Kan Pa Dr. Salai Tun Than I Rovuih Biacah

”Kan pa, Dr.Salai TUN THAN (Ph.D) Rovuih biacah”

Nizan, March 16, 2022 Vaurawng Zuunthil nih kan miphun hawi a simi ASHO CHIN ( Kawlrawn ah a ummi kan CHIN miphun) nih an dirhmi ACDF ( Asho Chin Defense Force) caah FUND RAISE an tuah piakmi hna a zanthumnak ah Dr.SALAI TUN THAN ( 95) an sawm.

A chimmi;

”Kawl ralhrang nih tuah ding an i timhmi biathli a um,Tlangcungmi vialte hi kan sinak ( kan holh,kan ca,kan nunphung,kan Biaknak) hloh piak dih i Kawl miphun ah canter dih hi a si.Cu ah an hmanmi an hmanrua cu Tlangcung nu ṭhit i Kawl ah canter zong aa tel.Cucu ṭhangthar kan fale nih rak philh hlah u.Atu Philipine i a ummi Krifa thawngthanhnak ( broadcasting ) zong khi hrawh piak an kan timh pengmi a si.Phaisa zong a million in hman an i tim.

”Amahbelte, Ke 4 a ngeimi UICO nih kan tanpawr a kan seh tikah kannih nih kha Uico kha a ke ah kan seh ve ding a si lo.Kannih cu MINUNG kan si caah Minung phung ning tein kan leh ve hna ding a si lai.Kei zong 2021 ralhrang dohthlennak aa thawk bak khan thlakhat ah $100 ka thawh peng ve.Ka kum a upa cang i zeitik tiang dah ka thawh khawh te lai ka hngal lo.”

NOTE:Dr.Roding nih a kan chimh ningah, Dr.Salai TUN THAN ( TAAN tiah a aw chuah ding) hi Carson siangbawipa ( HKA an phanh 1899 hlanpi ah) te nih Asho Chin umnak TAYET khua i Krifa Sianginn an rak dirhmi sianginn ah a rak kaimi a si.USA in 1957?? hrawngah Ph.D ( Agriculture) degree a ngahmi a si. Myanmar ah university rector ( PAMOHKHAH CHOH) saupi a ṭuan cangmi le THAN SHWE chan, Rangoon City hall hmai ah a PAMOHKHAHCHOH thilthuam he amah lawngin SANDAH a PIAH ( Solo protest) ruangah INSEIN thonginn ah an rak thlaakmi CHIN PASAL PARALṬHA KRIFA ṬHA a si.Atu cu US ah a fanu TEIN KI TUN THAN sinah a phan cang.

**Kum 95 a si cangmi Chin tarpa nih Dohthlennak ah thlakhat $100 in aa tel peng khawh rihmi hi kannih a fale a tule ṭhirual a simi caah BIG CHALLENGE taktak le HOMEWORK ngan taktak a si**

*Long Live Dr. Salai TUN THAN**
#အရေးတော်ပုံအောင်ရမည်။

PPP.
CANADA..

 

Be the first to comment

Leave a Reply

Your email address will not be published.


*