India Zong Nih Pakistan A Kah Ve Cang

Thawngthar: Khah India Zong Pakistan Ram Bak Ah Missile Bak In A Kah Ve Cang Hna Hih

Pakistan Ram Chung Ah India Nih Missile A Kah Sual Pakistan ramchung ah zen lawng rawn mi Missile kan kah sual, tiah India nih March 11 ah a chim. Hi ti kan kah sual hi kan remh cuahmah lio ah sehthilri ṭhat lo ruang ah a cang sual mi a si, tiah India Defence Ministry nih a thanh. India le Pakistan hi Nuclear ngei veve mi an si pinah Kashmir state an i cuh ruangah Voi 3 an i kap cang i voitam ngai meithal an i puah tonh veve cang.

March 9 ah khan caankel tein kan tuah tawn mi hriamnam zohfelnak le remhnak kan ngeih lio ah, kan palh sual mi a um ruang ah missile kan kah sual. Hi kong hi India cozah nih biapi ngai in hlathlainak zong tuah ding in nawlpek a si cang, tiah India Defence Ministry nih a thanh.

Missile cu Pakistan khualipi Islamabad in Km 500 a hlatnak Mianchyan khuapi kam ah a tla, tiah Pakistan lei nih an chim. Pakistan ralkap in biachimnak nawlngeitu pakhat nih cun, “Missile a rak zuang mi nih India le Pakistan ramchung i Airline tampi hnahnawhnak a pek pin ah mizapi ca ah le Inn ca ah ṭihnung ngai a si,” tiah March 10 ah a chim. Ref: The Chin Post

Relchap: Kayin miphun ralkap KNU Battalion No. 5 hmunram ah a phanmi SAC ralhrang Kha-La-Ya (97) cu KNU nih an kah hna i ralhrang 14 an thih pin ah a nung in 16 an tlaih chap hna. Nizaan March 10 ah Phapon District, Mae Paw Htar hmunram ah kahdohnak a chuah hi a si. SAC ralhrang hmanmi RPG pahnih le Sinper Rifle pakhat telh in meithal 28 an lak. An tlaihmi SAC ralhrang 16 lak ah ralhllrang uniform o hruk loin misawhsawh thil aa hrukmi pawl zong an um len.Hi kahdohnak ah hin KNU in ralkap pali hliamhma an pu ve, tiah Kayin thawngzamhnak nih an langhter. Ref: The Chin Journal

 

Be the first to comment

Leave a Reply

Your email address will not be published.


*