Jesuh Hrimhrim nih Cheuhra Cheukhat pek a kan fial!

Jesuh Hrimhrim nih Cheuhra Cheukhat pek a kan fial!
=========
(1) Luke 11:42; “Farasi mi hna, nan caah țihnung a va si dah! Pathian sinah, tihang țamhnak puținan tehna, khamhmuai tehna, anthor tehna le a dangdang kha cheu hra ah cheu khat lengmang nan pek ko, sihmanhsehlaw biading le Pathian dawtnak kha nan thlahdorh. A dang kha thlahdorh hlei loin pei hi hna hi nan tuah awk a si cu”
ဖာရိရှဲတို့၊ သင်တို့သည် အမင်္ဂလာရှိကြ၏။ အကြောင်းမူကား၊ ပင်စိမ်းရွက်၊ လျူရွက်မျိုးမှစ၍ မြက်ပင်အမျိုးမျိုးကို ဆယ်ဘို့ တဘို့လှူကြသည်တွင်၊ တရားသဖြင့်စီရင်ခြင်း၊ ဘုရားသခင်ကိုချစ်ခြင်း အမှုကိုကားလှပ်၍ ထားကြ၏။ အရင်ဆိုသော အရာတို့ကို မလှပ်မထား နောက်ဆိုသော အရာတို့ကို ကျင့်ရမည်။

A cunglei Bible kha tha tein rel law, Jesuh nih cheuhra cheukhat pek a kan fialnak kong na hmuh lai. Mah Bible nih a chim duhmi cu Farasi hna nih cheuhra cheukhat cu Phaisa lawng hmanh siloin tisik an hnah tiang nan pek. Sihmanhsehlaw law Diknak le Pathian dawt kha nan nganh tiah Jesuh nih a chim. Jesuh nih a chimmi cu Cheuhra cheukhat zong nan pek lai cun adang diknak le dawtnak zong nan tuah țhiamțhuam lai tiah a kan cawnpiakmi asi.

(Matt 23:23) zong rel chap kaw na fiang chinchin lai. Mah Bible ah chim duhmi phun hnih aum. 1. Cheuhra cheukhat, 2. Diknak le Dawtnak, Jesuh nih a hmasa chimmi zong nan tuah lai atimi hi Cheuhra cheukhat zong nan pek lai tinak asi. Cun Adang zong kha nan tuah lai atimi hi Diknak le Dawtnak zong nan tuah lai tinak asi.

Jesuh nih cheuhra cheukhat a do lo, pek tu a kan fial deuh. Farasi mi nih an pekmi cheuhra cheukhat kha Jesuh nih a soi lo, cheuhra cheukhat an pek ko nain diknak le dawtnak an tuah lomi tu kha a mawhchiat hna. Cheuhra cheukhat zong pekding asi i, Diknak le Dawtnak zong kha tuah ding asi tiah Jesuh nih a kan cawnpiak mi asi.

(2) MARK 12:17; “Cun Jesuh nih, “A si ahcun, CAESAR ta a simi cu CAESAR cu va pe ko u, PATHIAN ta a simi cu PATHIAN kha va pe ko u,” tiah a ti hna”, Mah lio chan ah hin Israel mi nih Caesar sinah Ngunkhuai an pek. Pek lo a ngah lo.

Israel mi nih an chawva an hmuhmi chungin CHEUHRA ah CHEUKHAT kha ngunkhuai ah pek hrimhrim a hau. Israel mi nih an hmuhmi chawva chungin cheuhra cheukhat (Ngunkhuai) cu an mah ta asi lo, Caesar ta asi. Cuve bantikin Pathian nih Nan cheuhra cheukhat cu KEIMAH ta asi ati ve.(Lev 27:30-34, Mal 3:8-10)

Jesuh Zultu hna nih Caesar hi kan cheuhra cheukhat ngunkhuai hi kan pek awk asi maw tiah Jesuh kha an hal. An hei ruahmi cu Pathian sinah cheuhra cheukhat kan pek ko cang ahcun Caesar sinah kan cheuhra cheukhat ngunkhuai cu pek a herh ti hme maw ti khi asi. Jesuh nih cun Caesar ta kha Caesar pe ko u, cun Pathian Ta asimi cu Pathian kha pe ve ko u ati hna.

Caesar ta atimi kha (ngunkhuai) asi i Pathian ta atimi kha cheuhra cheukhat asi. Nan cheuhra cheukhat Ngunkhuai kha Caesar pe u law, Pathian ta asimi cheuhra cheukhat kha amah Pathian kha pe ve ko uh tiah Jesuh nih a kan cawnpiak. Jesuh nih cheuhra cheukhat pek a kan fial. Credit: Israel R. Thang

Biakinn hi Khrihfabu nih Pathian biak le thangthatnak caah kan sakmi inn a si. Khrihfabu a silo. Khrihfami a buin itonpumhnak hmun a si. Khua kan timi hi inn le lo khi an silo. A chung ummi minung vialte khi kan si.

Khrihfa mi hohmanh um hlah usilaw Biakinn cu inn nganpi sawhsawh khi si ko lai. Khrihfa mi hna bel cu Biakinn a um lo zongah thing tang le lungkua zongah Khrihfa kan si ko lai.

Khuachung inn vialte a kangh dih zongah khua sinak le a min cu a tlau hlei lo. Thantlang khi zoh ko uh. Cucaah chim duhmi cu kan biakinn pawl an kang sual lai tiin khuacung kahdohnak kan kham ahcun nikhat khat ah biakinn lawng dir in Khrihfa sinak vialte a tlau te kho.

Cucu hi ralhrang pawl nih kum 70 leng chung an izuam hnawh pengmi cu a si. Khuachung ah inn zong um ko minung zong him ko i miphun dang holh hman le nunphung caholh vialte zong tlau dih khi tah kan duh lai maw?

Cucaah chim duhmi cu kan biakinn le innlo pawl maw kan ven lai kan Biaknak, Nunphung Caholh le kan ram vialte kan sining piin miphun dang nih dawpdolh dih dah kan ithim lai? (Ral lio a si caah ka ruahnak ah a hung chuakmi a si. Pros and Corn zong cu ruahchih ve thiamthiam ding) Comment ah question tuah khawh a si. Credit: Salai Ngun San Aung

Be the first to comment

Leave a Reply

Your email address will not be published.


*