Jesuh A Chuahnak in A Thihnak Tiang

Jesuh A Chuahnak in A Thihnak Tiang

Vancungmi Gabriel cu Mari an ti mi ngaknu ṭha pakhat sin ah thlah a rak si. Amah nih Mari cu siangpahrang in zung zal uktu a si hnga mi fapa na hrin lai tiah a chim. A fapa Jesuh cu caw inn chung ah a chuak i, cuka ahcun tuukhal hna nih an va zoh. A hnu ah arfi pakhat nih Nichuahlei mi kha cu ngakchia pa sin ahcun a hun hruai hna. Annih cu aho nih dah cu arfi cu a hmuhter hna i, Jesuh cu thah an timhnak chung in zeitindah khamh a rak si tinak kong te hna kan hngalh.

Cu hnu ah, Jesuh cu kum 12 a si lio ah biakinn chung ah saya hna he bia an i ruahnak kong kan hmuh rih. Khi hnu kum 18 ah Jesuh cu tipil a rak ing i, cu hnu ah ṭuan awk in Pathian nih vawlei ah a run thlah hnawhchan mi pennak kong phung chimnak le cawnpiaknak cu a rak tuah. Cu rian i amah bawmh awk ah, Jesuh nih minung 12 a thim hna i lamkaltu ah a ser hna.

Jesuh cu khuaruahharnak tampi zong a rak tuah. Minung thong tampi kha nga hmetete tlawmpal le changreu tlawmpal in a rak dangh hna. Mizaw a damh hna i mithi hmanh a rak thawhter ṭhan hna. A donghnak ah, Jesuh a nunnak hmanung bik ni hna ah a cung ah a tlung mi thil tampi kong le, zeitindah an rak thah tinak kong hna kan hngalh. Jesuh cu kum thum le a cheu chung phung a rak chim, cucaah ṬHEN 6 nak nihcun kum 34 nak tam deuh chung caan a huap.

Be the first to comment

Leave a Reply

Your email address will not be published.


*