Kan Ngeih A Chia Tuk Ti Hlei In A Dang Chim Chap khawh Mi A Um Lo.

CNF Australia Regional Committee Chairman, kan Chin miphun nih a lamkip in kan ni bochanmi, kan pa Pu Pa Hmun (Saza Pahmun) nih a kan liam tak ti kan theih cu kan ngeih a chiat tuk cio hlei ah kan miphun caah sunghnak ngan tak tak a si.

Kan ngeih a chia tuk ti hlei in a dang chim chap khawh mi a um lo. Lung a caw dih. Chin miphun a daw tuk mi nationalist tak tak a si hlei ah mi nunmem, mittha, pafim, cathiam, zumhthlak tak tak a si i, a kong ttha tamtuk chimding, ttialding a um.

Anai te kan hnu zarh kha a saupi kan ni chawn kho i ka ttha deuh ngai cang a ka ti. Biasau deuh ruah a ka duh mi a lo nain, a bat ngai ti aa thei caah a hnu tu ah kan ni ruah tthante lai ka ti. Chimh a ka duh mi um rih seh law a lo. A tu bantuk thil kan tawn ding hi kan pa 2 kan ruat hrim hrim lo.

A pam tuk hringhran. Sian a um hrim hrim rih lo. Kan ngai zungzal lai, a kong chim kan dai lai lo… Pasal ttha kan miphun caah na tuah mi liangluang naa lung sii tuk ko lai. Lungsii tein va liam ko ne law kan u pa.

By : Daniel Sakhong

Be the first to comment

Leave a Reply

Your email address will not be published.


*