Kan Nun ah philh sual lo dingmi Ni

Kan Nun ah philh sual lo dingmi Ni
=======
2021 kum cu mitthli rualriat he kan tuar, lam kan zawh, ca kan ttial etc ttuanzaang tlung kho lo tiangin kan nun nih a rak tuar. 2022 hin cun ruahchannak tha he thaazaang thar i lak in riantha ttuan i hnek.

Tikhawhnak lam in kan ram tunmer than i zuam dingin lung kai thlek. Sianginn ai dinmi ngakchia hna ca chimh ka tenh chih. Nain Kan Nun lam thluan ah kan i chinchiah peng dingmi NI hna hi an um. Hi NI zong hi ai tel. Ca ttial kai sum khawh lo mi zan khat te.

23 May 2022 Kan Philh Kho Lai Lo, Kan BiakInn le kan inn lo cu nan kan khangh nain kan zumhnak cu nan hrawk kho lo. Kan Vailam tung nan phur nain kan zumhnak nan phur kho lo. Kan hrawh cikcek hna i kan tei hna tiah nan hei ruah men lai. Kan in huatnak hna a zual chinchin. Kan thilri a ciam nain kan zumhnak a tthawng chinchin. Kan cing peng ko lai kan JMBC Biakrun pi le thluachuah bongmal kan sawmnak. Hi ni le kum caan cu kan philh kho lai lo.

Kan tuarnak phen ah Bawpa thluachuah thar a um ko lai. Bawipa ah lunghrinhnak ngei loin kan zumhnak fek chinchin ko sehlaw. A cu ka thin cudah e! Him hraam seh ti kan duh tuk nain a him lo mu! Ka Biakinn tluk ah kaa ruah ve mi a ciamh ko cu lung a fak hringhran. Maw JMBC Biakinn a hlun he a thar he Thantlang ka phak paoh ah kaa pumhnak hmun, a poituk ko e. Pathian nih Khrihfabu lungkuainak le kan miphun mitthli hi kan hmuhpiak ko sawh seh.

Kan Biakinn tal hi cu a him te lai tiah kai ruah chih na tein datsi maw an toih hnga le hranhram in an duah ko hnga, an thling tal a za hnga lo maw? Zeizong cung ah nawl ngeitu Bawipa nih ai dawh i a tha deuhmi inn le khua dawh te kan remruat piak tuan ko seh. Kan tuarnak phen ah Bawpa thluachuah thar a um ko lai. Bawipa ah lunghrinhnak ngei loin kan zumhnak fek chinchin ko sehlaw.

lung thin nih a celh lo ee. Sianginn sang hna cu a him cang lai ti in kan i ruah chan. Kan inn lo pin ah JMBC kan Biakinn pi ciamh ko ngai cu aw. Lungfah celh awk tha ti loh an pu ra le an biak nak hmun pawl hi rawk cio ding si ko cang. Nifa thutdirnak, Baibal relnak, thlacamnak, tjawngthabiachimnak le zungkai a van ciamh ko mi cu tuar a har ko lai ee. Bawipa sin tu ah kan sining chim peng ko hna usih mu.

Biakinn cu a him rih an ti tawn i, kan hna a ngamdeuh tawn nain e. Lung a fak tuk e. A khaang tu nunnak hi a nunsivaang deuh theo lai. Kan sivangh mi hi a har ko. Hi nakin an sivaang deuh theo lai. Bawipa nih thazaang kan pe cio ko seh. Zeizong cung ah nawl a ngeitu kan Bawipa Pathian nih a tunak inn le khua dawh te kha kan remruat piak tuan ko seh.

van a sang i vawlei hi a pit tuk ko ee. An kan hrawh cuahmah nain Bawipa nih cun a kan hmuh ko i Amah nih a kan sersiam than lai tihi kan thazang si hram ko seh. Lung a fak tuk ee. A poi ti pin cu chim thiam a si lo ee.Bawipa kan tuarpi ko, Bawipa kan tuarpi ko, Bawipa kan chanh hraam ko. A caan a phan ve cang ti. Teinak kan hmuh tikah Bawipa nih hinak dawh le tha thluachuah thar a kan pek than te lai.

Sianginn sang le JMBC biak inn tal hi cu a him te lai tiah kan ni ruahchan cio nain mu? A poi hringhran ko. Pathian nih intuar khawhnak tu kan pe cio ko sehlaw. A poi tuk ko, Bawipa kan Pathian tu cawl ko seh law. Kan Biakinn an khangh zongah kan zumhnak an hrawh khawh lo ding tu a biapi cang. Nan umnak kip ah Bawipa thangthat le a riantuan rak ngol hlah u law.

Ngaih a chia tuk ti leng chim awk a har ko. May 22 zan ka mang kha Tantlang kaa manh. May 23 ah an duh t’han.
Sep 21 lio i an rak khangh hlan zong ah ka mang ah Thantlang ka va phan i a kang, a rawk viar ka va hmuh. Ka chungle ka ruah hna. A rauh hlan ah an khangh taktak. Kan biakkinn a khang tu pa hi cu nu paw chung in rak chuak hlah seh law a caah tha deuh hnga mu. A ton colh ve lai.

Thantlang a kang’h can lawng i na lung afah ahcun na caah teinak anai rih lo tinak si. Zeitluk indah Thantlang Peng kan temtuar cang ti ahram thokin natuak ahcun teinak lei Lamah kar tampi narak kar cang tinak si. Hiti ka chim tikah Adang pawl nih phundang piin nan ruah khawh men nain kan mah tlukin nantuar lo ahcun nanthei taktak lai lo e. zei poh hi tuar taktak locun theihthiam ahar tuk mi si kan ton hnu cun zeipoh hi kan i fiangdih cio ko lai e.

Akek kuaimi kan thinlung, Aman dihmi kan thinlung, Miphun Dothlen nakah kan can vialte le kan ngeihchiah chawhva dihlak, kum tamtuk Mi ramdangah, mikut tangah kan tuan i kan rianhmi inn lo hna hi ape rih lomi Pengtlang nih cun kan mit thli he kan au len zongah nanthei thiam rih lai lo, zei thil poh hi mah nih tom hnu lawngah afah nak diktak cu theih khawh asi e.

Atung zoh zongin afak, Aphei zoh zongin a fak, Zanmang tiangin afak lai. Nunchung afak lai kan mawhlo hme cu, Atuar lomi nih cun nanthei thiam rih lai lo e. Afak tuk ko e, Vulei a hmunh chung kan philh kho lai lo minung sinak in cun nain mu Zumtu kan si bantuk in Pathian minin ihnenh ahau kan celh lo mi zong celh ahau , kan tuar khawhlo mi zong tuarkhawh le in khawh ahau.

Be the first to comment

Leave a Reply

Your email address will not be published.


*