Kalaymyo Khuapi chungah ralhrang ralbawi telh in ralhrang pawl thah an tong!

Kalaymyo Ah SAC Ralkap Bomb Puahhnawh An Tong, Ralbawi Telh In 3 An Thi!
========
Kalaymyo thlanglei Kalay Technology University gate hngakmi SAC ralkap hna cu October 31, zinglei ah PDF Kalay nih bomb puahhnawh in an doh hna tiah theih a si. October 31, zinglei suimilam 10:00 hrawng ah TU pawng ah PDF Kalay nih bomb an hmanh ti thawng an theih caah bomb thianhhlimh ding an tuah lio ah puahhnawh an ton hi a si.

“Bomb aa tlaihmi SAC ralkap pa cu a takpum zong ai cheu dih, cun a hnu ah a dir mi pa cu a tai in a tan” tiah PDF Kalay in bomb tlaitu phu chungtel pakhat nih a chim. Bomb puahhnawh tongtu SAC ralkap pakhat cu a takpum hmunkip ah an i sarh dih, pakhat cu a tai in a tan i a dang pakhat cu a hliamhma a fah tuk ruang ah a thi, cu hna lak ah cun ralkap pakhat ai tel tiah theih a si.

Tutan kahdohnak hi PDF Kalay nih “ Yatu Project” min bunh in tuahmi a si i, October 10 lio ah Kalaymyo, Naykyatait hmai ah SAC ralkap kut in faktuk in a nunnak liam mi PDF Kalay battalion 6 in ralkap Lal Biak Tluang le ralkap Lal Chan Him hna 2 caah lehrulh kan cham a si tiah theih a si.

Hakha Peng Ah CDF Nih Thingkep Par Ṭawh Le Cawk Zuar An Khap! Chin ramkulh, Hakha peng ah CDF nih thingkep par ṭawh, cawk zuar an khap, tiah theih a si. Hakha peng mi pakhat nih, “Tukum in CDF nih thingkep par ṭawh le cawk zuar an khap cang. Nikum ah cun an rak khap rih lo nain tukum lawng in an khap hi a si. Atu bantukin a man a ṭhami thingkep par phuntling paohpaoh ṭawh le cawk zuar an khapmi hi a ṭha tuk,” tiah The Chin Post ah a chim.

Tualchung mi pakhat nih, “Thingkep par(Nilung) kan rak kawlnak hi a luancia kum 30 lio in kan rak kawl cang. Cu lioah cuaikhat ah 100 hrawng lawng a rak si. Thingkep par, nilung cu September thla dongh in December thla tiang hi kawl tawn a si,” tiah a chim.

Nikum tiang ah khan thingkep par nilung cuaikhat ah kyats 80,000 leng a rak phan. Thingkung kai a ṭhawng mi ca ah cun nikhat ah cuai 3 hna an hmu. Atu bantukin CDF nih thingkep par ṭawh an khap hi a ṭha tukmi a si ko nain khattelei ah kanmah bantuk harsa mi ca ah cun a har tuk hringhran.

Thingkep par ka kawlmi nih hin chungkhar ca ah eidin facang le kan fale ca ah X’mas lai hruk-aih thilri kan cawkpiak tawn hna. Asinain atu cu thingkep par ṭawh le cawk zuar khap a si tikah kan nih bantuk ṭuanchom eichom in a nungmi kan ca ah cun kan van a sang tuk, tiah thingkep par a kawl tawntu pakhat nih The Chin Post ah a chim.

Khamh bak ding Ngata fuan ruh le Thing kep par lak zuar cu. Thing kep par an lak nak ah tu hmawng thing kung an thiam dih cik cek cang. Khamh ding asi ko an har lai na in adang tu i awt awk si min dat lei an cin mi kha cin zuam ve ko cang uh Senthang lei zawng khamh ve hna seh law Mindat le an cin mi kha paisa tam tuk an ngah ve tiah an chim.

Khamh bak ding Ngata fuan ruh le Thing kep par lak zuar cu. Thing kep par an lak nak ah tu hmawng thing kung an thiam dih cik cek cang. CDF Pasal ṯha Nusal ṯha hna hi Ram Daw tu tak tak nan si. Lai ram a dawh ter tu, DingDi pangpar ṯawh nan khawp mi cu uar nan um tuk.

Thing hau lo te in toh khoh ah cun asi ve ngai. Sen thang peng. Bawipa tlang thluan ti ban tuk he naih niam aum mi ca ah atha tuk ei zalh nak ah. Ka dang hi cu aum zong aum tuk rua lo kan hruai tu le. Nawl cu zulh zuam kou sih. CNF i Ral ring uh Hakha peng CDF nih an rak uk cang hna Lai.

Yetarshi Peng Ah Sianglairun Sianginn Pakhat Min Hngalh Lomi Phu Nih An Khangh. Pago ramṭhen, Yetarshi peng Takhuaigye(တခွဲကျဲ) khua sianglairun sianginn pakhat a kaang, tiah theih a si. Nizan October 28 zan sml 7:00 hrawngah sianglairun sianginn pakhat cu min hngalh lomi phu khat nih mei in an rak khangh, tiah tualchung mi hna nih an chim.

