Ka Nau Peng aww ruah lo pi na thawng ka theih cu a tuar a har ko e!

Ka Nau Peng aww ruah lo pi na thawng ka theih cu a tuar a har ko e!
=========
Ka Nau Peng aww ruah lo pi na thawng ka theih cu a tuar a har ko e na Uu Thawng ka celh hrim lo e. Nu le Pa Chungkhar nih kan i bo chan tuk mi ka nau Peng mi zia tha te aww. kan zaan mang tal si seh law a tha tuk lai mu.

Na thaww a dih lai hrawng ah khan Vawlei ah na siaherh mi le na lungum bia na tuar a fah zia Unau nu le pa sin ah chim tak na duh tuk ko lai nain mu.

Lungsia herh lo te in le Lungdai te in an daw bik tu BAWIPA sinah vai dim cang ko mu Sian lo ka nau Peng aww na rauthla tal in rak ka leng ve te mu USA kan rak phan ve te tik ah cun na bau te cang lai mu. Sian lo mi ka nau peng mangtha tuk ko law.

Mino tete nih ramtha kan phak tiah hi bantuk ton cu thinlung nih a celh lo e! A liamsia herh tuk lai mu. Kawi peng zei thawng hen kan theih mah cu ruah lo piin. Bawipa nih intuar khawh in pe hrqm ko hna sehlaw. Nan ngeih chiatnak kan in hrawm pi hna.

Mino bochan mi hna nih an kan liam tak cu sian a um hrim lo hna e. Mino te apaam hnga e.Nanngaih chiat nak kancan hrawm hna, Bawipa nih canhnem kohnaseh law. Tantak mi chungkhar nan dih lak nan ngeih siat nak Pathian ni ta hnem ko uh seh law. kan nih zg nan ngeih siat nak kan ta hrawm hawi ve ee.

Vawleicung ngai hi maw kan hmuh bal lo mi kan thei bal lo mi ka thei e ei sian lo zong a ei then si maw na thawng kkan thei cu kan celh lo e sung khar tan tak mi bawi pa ni hnem ko seh maw. Tantak mi chungkhar Bawipa nih in hnem hna seh law, Nan ngeihchiat nak kan in hrawmpi hna ee.

Hakha CDF Ralkap Nunnak A Liam Mi Hna Kong Ah Salai Ngun San Aung Nih Forhfialnak Bia A Chim. Nihin April 25 zanlei sang ah Chuncung khualuhnak gate hngaktu CDF Hakha cu SAC ralkap nih an kah hna caah CDF Hakha in Salai Cung Nung le Salai Lian Sang Bik an nunnak a liam.

Cu thihlohnak kong he pehtlai in CDF Hakha Chim phuannak nawlngeitu Salai Ngun San Aung nih, “Ram le miphun ca ah nunnak an pek mi cu kan upat tuk hna, cheukhat mino cu zudinnak ah an thi hna sihmanhsehlaw, annih cu ram le miphun ca ah an nunnak nan pek i a sunglawi bik mi dawtnak ngan bik a si,” tiah The Chin Post ah a chim.

“Mizapi hna, mino tete nih ram le miphun ca ah an nunnak an pek cuahmah lio ah nang le kei zeidah kan tuah? Nikhat ah sml 5 chung rian kan ṭuan ahcun nunnak a petu ralkap hna an rian taang mi hi cu nak tam deuh in kan ṭuan ding a si,” tiah a mino hna sin i forhfialnak bia zong chim chap.

“Salai Cung Nung le Salai Lian Sang Bik tantak mi chungkhar hna, nan ngaih a chia tuk hringhran ko lai, asinain i lawm ko u nan fale hi zudin sa-ei ruangah a thi mi an si lo, ram le miphun ca ah biakamnak a tuah i an nunnak tiang a petu an si,” tiah The Chin Post in mithi hna chungkhar sinah hnemhnak bia le upatpeknak bia tlawmpal zong ah a chim.

Chinland Defense Force-Hakha i kan ralkap asi mi hna Salai Solomon Biak Cung Nung (kum 21) le Salai Lian Sang Bik (kum 20) hna nih 2022 April thla ni 25 ah hmaikal in ralhrang an dohnak hmun ah ram le miphun caah nunnak an pek.

Kan ralkap hna nih ram le miphun caah nunnak thap in an i pekchanhnak cu Chinland Defense Force-Hakha nih a sangbik upatnak kan pek hna. Tantak mi chungkhar hna sinah Chinland Defense Force-Hakha nih ngaihchiatnak kan in hrawm pi hna.

CDF-Hakha Ralkap “Salai Biak Cung Nung” le “Salai Lian Sang Bik” an Nunnak a Liam. Nihin April 25 zaanlei sml. 3:30 hrawng ah SAC ralhrang nih Chuncung khualuhnak CDF-Hakha Gate hngaktu ralkap pawl an kah hna caah Salai Biak Cung Nung le Salai Lian Sang Bik an nunnak a liam, tiah thawng kan theih.

Hakha in Chunchung khua vun luhnak Gate ah SAC ralhrang nih a thlithup in an pel hna i an kah hna, tiah khuami pakhat nih a chim. “Tu zing zong Chuncung in Hakha lei ah a kalmi khuami an um ko nain ralkap an hmu hna lo. Ramlak in an pel hna i an kah hna caah a si lai,” tiah a chim.

Hakha khuami pakhat nih, “Atu zong hi Hakha Rungtlang in ralkap nih bomb an kah thluahmah ko. Voi 5 hrawng cu puah thawng kan theih cang,” tiah a chim.

Council ralhrang nih CDF hngah mi Gate an kah, CDF ralkap pahnih nunnak a liam. 2022 April 25 suimilaam 12:00PM tluk ah Chuncung le Hakha kar i a ummi CDF Gate cu SAC ralhrang nih a thli in an pel hna hnuah an kah i rammi veengtu CDF ralkap pahnih Salai Cung Nung le Salai Lian Sang Bik hna cu an nunnak a liam tiah thawng kan theih.

Chuncung le Hakha kar CDF gate a hngak mi hna hi minung pathum an si i pakhat cu a zaam manh tiah theih a si.
Khuami pakhat nih, “Zahan khua a muih lai te ahkhan Council ralhrang hna cu Sodom Gate ah motor in an chiah hna. Mah hnu in khoika an kal, an panh ti thawng kan thei kho lo.

Anih ram tang in an kan pel ziar i atu bantuk kan ton hi a si. Gate a hngak mi hi pathum an si i pakhat cu a zaam manh. Meithal tlawmpal a puak hnu zong ah kan naule cu phone zong in kan i chawn kho ko. Kan him ko an ti ko nain ruah lo taktak in an ruak in kan hmuh hna,” tiah THP ah a chim. Nunnak a liam mi CDF ralkap pahnih hna hi zaanlei sang ah an ruak cu an laak khawh cang tiah kan theih. Credit: The Chin Journal, The Hakha Post, The Chin Post

Be the first to comment

Leave a Reply

Your email address will not be published.


*