Kan i uangtuk mi kan Fa BawiBawi kha, Ram caah Nunthap in akal ve ti theih cu kan i lunghmuih!

Kan i uangtuk mi kan Fa BawiBawi kha, Ram caah Nunthap in akal ve ti theih cu kan i lunghmuih!
=========
Kan i uangtuk mi kan (Fa/Nau/Ta) BawiBawi kha, Ram caah Nunthap in akal ve ti theih cu kan i lunghmuih pi tuk ko e, miraltha asi, pasaltha asi, tiin mihmai ah akan chim ngam ter tu kan Arfi si. Ziahhme? Zan ah achuakpeng mi Arfi achuakthan ne tilo.

Kan nih kan Arfi hi khuikaa aathuh hnga? Ziahmeh? Tuzan Arfi ah kan Arfi aatel hnga lo, Zei bantuk Arfi dah an chuak ne, ka fa. Na hlan i atlau cang mi Arfi hna zg kha mu, lungfak celhlo tiangin kan rak uaipi hna i kan rak siangve tung hna lo. Hawi zong nih an tuarcio bang, kan tuar afak mu.

NiNi IangKu tiah awwthlum in, awnem in auhtu ka fa, kaa lungsak kho hrim lo, na nau le na nu le pa he ii tonte lai khi kaa nawlkho lo. kan ramthat te hmanh ah chungkhar Unau kan ii nuam kho hlei lailo ka fa. Kan ram caah nunpek tiang in naa thim mi lam hi, na palh lo, aphuko tin kan theih ko bu ah,na ruak pong hmanh ah kn thu kho lo lungsak ahar, lungdam ahar, mitthli hul ahar e Bawi.

Lungsiaher buten ,leidai lei na kal ding cu kan celh ve hrim lo e Bawi. Kan caah June 5,2022 kum le can cu mu, Miphun caah, Miraltha na si nk le Tuanbia dawh na tial ni siko nan e, Na chungkhat Cingla ca cun kan chanchung phil um tilo ding Tuanbia na tial ni si mu ka faa kan in Upat tuk ko e.

Ka fa Bawi, kan dawt tuk na theih ko lo maw? Ziah mah tluk lung fak in na ka um ter, ka fa ka bia ka khat hman el siang lo mi ka dawt, ka tuar kho lo ee. Bawi Bawi na chungkhar dihlak nih zeitin hme an rak tuar lai, kan celh cio lo ee.

Ruah ah hin ruah khawh lo mi zumh khawh lo mi thawngpang nih an kan phak hi cu ruah har zumh har ko mu kan in siang hrim.lo e kan ta aw. Nan ngaihchiat nak kan in hrawm pi hna, Bawipa tu nih in tuar khawh nak in pe ko hna seh mu taangtak mi chungkhar.

Ka fa, NiNi Nih na ruak kan hmuh tung lailo, (ka faa na nu sin ah BawiBawi ta Dam ma ka ngaituk e tiah na thong ka hal peng e adam ko e aka ti ah khin, ka rak ii lomhtuk e, ka faa ram le miphun caah nunthap in na kal kha ka theih ko ka fa kha ngakchiatuk rih e ka ti nan mu amah nih aathim lam siko tiah sianlo buin kan ii lungsak ko Sinan mu ka faa hmuhthaiti lo ding cun kan ii lungsak tung lo ka fa.

Chin ramkulh, Thantlang peng ralram hmunhma pakhat July 5 ah bom accident a cang i CDF-Thangtlang hriamtlai pakhat a nunnak a liam i pakhat hliamhma a tuar tiah theih a si. Bomb Puah Sualnak In Salai Bawi Za Ceu A Nunnak A Liam! Bomb Puah Sualnak in “Salai Bawi Za Ceu” a Nunnak a Liam.

Nihin July 5, Thantlang peng hmunkhat ah CDF Thantlang in Salai Bawi Za Ceu cu bomb i thlahphoih sualnak in a nunnak a liam tiah theih a si. Nihin July 5 ah Thantlang peng ralram hmun khat ah bomb puah sualnak in CDF-Thantlang ralkap Salai Bawi Za Ceu a nunnak a liam, tiah thawng kan theih.

Bomb nih cun minung pahnih a puah hnawh hna i Salai Bawi Za Ceu hi a hmun ah a nunnak a liam. A dang pakhat hliamhma a pu. Bomb an tonghthammi nih minung pahnih a puah hnawh hna i Salai Bawi Za Ceu hi a hmun ah a nunnak a liam. A dang pakhat hliamhma a pu, tiah kan theih.

