Interim Hakha Township Administration Thawngthanh le Record Department!

Interim Hakha Township Administration Thawngthanh le Record Department!
============
Editor Hmurka; Voikhat cu America ram State pakhat ah, ram hring nelrawn hmuntha taktak ah caw le naa run an tlongleng hna. An ei ding rawl a tam tuk caah an thau ngaingai. Voikhat cu ruah lo piin thlichia a hrang ai. Thlichia cu caw run pawl an tlonnak hnulei in a hrang clammam i caw run cu an hmai lelah un zaam. Thlichia nih a den tik hna ah cheukhat eu an thi, cheu khat cu hliamhma an pu. Naa run belte cu thlichia a hran bak in hmunkhat teah an um i thlichia a hrannak lei tu ah an zaam i thlichia nih a choih kho hna lo.

Kum khat leng a kal cuahmah mi dohthlennak chungah mizapi kan thi a dai hrimhrim lo i, kan lung an rual ti a lang, a ruang cu tu kum kawl titoih puai ah anmah le arsa eiti khat lawng rawl an i hrawm kho. Hi dohthlennak ah naa run bantukin hmunkhat ah kan umti, kan tanti peng ko ah cun hi thlichia pi hi kan pah khawh ko lai. Zeithil kan tuah paoh le kan um sawhsawh ko hmanh ah harnak nih a kan tuk, a kan den zungzal ko lai. Sihmanhschlaw Naa run bantukin kan pah chih peng ding cu kan rian a si.

Decentralization le Confederation; Tonbíaruahnak kan tuah caan ah Decentralization, Confederation, Federation timi biafang pawl hi theih a duh mi tete kan um theu tawn. Hmaisa ah, Decentralization timi hi ka hun fianter chun lal. Kawl holh cun, “soane care:646 ti a si. Laiholh cun “A cunglei nawingeihnak tlawmter deuh tiah let u sih law kan fiang ko lai dah. Phundang cun, nawIngeihnak kha ramkomh cozah (Naypyidaw) lawngte nih tlaih dih si lo in ramkulh cozah (states) pawl sin ah cheuh pek ve ti khi a si ko.

A biapi mi cu, zeitindah nawingeihnak cu an cheuh hna, khua zei ah dah tial a si, timi tu hi a si. Hi kong fianh ding hi a har ngaite. Mi thiamsang hna nih an hrilhfiah mi cu a tam ngai. Sinain, khuaruah ning (idea & theory) lei si lo in a tak ah a kalning (practical) lei tu in cuanh ah a fiang deuh men lai. Cucaah, kan tuanti hawi Dr. Moses C. Tehlo nih tahchunhnak a lak tawn mi hin a fiang ngaingai tiah ka ruah.

Decentralization timi cu nawingeihnak kha Hluttaw chung in cheuh pek a si. Naypyidaw Hluttaw biakhiahnak in States pawl sin ah cheuh-bauh mi nawingeihnak khi a si. Cucaah, hihi cu Cozah an i thlen tik ah maw, lutlai minung an i thlen caan ah maw. zeitik caan paoh ah lak than khawh lengmang mi a si. Tahchunhnak ah. 2010 2015 karlak USDP cozah nih khan Naypyidaw Hluttaw tonnak (meeting) an tuah hnga. Bia an khiah mi cu. “Khah!…zeitin a si zong ah ramkulh cozah (states) pawl nanmah tein. Chief Minister thimnak nawl kan in pek hna”. tiah Hluttaw chung in CM thimnak nawl an kan pek hnga. Nawingeihnak (power) kha states pawl sin ah hun cheuh (decentralized) hna hnga. Cuticun, kanmah tein kum zeimawzat CM thimnak naw! kan hel ngel hnga. Asinain, 2015 kum thimnak ah NLD nih USDP cu a tei caah cozah aa thleng than.

Cutik ah, 2016 kum kan hun phak ah NLD nih Hluttaw tonpumhnak a auh ve than.. “Khah!..USDP cozah chan lio ah States pawl an mah tein CM thimnak nawl an rak pek mi hna hi kan zoh tik ah a tlamtling lo. Kan ram umtu ning he aa tlak lo. Buainak a tam. Cucaah, hihi NLD cozah nih kan hrawh-Naypyidaw lei in CM cu kan thim than lai”, tiah Hluttaw chung in biakhiahnak an hun tuah than ve hnga.

Cutik ah, cu Hluttaw chung in nawIngeihnak (decentralized an tuah mi) an rak kan pek mi te cu cozah aa thlen tik ah Hluttaw chung lila in an lak than (khawh zungzal). Fiang deuh in kan chim ah cun; kan ngakchiat lio khaihriatkual in lente i celh bantuk a si. Khaihriatkual a ngei lo mi kan hawi pa kha kan hlanh ve ii kan i celh hna. Kan i celh cuahmah lio ah a kan tei ruang ah maw, kan duh ning in a um lo ruang ah maw, kan thin a hung. Cu tikah, “Ka khaihriatkual rak ka pe than”, tiah kan hal dih than.

Decentralization cu kha bantuk kha a si. Hluttaw chung in cheuh pek mi nawingeihnak a si caah Cozah an lungtluan caan paoh ah pek khawh, an lungtluan lo caan paoh ah lak than khawhi a si. Cucaah tlangcung mi nih kan chim zungzal mi nawingeihnak (Federal) kan timi cu: Naypyidaw Hluttaw chung in decentralized tuah mi: Naypyidaw lei in rak hrawh plak khawh mi nawingeihnak men kha silo in State Constitution (ramkulh phunghrampi) ah fiang tein tial mi nawingeihnak tu kha a si.