“October 28 zan ah sianginn cu mei in an khangh. Mizei phu nih dah an khangh ti cu kan hngal kho rih lo. Sianginn hmai ah khuami inn a um ko nain an kaang hraw lo, siangin lawng a kaang,” tiah tualchung mi pakhat nih a chim. Mei kangh ruangah E muisam in sakmi a sau pe 70 le a kauh pe 24 tlakrawh sianginn cu a ciam dih ko, tiah theih a si.

Kwelonetaing (ကွီလုံတိုင်) Sakhan Laak Kahdohnak Ah SAC Ralkap Le BGF 8 An Thi, Meithal Zun 43 Kan Lak Tiah Red Dragon Column Nih An Thanh. KNU Brigade 6 hmunran um Gyia Ing Seihgyi(အင်းဆိပ်ကြီး) peng Kwelonetaing sakhan laak kahdohnak ah SAC ralkap 15 le BGF 17 an dihlak 32 cu a sung an pek(surrender) caah meithal zun 43 kan lak, tiah Red Gragon Column nih cathanh an chuah.

KNLA Battalion 17 le 27, Federal Win, SOF le PDF ṭangṭi phu hna nih a luancia October 22 ah khan Kwelonetaing sakhan cu an rak kah i October 26 ah tlamtling tein an lak khawh. Cu kahdohnak ah SAC ralkap 4 le BGF 4 an thi, tiah theih a si.

Cu kahdohnak a daih in SAC ralkap vanlawng nih sakhan pawngkam um khuate ah hriamnan in a kah ko nain khuami a thimi le aa hliammi an um lo. Kanmah lei zong in a thimi le aa hliammi kan um lo, tiah an langhter.

Korea Khualipi Seoul Ah Halloween Sunlawihnak Tuah Mi, Mibuupi Lakah Dohnak A Chuah I Minung 100 Hrawng Hliam An Tuar, A Thi Mi An Tam! Korea ram, Seoul khualipi ah Halloween sunlawihnak an tuah cuahmah lio ah mibuupi cu lam a fate pakhat ah an mah le mah i en-nam nak a chuah hnu ah minung 50 hrawng cu an hnalung a dir caah thinphang tuk a si nak kong le an nunnak ca zong ah thinphang a si nak kong cun, tualchung thawngzamh nih a tial.

Tuanvo ngeitu hna nih an chim ning ahcun minung dozens in an hnalung a dir caah thlopbul cuahmah lio an si, tiah an chim. National Fire Agency in tuanvo ngeitu Choi Cheon-sik nih Itaewon lam, Saturday zaan ah mi an tam tuk ruangah an mah le amh an i en-nam ruangah minung 100 hrawng nih hliam an tuar nak kong le,

Sunday zaan tuan deuh tiangah minung 50 hrawng cu an hnalung a dir ruangah thlopbul an si nak kong, a chim. A hnu bik thawngpang kan theih mi ahcun a hnalung a dir mi minung 50 hna cu an nunnak a liam tiah theih a si i, Minung tettawt ruangah thawchuah harnak ruangah minung 50 leng cu an tubantuk in an nunnak a liam hi a si.

Yetarshi Peng Ah Sianglairun Sianginn Pakhat Min Hngalh Lomi Phu Nih An Khangh, Pago ramṭhen, Yetarshi peng Takhuaigye(တခွဲကျဲ) khua sianglairun sianginn pakhat a kaang, tiah theih a si.

Nizan October 28 zan sml 7:00 hrawngah sianglairun sianginn pakhat cu min hngalh lomi phu khat nih mei in an rak khangh, tiah tualchung mi hna nih an chim. “October 28 zan ah sianginn cu mei in an khangh. Mizei phu nih dah an khangh ti cu kan hngal kho rih lo.

Sianginn hmai ah khuami inn a um ko nain an kaang hraw lo, siangin lawng a kaang,” tiah tualchung mi pakhat nih a chim. Mei kangh ruangah E muisam in sakmi a sau pe 70 le a kauh pe 24 tlakrawh sianginn cu a ciam dih ko, tiah theih a si.

Kwelonetaing(ကွီလုံတိုင်) Sakhan Laak Kahdohnak Ah SAC Ralkap Le BGF 8 An Thi, Meithal Zun 43 Kan Lak Tiah Red Dragon Column Nih An Thanh, KNU Brigade 6 hmunran um Gyia Ing Seihgyi(အင်းဆိပ်ကြီး) peng Kwelonetaing sakhan laak kahdohnak ah SAC ralkap 15 le BGF 17 an dihlak 32 cu a sung an pek(surrender) caah meithal zun 43 kan lak, tiah Red Gragon Column nih cathanh an chuah.

KNLA Battalion 17 le 27, Federal Win, SOF le PDF ṭangṭi phu hna nih a luancia October 22 ah khan Kwelonetaing sakhan cu an rak kah i October 26 ah tlamtling tein an lak khawh. Cu kahdohnak ah SAC ralkap 4 le BGF 4 an thi, tiah theih a si.

Cu kahdohnak a daih in SAC ralkap vanlawng nih sakhan pawngkam um khuate ah hriamnan in a kah ko nain khuami a thimi le aa hliammi an um lo. Kanmah lei zong in a thimi le aa hliammi kan um lo, tiah an langhter.

Be the first to comment

Leave a Reply

Your email address will not be published.


*