Kan Chin Unau Pawl, Kan kut cung in rawl thawthaw le meh thawthaw kan in barh hna lio ah!

Kan Chin Unau Pawl, Kan kut cung in rawl thawthaw le meh thawthaw kan in barh hna lio ah!
========
Kan Chin Unau pawl, Myanmar ram buai ruang i Mizoram ah ai dormi hna le Myanmar ramchung i a ummi hna, Nan u le nau Mizoram i ummi hna nih dawtnak in kan rak in cohlan hna lio hin nunzia le umtu thiam deuh ulaw kan duh. Kan covo le kan rawlbel kan in hrawmh hna, ei le din ding an har lai ti phang in kan in vehvat hna.

Kan kut cung in rawl thawthaw le meh thawthaw kan in barh hna lio ah nannih nih RITHAISI nan kan barh lehlam! DAWTNAK in remh khawh kan in zuam hna lio ah ZERTIAN in kan hnulei in kan kehleng nan phelh. DAWTU caah cun a fak hringhran ko! A taktak ngaingai ah cun, Kan Nu Kan pa le lungthin ah a thi kho ti lomi hliamhma, chanthar hna nih philh hramhram ding in an keng ah kan bengh depdep hna ruang i daiziar in a ummi hna inntuarnak kha chim lo awk a ṭha ti lo hih. Rak theithiam hram ulaw, Lungfimnak tu ah hmang hna usih.

Mizoram buai lio, kum 1966 hrawng i kan nu kan pa le nan ram i an rak zam lio khan hnu nan rak chit tak hna i, ngaihchia lungfak le thinphang in an rak zam takmi India Ralkap hna lei ah nan rak kirtir ṭhan hna kha mu. An kir ṭhan ruang i harnak tampi le nunnak tiang liam a sinak cu chim hau lo va si cang seh. Hi thil hi ngaihchia ngaingai a si. Hacang i rial buin an kan chimh depmap tawn i, nain…atu chanthar hna nih, “Nan rak mawh lo, kan in theihthiam tuk hna” ti in kan u le nau atu nan sican theithiamter hna kan i zuam tungmang ve.

Hi tluk hin kan in domhtlaih hna lio ah awlok nan kan chon hnawh, rithaisi nan kan barh, nan kan zuarh, phungning lo in awlzang tein India rammi sinak covo can ve nan hei i tim. Hna i cheh in kan mit kan i chim hramhram bu in nan taw nan kan hlim hnawh…..Za rengruang cang seh mu…Kan i thangchiatnak le lungthiang lo bu in i holh chuahnak hmurka a si lo hi mu..U le nau hna, kan lungfim tuah seh. Credit: L.Z. Ringlawt Lai

Mizoram Laimi kan Unau hna cungah lawmh a um tuk phungbuar ti mi ah hin phuntampi a um nain pawngkam hnahnawh nak chuahpi le mino minung sining a hrawkhral bik tu thlitha lo pawl hi ngaihthiam awk a tha bak lo mi an si. ii thah ii nawn nak te hna hi pawngkam ah hnahnawk in um ruang deuh ah huatnak in a chuak bik mino a hrawk hral kho bik thil tha lo ah Zu le rithai sii an si fawn cu caah. Dingte le felte in biaceihnak ah chuahpi hna uh law Mizoram phung ning te in thiar cikcin he hreng ko hna uh cucu vawlei cung phung asi ko.

Nan Kan dawt le domhtlaihmi cungah Kan I lawm tuk hringhran ee,nanmah um hlah uhlaw zei khi dik kan va lawh hnga!.
Ritthaisii le thil thalo a zuarthlai tu cu, kanram a buai hlan hrimhrim in an rak um len ko cang hna lai!(a tu hi an karh chin lai). Cucaah cun CNF/A,CDFs le nanmah he I bawm in fak deuh tuin hma hun kan lak piak hram ko uhlaw!

Na lung that lonak cu rel a nuam lo ngai… zei ti tha. Lungsau le thinfual tein ralzam hna cu rak kan theihthiam piak rih ko u law ti hlei chim ding dang na nei lo, nan mawh hrim hrim lo.

Thawng tampi karah cun a sual mi zong hi um phung cu a si ko, Ralzam kan unau hna a fel tuk mi, a phuhrung ngaii khua a sa mi, mi dang kan nek sual lai i an thin hna kan hung ter sual lai ti a phang ngai mi hna zong an tampi. Cu ruangah cun a sual mi pawl, a ding lo mi pawl hi cu CNA/CDF he trang tri in dantat nak pek lengmang ding a si ko.