Hi kong hi tulio kan ramkhel thiihran ah a lar ngai mi a si. A cunglei ah kan langhter cang bantuk in a sullam hrilhfiah ding ah a har ngai mi pawl a si ve. Cucaah, kan fian khawh deuhnak ding ah tahchunhnak he kan ram sining hoit (practical) in fianter ka hun i zuam lai.

Confederation tim cụ, “Tình mì thủ ruang ah riantuan ti ding in aa fonh mi (ram) pawl”, tiah let usih law a flang bik men lai. Tahchunhnak ah, European Union khi chawlehthal le ramkhel ruah ah ram 27 fonh in “Confederation” in dirh mi a si. Cun, ram 5 fonh mi Eurasian Economics Union tibantuk, Confederation of ASEAN Journalists tibantuk, Wabanaki Confederacy tibantuk khi an si hna. Cucaah, confederation timi cu a mah ke tein a dir mi ram (sovereign states) pawl kha tinh mi thil pakhat khat ruang ah riantuan ti ding in aa fonh mi an si.

Kawl ram sining hoih in cun ramkomh (union) in chuah ram thar dirb kan ti hnga cu. Phundang cun, ramkomh in chuah ding ah (Independence) khel bantuk kha si ko cang. Khat lei ah, ramkomh in chuah timi hi a har ngaingai mi a si. Vawlei cung ram tampi ah Union in chuah i luatnak a khel mi miphun an tlawm te lo. Bianabia ah, kum saupi a rau cang mi Palestinians le Israel ram kong, Spain ram ah Catalonian miphun hna cawicanghnak, England ram ah Scotland miphun pawl tibantuk tete an um len hna.

Kan pawngkam deuh in cun; 1959 in 1987 hrawng lie Laldenga le MNF an rak cawleanghnak, Phizo le Naga National Council pawl, 2005 lio hrawng Shan pawl, UWSA le AA hna hi Independence a khel mi an (rak) si hna. Nain tutiang ah a ho hmanh an hlawh tling kho (rih) hna lo. A cheu cu an i ngol cang hna. A cheu khat (MNF le UWSA te pawl) nih cun an khel mi theng te an co lo zong ah an ram chung ah donh hlei sang sinak (special status) an hmuh ve hna. Independence taktak hmuh khawhnak ding ah cun ram chung huap zong in sisch, vawlei cung cozah (UN) pizong nh theihpi le cohlan mi si a hau_a har ngai mi a si.

Khat lei ah, mi thiamsang hna nih ramkhel ah cun a si kho lo mi a um lo an ti. Ruah ding cu a um. A tulio mipl uknak (ပြည်သူ့အုပ်ချုပ်ရေး) kan tl mi zong hi miphun ralkap thawng mi kan ngeih ah cun mipi hmang in tlamtling ding a si. Hihi mahte khuakhan lairelnak kan timi a si ko. Cucu. UWSA thok in AA zong nih a hman ve cang ti khawh a si. Kawl ralkap nih an ak kho ti hna loan ram an mah miphun ralkap nih an mipi hmang in (caan karlak) an uk ti khawh an si. Nain, vawlei nih cohlan pi dih mi (Independence) tling taktak hi cu an rau ve rih ko (men) lai. Cucaah, a dik mi federal ramkomh cozah ser than ding tỉ mì làm tuan tu ah hin tlangeung mi tam deuh an (kan) cawlcangh xong hì a si kho men.

Zeiti a si zong ah, Wa le Rakhine nih hi dirhmun an phak khawhnak cu miphun ralkap a thawng mi an ngeih ruang ah a si ko ti cu a fiang. An khel mi thengtheng an va hmuh khawh te lo zong ah donh hlei sang cung ah cun an um cang. A tulio kan ram kal ning cu hriamtlai thazang thawng deuh a ngei mi paoh nih thutdan tha deuh an co ramkomltu miphun si ciocio ko zong ah donh hlei sang ah phak khawhnak a si.

Cucaah, confederation le independence tiang au ngamnak ding ah cun miphun ralkap thazang a herh. Cun, federal ramkomh ser awk tha ti lo ding dirhmun kan phak te zong ah miphun ralkap thawngmi ngeih cu kan herh chinchin ko lai. Zei lam kan zulh te zong ah nikhat khat ah biaruah caan le kan Chinram a hmailei.ca ceih caan a um te brimbrim lai, Cutik ah, Laldenga le MNF te bantuk in ra u law nàn đuh mi kan in pek hoa lai tinh donh hiei sang pek khawhnak lam a si. Cucaah, CNA/CDF/CNDF pawi hna hi thawng chin ko hna seh.

Theih ding: Ramkomh chung ah khua sak bu zong in confederation phungphai in dính mì “phu” cu a um kho ve. Bianabia ah, Confederation of India Industries, tiah India ram chung lila (states or stakeholders pawl) in fonh mi, Confederation of Trade Unions Myanmar tibantuk “phủ” cu an um kho thiamthiam. Cuenah, “confederation” an ti tik ah zeibantuk confederation dah an chim duhmi a si timi hi bia hal ding cu a um zungzal. Zei bantuk Confederation timi an chim hnu lawng ah ri khiah khawh dingmi puantang ramkhel bia a si.

Be the first to comment

Leave a Reply

Your email address will not be published.


*