNDF Thantar an Tun Khawh Cang
———-
India-Myanmar ramri, Falam peng chung Rihkhawdar khua lei kap i ramri hlei cung ah CNDF thantar cu tlamtling tein an tun khawh cang.

Ahlan ah cun Myanmar ralkap nih 2008 ah an rak fehtermi Kawlram thantar an rak hman.

[Burmese]

အန္ဒိယ-မြန်မာနယ်စပ်၊ ဖလမ်းမြို့နယ် ရိခေါ်ဒါရ်မြို့မှ မီဇိုရမ်ဖက်ကို ဆက်သွယ်ထားသည့် နယ်စပ်တံတားပေါ်က CNDF အလံအားမြင်တွေ့ရစဉ်။

– The Chin Journal

Jacksonville Mitha Pa
———————-
Rev.Robert James Bateman hi Florida peng i Jacksonville khua ah Central Mission an timi cu a dirh i, Tilawng mawng pawl zurimi zohkhenhnak le thlacamnak kha a rak tuah. A riantuannak a that tuk caah amah cu, “Jacksonville Mitha Pa” an ti. England ah Baibalca a cawng i cu hnuah hi riantuannak hi a tuahmi a si. Cu tluk mitha Pa cu 1912, April 15 ni ah ai ruah lo tuk in an i citmi Taitanic Tilawngpi nih hohra tlang a pah sual i, lawng nih a pilpi hna i a thi ve.

Tilawngin a luatmi nih an chimnak ahcun Tilawngpi a pil hlanah pa pahleinga a pumh hna i, kha, kannih cu thi ding in i tim ko usih” tiah a ti hna. Cun, Tilawngpi a pil hlan deuh ah, kan thi dih cang lai tiah a tap ai mi hna cu a pumh hna i thla a cam pi hna. Hi lio ah hla an sakmi cu, “Nangmah naih deuh ka Pa, keimah ka duh” timi hla an sa i, tilawng nih a pilpi hna i an thi.
Khrihfa nun kan timi hi “timhtuahnak” ngei peng a herh. Kan Bawipa Jesuh zong nih timhcia tein um uh, nan i rin lo caan ah khin ka ra ko lai” a ti. (Matt.24:44).

A tu nan nunnak caah bia hal kan duhmi cu, Jesuh ton dingah timhcia tein na um maw? “Hnangamnak” kan timi hi “Timhcianak nih a chuahtermi” theitlai a si. Covid-19 lockdown lai ah chiti, facang, pe le eidin phunphun kan rak i cawk dih cio tikah lengchuak loin inn ah kan i erh zongah kan hna a ngamter. A ruang cu “Timhcia” tein kan um caah a si.
Cu bantukin “Thihnak” zong hi Rev.Robert James Bateman bantuk in “Timhtuahnak” nih raltha tein a ton ngam. Cu nun cu Jesuh zumtu hna tuanbia ah a langter. Pathian nih thluachuahnak in pe ko hna seh.

Rev. Sang Uk Cung
GS, CBA, Kalaymyo.

 

Be the first to comment

Leave a Reply

Your email address will not be published.


*