Nan mawh lo. Minung lungthin hi ai khat kho lo. Caanthai laak riangmang in thil tha lo tampi atuahtu an tampi lai. Upa lei zong kan ning azak ve. Iphuhrung viar in kan um hna. Lawngtlaiah aphanmi pawl zong i tonhnihkhat ah ka chim peng ve. Lungfiim na kan chimh le atha tuk. Chimhhrin cawnpiak kan hau fam. Naca tialmi ka rel le ka lung atha lo ngai. Nanhmai kan khap bak hna lo. Kaning azak tuk. Nga athu mi pakhat nih lawngchung dihlak athutpi ti kan si ko fam. Dawtnakin na kan chimhrin mi cungah lunglawmhnsk bia ka chim.

A poituk Ning hicu mu nan mawh tunglo ti a herh nak cun ti thluamah ding kan si.Kan hmaikauh Ning le zah Kan theih lo ning cu bantuk cu biatak tein i chimhhrin nak ngeih a hau sining tein ti hna ding phung ning tein tlaih i thong thlak hna ding an si ko. A dik bak ko lai Na chimmi hi. Laimi cu Kawl nih an kan hrawh tuk cang i kan lungput a tha bak ti lo. Thil sining ka thei lo nain na chimmi hi ka zumh colh ko.

Mi zapi lungput, nain chim ah le chim awk tha lo mi bia, “si theu te lai” an rak ti cia mi. Nain kan unau an si caah kan kaa kan i phih dih cio hna. Mi cheu a tha mi an um lio a mi thalo hna nih ralzam dirhmun i a dir lio mi min tiang a chiatter dih. Pawi kho tak tak, kan nu kan pa le kan mino rual lungchung um mi, fiangfai te in na vun tial hi a lawm awm bak ko a hman bak.

Vawleicungah refugee zeitin an zohkhenh cio hna timi kha zoh deuh rel deuh kho law kan duhpiak ngai. Cun, MNF tuanbia le nanmah lei zong zeitindah kan in bawmh le kan in dirpi ve hna timi kha history rel deuh ve law kan duhpiak fawn. Cun, rithaisii drug nan timi hi mizei nih dah an phurh i 2021-military-coup hlan ah teh zeitindah a rak um timi zong a chungril taktak thei deuh law kan duhpiak ngaingai. Bia hi mah ttanghma leikap lawng tuak in fawi/fak tuk in chimrel ding si lem lo.

Hmuhning; Hriamnam tluk in biafang hi sullam a ngei. Kum 2021 Nohawng hramthawk ah Kawl ralhraang lubik Min Aung Hlaing fialnak in cozah tlai lio NLD hruaitu hna a tlaih hna thongah a khumh hna, zapi covo chuh a timh, nawlngeihnak lak a timh caah Myanmar ramchung ramkulh le ramthen ah sualnak ngeilo thisen le sualnak ngei Kawl ralhraang thisen a luan lawng siloin in inn le lo satil arva hna nih an tuar, tarnu tarpa, ngakchuan semmawng hna nih inn lo chuahtak in, thingram tang ah le innpa ram, India ram le Mizoram, Central Lairam ah i dor a si.

Zapi zalam zawhnak ah Kawl ralhraang le palek nih lamzawhmi meithal in an kah hna hnuah, “Rallokap’ timi biafang a chuak i, hla tiang zongah ‘Rallokap’ timi an saknak a um. Myanmar ram, ramkulh le ramthen a dai kho lo, Kawl ralhraang nih an uk penmi khua le peng ngaingai a um lo, kumpi kumhnih tlin lai tiang zongah, anmah cangai khorhnak te ah nawl an ngei cucaah ‘Nawlngeihnak Latu’ ti hi an phu lo ngai ko.

“Nawlngeihnak Lak An Timh’ biatu a si hnga lo maw? Tlangvaal pakhat nih nupi a thit lai ahcun, khualtlun ni ah vok sumh 5 thah ding tiah timhcia in a chiah a hau, thitumh ni ah a dir ah caw/na, arsa ah vokthau sumhruk, khuami 200 le khual 50 ei ding ah facang tun cuzat ti le herhhai dangdang a zalh dih ahcun, thitumh ni ah zeihmanh chambaunak a um hnga lo, asinain minung a chuak chom zoh in satil that hna sehlaw, ei lai lawngah a chuakmi hna an um lai caah an bu le an sa an hminh manh hnga lo pei tiah.

Nihin ah Kawl ralhraang nih ‘Nawlngeihnak cu a la kho taktak lo, ramchung a uk kho taktak lo ti usilaw kan palh hnga maw? ” Nawlngeihnak a lak’ ahcun ramkulh pakhat tel a uk khawh ding a si hnga lo maw? ramkulh pakhat te zong a uk tung lo ahcun nawlngeihnak latu ti a phu hnga maw? Laktimh le Myanmar ram uk le hruai a timtu, Nawlngeihnak laktim tu ti an phu deuh ko rua .Salai K. Robert Biakcin

Be the first to comment

Leave a Reply

Your email address will not be published.


*