A poi tuk e a rian tuan hawi dih lak le chung khar Bawi pa nih in hnem ko hna seh mu. Duh nung Ka fa mui dawh te zei ton hen kan ton mah cu na thawng theih cu ka lau tuk ee bawi pa khua khan hi cu muu kan tum van ram ah na rak kan don te lai mu Kafa mang tha tuk ko ne law lung a fak tuk ee.

Bom accident ruangah Salai Bawi Za Ceu cu a hmun ah a nunnak a liam colh i adang pakhat cu a hma a fah tuk caah Mizoram sizung ah an kalpi tiah chungkhar he aa naihniam mi sin in theih a si. Salai Bawi Za Ceu hi chuakṭi unau 5 lak ah upabik a si i Thantlang khuasa an si nain Thantlang khanghpiak a si ruangah hmundang ah a zaammi an si tiah theih a si.

Mino le Mipi Nunnak Maw Atute bak Thantlang Khua luh dah? Asiloah Khuate Him Maw Atute bak Thantlang khua luh dah Thantlang khua kirtthannak ding kongah ralhrang hna an auhmi meeting ah hlawptlo ngaiim va kai in bia a chim mi kan pa le hna kan in hmuh hna tikah ngaihchia chimpit vansang khi kan si ko.

Thantlang khua kirtthannak kong ralhrang va ceihpi le bia va ruah cu a kan sehtu Uihrut kha amah sin lila ah ikhamhnak sii (molh lonak sii) va hal he khin ai lo. Amah uihrut lila nih a kan seh mi kha zeithei lo le kan zawn ruat lo mi a uico sin lila ah sii va hal cu khuaruah set ikpaak ko ahcun kan thling tel a zat awk a si.

Uihrut sinah ikhamhnak sii va hal usihlaw aseh dah a kan seh chin lo ah kan caah hlawknak a pelte hmanh a um ding a si lo. Tu kan ram sining le dirhmun ah khin ralhrang telpi le hnatlaknak in Thantlang khuapi hi kirtthan usihlaw a pakhatnak bikah kan mino tampi tlaihkhih kan tong lai, CDM tampi tlaihkhih kan tong lai, kan ralkap hna tampi tlaihkhih kan tong lai, cun kan ralkap nu le pa hna tlaihkhih kan tong lai, cuti tlaihkhih kan ton dingmi thil cu za ah za a fiang ngai mi a si.

Tlaihkhih kan ton rualrual in kan nunnak a liam lai, a siloah lungfim loin a kan tuah lai. Cu dirhmun cu ruahchih a herh. Cucaah mino le mipi nunnak maw atute bak ah Thantlang khua kir tthan dah tiin ka tinak a si. Cuhnuah Thantlang khuapi chung kan lut tthan ti usihlaw khuapi chungah mipi khua kan sak sinin ralhrang sitcawng (စစ်ကြောင်း) hi duh zong duh lo zongah Thantlang khuate kip an kal lai a fiang mi a si.

Cuti khuate kip an phanh ahcun a fiang chap rih mi cu khuate um khuasa mipi hranak pek le khuate um inn le lo khangh le hrawk kha sol lo bakin an tuah dingmi a si fawn. Cucaah Thantlang peng chungum Khuate lei him ter maw? Atu bak i a Thantlang khuapi luh hi dah? tiin ka van langhternak a si.

Biahleivuangah chap ka duhmi cu kanhnu nai ah Thantlang kirtthannak kong aupi dingah kan hruaitu upa hna sinah tonnak nan ngeih dih hnu i biafiang le sining an i fianh dih hnu hna ah aralhrang auhmi meeting va kai riangmang in hlawptlo ngaiin bia nan va chim mi hi kan hruaitu upa le hna, miphun ah kan pa le a simi hna zei nan rel hna lo bia le nan zomhtaih hna bia a si tiin ka hmuh.

Cun chap ka duh rih mi cu Thantlang khuate caah bawmhnak thilri phurh zeitlukindah a har tihi atu meeting kaimi nih nan i fian mi a si. Thilri dang vanchim loin nifatin nunnak ca dingah a herh mi facang le cite, chiti koko hmanh phurh a kan sianh lo mi ralhrang he hlawptlo ngaiin bia nai va ruah ko cu ruat setmat ikpak ko ahcun ningtti a si.

Kan hnu nai zongah Hakha ah INGO pakhat an thilri kha ralhrang nih an tlaih, an timi hna cu Thantlang peng nan phanhter dingahcun kan in pe ti hna lai lo tiah an ti hna. Cu dirhmun a dirmi ralhrang hna he bia nai vai ruah ko cu lungthin a thi kho bak lo.

