Ka lung kuai ko, tiah AH nih biaceihzung biachah an rel dih ah a chim!

Ka lung kuai ko, tiah AH nih biaceihzung biachah an rel dih ah a chim!
===========
Mr Depp le Ms Heard tazacuainak cu Jury nih biachahnak an tuah piak hna i, Mr Depp nih teinak a hmuh. Lih/ lies hi freedom of speech a silo timi an fehter tluk a si. Mr Depp nih a nupi hlun cu, “news ah lih in ka min a rak ka chiatter caah sunghzatlaknak ka ton.

Minchiat in sunghnak a ka phakter man $50 millions a liam a hau” tiah a nupi hlun cu taza a cuai i, a nupi hlun nih tazacuai in ka Min na chiatter man 100 millions na liam chin a herh tiah taza a cuai chin ve. Zarh tampi chung pakhat le pakhat lih an ipuhnak le an diknak an phozar cikcek hnu ah Jury nih bia an chah i, Mr Heard nih Mr Depp min a chiatter man 15 millions na liam lai tiah an ti i, Mr Depp zong tazacuainak in Ms Heard nih a sungh dingmi vialte caah 2 millions na liamh ve lai tiah an ti.

Ms Heard nih Lawyer a hlan man hi 6 millions hrawng a dih ti a si i, a lawyer fee a deih lo. Mr Depp belte cu, Lawyer aa hlan man a free kho tinak a si. Ms Heard nih “Jury biachahnak ah Ka lawm lo”tiah Twitter ah a ttial i, Mr Depp nih “Jury nih ka nunnak/ life an ka pek tthan” tiah a tial ve.

AH nih JD min a chiat (အသရေဖျက်ခဲ့သည်။) tiah Jury nih bia an van chah lio ah biaceihzung i a chuakmi cu AH a si. JD cu England ah a um, tihni kha concert hna a va kai salam. AH tu nih cun ka tei lai tiin zung a chuah hi a rak sideuh, nain an deuh!

Ka lung kuai ko, tiah AH nih biaceihzung biachah an rel dih ah a chim. JD nih statment a chuahmi ah “Jury nih ka nunnak an ka pek than.” a ti ve. Tutan JD nih AH taza a cuainak ahhin sihni (lawyer) ca lawng ah $ 5.million a dih le experts ca i a dihmi hi dollar sing li hrawng a si.

AH cu sihni caah $ 3.million le Experts caah dollar sing hnih hrawng a dih ve. AH cu biaceihtu nih $15.million liam ding in bia a ceih. JD nih $50.million a rak halmi si. Depp nih a co tak ding cu $10.3 million a si la, a taangmi cu zei dangdang caah an zuh. AH hi JD sihni nu nih biaceihzung ah nek ngai in bia a hal tiin a zeimaw an luatternak a si.

Depp nih AH taza a cuaimi cu 2018 kum ah AH nih tadinca i a rak ttialmi kong a si, le mah cabia ah cun Depp min a thlir lo nain tlaihhrem, nu velh, ritsii nih lemmi, a phunphun in a chiatnak a ttial. Cucu Depp a ti hnawhmi a si, le Depp cu Hollywood movies ai thlakmi pawl an dinhter, cu ti cun mi zapi hmuhnak ah mi sual ah ruah a rak si. A duh ve lo caah a rak duhdawt tukmi AH cu zoh lo bak in tazacuai.

AH hi JD he an i duh hlan ah nupi a rak nei, Gay a si. Cu hnu ah va a neih buin pa dangdang he ceihcum a tong. Tehte ah an auh ko hna khah. JD nih biaceihzung ah a rak timi cu, hi tazacuainak ka tei zong tei lo zong ah ka sung ti si. AH hi zeitindah um te la? A thei lomi caah bawmtu si la tiah ka tialmi si.

Tuni hi Depp le AH kong biaceihzung nih biachahnak tuah an thawk la, nain a zarh in an rau kho rih fawn. Mah ah cun Experts (phungphai lei thiammi) hna an khuaruah har ngaimi cu, taza an i cuai chung vialte vawleipi zoh khawh ding in video an thlahmi hi a si.

Minthang tamdeuh nih an duh tawn lo, nain Depp le a sihni hna cu mah ti Video bakin zapi hmuh khawh ding an rak i zuam, AH lei nih an rak duh lo. Video in kan zoh cio tikah mi tampi nih Depp an ttanh. AH hi a hrawkhrol ko la tiah a umtu le biachim in kan ruah ngai hna. Mah ti Fans le ttanhtu mi tamdeuh thawng in biaceihtu biachahnak a hnursuan sual la ti a ruatmi an um phah.

Ka hmuhning ah: J Depp nih AH tazacuaimi hi ka min a hrawh, a chiatter ti a si, tadinca ah AH nih a rak ttialmi pawl le a voikhatnak taza i cuainak khan si. Minchiat ruang tazacuainak cu nunnak tiang le rawhralnak tiang taktak a phakter theng lo tiah an tlukter (teitu um lo in) hna lai ka zumh. An i halmi phaisa hi a tam bak fawn, an ipe kho theng la lo. Cucaah an itluk la. Asinain ka hmuhning ah cun AH hi zumh a tlak lo. AH hi ka hmuhning ah a dam lo. Credit: Hlawnching Bawimang Lian

Be the first to comment

Leave a Reply

Your email address will not be published.


*