Kan Fa Nu Kan Unau Lal Din Tluang China A Kal Nak In A Tu Tiang Kum 2 Si Cang Nain A Mui Hmuh Khawh Si Ti Lo Caah.

Kan fa Nu kan Unau Lal Din Tluang Chaina a kal nak in a tu tiang Kum 2 si cang nain a mui hmuh khawh si ti lo a Umnak kan theih lo caah a Umnak thei mi nih phone number 09258646737 mah ka hin kan cawn te uh law zangfah kan in Nawl hna.

By : Pa Hlu

An Tial mi hi falam holh si caah leh har pah caah ka van chiah than la

Relchap:China ram i rian a tuan mi kawlram minung thonghra hrawng cu kawlram chung ah luh ter an si thluamah cang i nikhat ah minung 200 tluk tete in luhter an si dih lai tiah theih a si .An luh nak hmun cu Kachin le China ramri Lwegel in a si i April 16 zinglei nazi 7 in zanlei nazi 2 Pm tiang nikhat ah minung 200 peng in an lut cang hna lai i , an zapi tein ramri ah ngandam nak lei tha tein check ta dih hnu ah kawlram chung ah luhter an si lai .

Ramri ah an ngandam nak lei zohfel an si tik ah a dam lo mi le a zawfak mi pakhat khat an um sual ah cun an mah um nak khua ah phak ter hmasa lo in direct in sizung pi ah kal ter colh an si lai . Ramri ah ngandam nak an check hna tik ah zeihmanh zawt fah nak a ngei lo mi zong an mah le khua cio an phak tik ah an chungkhar le mipi sin ah um colh lo in a dang tein ni 14 chung chiah cio an si lai .

China ah Myanmar mi riantuan tu hi minung 10000 hrawng an si tik ah kawlram chung ah an luhter hna ning hi nikhat ah minung 200 lawng an luh ter hna tik ah sau tuk an rau lai i a buaithlak ngai ding zong a si . cu lawng si lo in vawlei pumpi zawtnak a pe tu le thih nak tiang a chuahpi tu coronavirus a chuahter tu China ram ah rian a tuan mi hna kawlram mi zong hi a tu bantuk boruak lio ah an mah ram a si ko nain , kawlram ah an rak luh ter mi hna hi kawlram mipi caah thinphang taktak a si fawn . i ralrin tuk ko bu ah minung 10000 lak ah cun minung pakhat hnih hmang zongin zawtnak hi kawlram state kip le khuakip ah an luh pi khawh mi a si caah kawlram mipi caah cun thinphang ngai zong a si fawn .

 

Be the first to comment

Leave a Reply

Your email address will not be published.


*