Kalaymyo, Taungta Sang, Golf Course Lampi Ah Miruak Pakhat- A Lu, A Takpum Le A Ke Zong Aa Thenthek Dih Mi.

Kalaymyo, Taungta sang, Golf course lampi ah miruak pakhat- a lu, a takpum le a ke zong aa ṭhenthek dih mi cu nihin february 20, zinglei ah hmuh a si. Mithi ruak hi Kalaymyo, Taungta sangchung mi, amin- Ting Zaw timi pa a si i, SAC ralhrang lei mining a si, tiah a ruak hmutu nih cun an chim. Miruak hi a langh ning ahcun thah mi tengteng a si a fiang ko nain aho nih dah a/an thah thawng fiang theih khawh a si rih lo. Miruak fimtawl ding in hin SAC ralkap lei maw PDF lei zong an ra rih lo, tiah hi thawng kan hlat tiang ah cun theih a si.

Atulio cu Myanmar ram chung ah phungphai(law) kalpi khawh a si lo caah hi bantuk mi tampi cu ui le ar thih an nunnak an liam cuahmah. Taungta sang i mithi ruak an hmuh mi hi SAC ralhrang lei mi a si nain PDF minchiatter duh ah anmah SAC ralhrang lei nih an tuah hramhram mi a si kho. SAC ralhrang nih mi chokvai an hmuh mi hna cu midang theih lo in an tlaih hna i, an thah hna tikah PDF thah mi bantuk in an langhter tawn,” tiah min langhter lo siangcachim pakhat nih cun a chim. (Hmanthlak zoh na duh ahcun mit lem “see photo” timi umnak te hi hmet). Ref – TCP

Laknak: Laiholh TlangAu Cabia

Relchap: Kawl Ramchungah kahdohnak cu nikhat hnu nikhat in a zual deuh caah mipi zaangfak ngai kan si. Rian an tuan ngam lo pinah eidin an har deuhdeuh cang. raltuknak le aa thawk ka a si fawn, lungrawk ngai a si ko cang. Kachinram ah kahdohnak a chuak lengmang cang i hmunkip ah kahdohnak cu a zual lei a panh.

Sagaing ramthen zongah kahdohnak aa peh peng i, a hmun kip tiawk ah kahdohnak a zual ko cang. Mandalay ramthen zongah kahdohnak a chuak pah lengmang. Nihin Oct 15 lawng ah Chinram chung hmunhnih ah kahdohnak a chuak i mipi thinphang le harnak kan ton cuahmah cang.

Ramchung raltuknak hi a fak lai tiah NUG zong nih an thanh i cu hlannak fak deuh le thawngdeuh in kan kalpi cuahmah lai tiah thawng zong an thanh cang. SAC ralhrang nih a hmun kip ah an kan fuh i kahdohnak cu a zual cuahmah ko cang. Mipi kan tuar tuk mi hi thinlung a nuam lo ngaingai ko. Kalay peng ah chinmi inn tampi ankhangh piak hna, Gangaw pengah chinmi inn an khangh piak tuk hoi hna, falam peng le Thantlang khuapi, Hakha khuapi ah SAC ralhrang nih kan inn lo an kan khangh piak tuk cang.

Chinmi hi a hlei khun  in kan tuar ko rua. Mah raldohnak hi a donghnak si cang seh tiah kanpa le nih an chim peng i kan tei hna hlan lo a kal cang ding raltuknak a si caah mipi zong kan thinlung le kan ruahnak kan tthawn ter a herh ko. Teinak cu Bawipa ta a si, Chinmi nih kan duhmi hi nikhatkhat cu a tling hrimhrim lai caah kan lung dong hlah seh..By Pahmung mh.

Laknak: Chin Eleven News

 

Be the first to comment

Leave a Reply

Your email address will not be published.


*