Thil sining dikthlir he chim le phuan ding tampi ka ngei ko nain bia a sau pah cang caah cuvial cun sirih seh. Van Kung, Vuanthok (CDMer)

Thantlang Sersiam Thannak kong ah Hakha SAC he Tonnak kong Fianternak (A tanglei fianternak hi June 30 ah Hakha SAC he tonnak ah aa telmi kan pale nih fianternak an ttialmi a si). 29.6.2022 ,zan ah Thantlang Myone Ohchohzi Hmu (Hakha Um)nih Thantlang Upa pakhat sin ah phone a rak chawnh Thaizing 30.6.2022 chun Suimilam 12 ah Vunci choh nih Hakha khua um Thantlang Upa le Pastors te Cozah Zungpi ah ton an duh hna tiah a rak chimh hnu ah Pakhat cio phone in a kan chimh.

Mah a chimh lio ah hin zei kong caihding le zei bantuk caah auh kan si zong a chim lo. Pastors te (4), Rev. Dr. Lal Uk, Rev Biak Mawng, Rev Mel Vin, Rev. Cung Lian Mang le Khua Upa (3) Pu Lawm Bik, Pu Ngun Hram, Pu Ram Khar kan kal. Meeting room kan phak ah Chin Cozah lei Upa le Pyine zungkip Lutlai an rak tling dih. Zing 10:00 am in meeting an rak tuah cang Thantlang lei Upa minung 7 le Thantlang Peng uk pa tiin a dang in an thut nak kam ah hmunhma an kan pek ve.

Cu kan thut tlawmpal ah Projector in kawlca in Ca an van tial mi a van lang. “Thantlang Khua sersiam than kong Caihkhan ti nak ” tiah ai tial mi a hunglang . Mah hnu lawngah kanmah Upa cu kan vun i fiang. Mah ca a langh hlan hi zei ah an kan auh kan thei bak lo . Kan Pastor te zong an thei lo .Khua Upa zong nih kan thei lo.

Vuncichoh nih Meeting On nak a chim hnu ah Duh Ttai Hmu nih a chim ve. Cu hnu ah Vunci dang zong nih an chim dih hnu ah Pyine hmu pawl nih an mah he aa pehtlai ning cio in an chim cio. A biapi bik an chim mi le Pyine hmu dihlak an cah mi hna cu “Thantlang kir khawh a si tik ah rianrang te in timhtuah a har lai caah a tu te in nanmah zung (Department) he a pehtlai mi cio in timhtuah nak (Plan) nan nei dih lai tiah Vuncichoh le Duh ttai Hmu nih cun an cah hna. Zei tik kir ding le Zei tik caan nan kir lai ti zong an chim lo. Cu dih hnu ah Vuncichoh nih Thantlang Upa biachim nak caan a kan pek.

Kan mah lei minung (4)nih kaa khat hnih cio kan chin. Kan dih lak nih kan chim mipakhat cu Thantlang kir than nak le Serthan nak caah hin Pakhat nak Biapi bik mi cu, Mipi kan him nakding (Security) hi a si ko ti hi kan langhter cio. Thantlang inn 1300 lengkai a kanghcang nak kong, Khuachung Ti le Mei a kangh dih nak kong a tu lio dir hmun cun Thantlang kir a fawi lo nak kong kan chim, Kan mah lei cun Bia tampi kan chim lo. A Ruang cu, March 29, 2022 hnu cun Ram a daih tik ah Thantlang khua Kirthan nak le Sersiam than nak ding kong hi ruah si seh tiah kan ruah . A donghnak ah Vuncichoh nih Rev. Dr. Lal Uk Thlacam a fial i thlacam nak in meeting cu an donghter.

Bia dongh nak ah, 30.6.2022 niah Thantlang Pastors le Khua Upa nih Ralkap Cozah cu “Thantlang kir than nak le Sersiam than nak kong ah an va ton hna ti mi Bia fang ” hi a hman bak lo mi si. An mah Cozah hi Thantlang kirthan nak kong le Sersiam than nak kong ah Bia kanruah bal hna lo. A tu tan hi an mah Cozah lei nih Thantlang Kirthan nak le Sersiam than nak ding kong ah an mah lei nih an i timhtuah mi tu kha an kan theih ter a si ti in kan ruah.
Hakha Um Thantlang Upa le Pastors

Be the first to comment

Leave a Reply

Your email address will not be published.


*