Ka dawt mi u nau Na caa ka rel i ka lung a tha lo ngai!

Ka dawt mi u nau Na caa ka rel i ka lung a tha lo ngai!
=======
Hi kong ah (CDF rian tuan ning ka lung a si deuh lo kan i palh deuh sual hnga maw ) tiah Upa bia ruahnak ah kan I ruah ti. Kan I thawk ka rian kan i awt ka a si rian kan kal pi thiam lo i kan zuamg sual nak palhnak a tam lianluang ko lai. Than lei kan panh deuhdeuh te ko lai ti zumhnak ka ngei.

Cun CDF le CT kongah hin Caa tial ka duh lo ngaingai nain Congthia hi ka thanliannak a si ve caah ka khua bantuk In ka ruah ve caah tlawmpal te ka ruahnak vun langhter ve ta ka duh ko. CDF le CT kongah hin kan mah Congthia kan palh hmasa ruangah kan cungah palhnak aa chon chin tiin kan I ruah hmasa hi a herh ngai tiah ka ruat. Kan mah kan palh nak hi a remh kho biktu cu kan mah lila hi kan si. Lam cawhnak In kan buai lengmang i biakin kong In kan buai lengmang i hihi Bawipa sinah biatak deuh In kan khua nih thla kan cam a herh ko rua tiah ka ruat.

Zophei kip nih hin Congthia hi thangcho seh ti saduhthah an kan ngeih piak ning hi meeting kan tuah kip ah hin hmuh khawh ngai a si ton. Nain ka dawtmi Congthia khua u le nau hna thluachuah dawn zia thiam loin kan thluahchuah vial te cu buainak ah kan cang ter dih lengmang hi ngaihchia In khua kan ruat ngai a herh I thla kan cam a herh tuk ko rua hla maw ka ti.

CDF hi Congthia mi kan I dawt le rem tein kan um ah cun Kan biakinn tawh an kan Hrenh kanh mi hi ( hrenh hlah u nan rian tuan a dik lo nan palh ) tiah mawhchiat len khi a hau lai lo dakaw a mah on tein innka tawh aa ong ko lai. Kan mah le mah tu I rem tuah u sihlaw I daw hmasa tuah u si law kan I dawt khawh lo nak hi I mawh chiat hmasa ta tuah u si law Pathian hmai zoh In a mah lei ah hmai hawih deuh u sih law a tha deuh phung hnga maw? Ka bia ka luan tuk deuh sual ah cun bawipa min in ka ngai thiam hram u law.

Bawipa thluahchuah Congthia khua ah a tlung dingmi a vun mang mi lianluang khi a tam hringhran ko dakaw. Bawipa hmai zoh in CDF mawhchiat hmasa loin kan Mah kan khua kan Khrifabu tu le kan pumpak cio tu hi imawhchiat hmasa in remnak tu hi i hmai thlak deuh u sih law ruahnak tha fakpi in chuah hi i zuam deuh si law a tha deuh hman hnga dik maw. Ka dawt mi Caa tialtu le khua mi dihlak nan zaten tihzah u pat pek bu tein ruah nak ka lang ter ko. kan luan tuk sualnak um ai kun Bawipa min in ka ngai thiam hram u law. Bawipa daih nak khua mi dihlak sinah tlung hram ko seh.

Conference an tuah lai a si ii propaganda an tial ko hi. CT khua chung Lam kong ah an buainak a sau ngai cang. Cunglei lam kal ter a duh mi le lam thing kal ter a duh mi an um ruang ah Biakinn tiang an hnur sual in ka theih ning a si. HT khua kong hna tiang zei hmanh peh tlaih nak a um lo. Mah ca tial tu pa hi Forh fial tu a ngeih lai. Speak Up tuah seh. A ca tial mi kong ah tuanvo a lak dih a hau lai.

Cattial tu hi Zophei le CDF kong hruaitu nak hmanh in a athei dih tu,or aatel ve mi upa pakhat, chawva lei zong in bochanh bak mi asi lai afiang. Arak si lo sual ahcun mipi hmaiah aho asi ti chuahpi le achimbia tuanvo alak dih ve hau lai.

Alex Tluang nih a tanglei hi a rak tialmi a si. Zophei pawl hi klwarning ka pek ta tuah hna lai. CDF Zophei hi an za bak. Cun a support tu ramleng ummi zong an tongh ngai. Pu Zapeng Sakawng, Pu Zo Tum Hmung, Rev. Ngun Kham, cun a dang tampi an um rih, next ah ka rak tial than te lai.

CNF/A nih kawl uknak thalo an dohmi ah a biapi bik a telmi lak ah a ummi cu Biaknak zalonnak hi a si. Kawlnih kan nunphung le Biaknak an kan dolh hnik an ti i an doh bak. Cucu Chinmi kan lungtling dih. A tu ah ka khua bantuk in ka ruah vemi Cawngthia Baptist Church hi CDF Zophei le Ramleng um Supportting pawl nih an tuah to ning hna hi Vawleicung ah thanh a phumi a si.

2021 ah an Biakinn an hrenh kanh hna i innka cu CDF nih Meithal Ak 47 bak in an cawngh. Kawl ralkap kah lo in aa pummi kah an timh hna. Biakinn kan ngei ne lo tiah, plastic thlam in Biakinn cu an kor. Thli le ruah a khanglo caah canpheo in sak an timh. Cucu CDF Zophei nih cun sa hlah uh, nan sak ahcun hrem nan si lai, mah hnu in nan ngaih hlei lo ahcun kan nih cu thonginn kan nei lo caah Meithal kua nih an dawi hna lai tiah anti hna. Biakinn lo cun a si kho lo tiah ansak. Nan duh si cun nan duh ning poh in kan tuah ko uh an ti i an sak ko. Nan sak hrimhrim anti caah minung 5 zarhkhat cung CDF camp ah an hren hna.

An hruaitu hna hi Chairman ah James Neih Thang(Zephai) le Secretary Tial Bik Lian(Cawngthia). Ram leng Supportting Chairman hi Zaw Bah a si. A cunglei i adviser pawl chim rel ning poh in khua a khang. A hnu deuh ah Committe an min dihlak langhter a si te lai. Hlan deuh ah Hmawngtlang zong tampi an rak namnet hna. A herh ahcun kan chim rih lai. An zia an thinh lo ahcun vawleicung pi theih in tial a si te lai. A herh ningin next time ah ka rak phozar dih te lai.

Be the first to comment

Leave a Reply

Your email address will not be published.


*