KAN PATHIAN NGAIH KAN CHIATER SUAL HNGA MAW

KAN PATHIAN NGAIH KAN CHIATER SUAL HNGA MAW

Zümtu nih kan zumhmi kan Pathian lung kan lomhter khawh bangin a ngaih zong kan chiatter khawh ti hi zeitilei hmanh in thlen khawh a si lomi, a hmunmi Baibal cawnpiaknåk phun khat a si.

Nizan ah America ah a ummi ka nau le nih cheu hra cheu khat hi ralthuam cawknak ah pek phung a si maw, atu lio ah America Laimi lak ah kan buai ngaimi a si tiah an ka hal i ka lehnak cu tluangtiam tein:

Pathian ta a simi cheu hra cheu khat cu hmuh khawhmi pennak (ram) caah hman phung hrim hrim a si lo. Zeicatiah cheu hra cheu khat cu hmuh khawh lomi le zungzal in a hmunmi Pathian pennåk (ram) caah kan pekmi a si, tiah ka ti.

Cheuhra cheu khat hi hmuh khawhmi pennâk caah kan hman ah cun Lairam le Laimi phun nih hin a fak tak takmi rawhralnâk zong kan ton khawhmi a si ti hi thlarau mit in ka hmuhmi a si tiah ka chap.

Jesuh kha hmuh khawhmi ram uktu Pilat sinah chanh a si lio ah Pilat nih

‘Siangpahráng na si maw’ tiah bia a rak hal ah khan Jesuh hih Siangpahrâng a sinâk kong a chim hnu ah ‘Ka pennâk cu hi vawlei pennâk hi a si lo….hei si seh law ka sinum (zumtu) hna nih an doh ve ko hnga’ tiah a rak ti. John. John 18:36-37.

Biakam thar ah a hleikhun in Pathian nih a hmanmi Paul nih ‘Kan nih kan dohmi cu thi le sa an si lo…’ tiah a ti. Efe 6:12.

Jesuh nih Vailamtahnâk ah a sunglawimi a nunnak a pek chan hi a hmun lomi hi vawlei pennâk caah si loin zungzal in a hmunmi Pathian peknâk caah a si.

Cucaah cheuhra cheu khat le kan thawlawm hna hi Jesuh nih a thisen sunglawi a pekchan, zungzal in a hmunmi thlarau lei pennâk caah kan pekmi a si.

Taksa in kan khualtlawnnâk hi vawlei pennak caah cun cheuhra ah cheu kua chungin a herh zat in pumpak siseh bu siseh kan pek awk a si ko.

Taksa in kan khualtlawnnák hi vawlei pennāk caah cun cheuhra ah cheu kua chungin a herh zat in pumpak siseh bu siseh kan pek awk a si ko.

Asinain Jesuh nih a nunák tiang pe in a dirhmi zungzal in a hmunmi thlarau lei pennäk caah kan thawhmi cheu hra cheu khat le kan thawhlawm hna a hmun lomi taksa pennâk caah hman hi tih a nung i tuk a süm tak takmi, Pathian ngaih kan chiatter khawhnak lam tampi chungin phun khat a si.

Zeicatiah kan Pathian hi phun hnih in a ngaih kan chiater khawh.

Pakhatnak cu kan tuah hrimhrim ding a simi

kan tuah lo ruangah. (Pathian ram kauhter)

Pahnihnak cu kan tuah hrim hrim ding a si lomi kan tuah ruangah. (Sehtan ram kauhter)

Cucaah zungzal in a hmunmi thlarau lei pennák caah kan pekmi cheu hra cheu khat le thawlawm hna a hmun lomi taksa lei pennāk caah kan pek ahcun kan tuah hrim hrim lo ding a simi kan tuah caah fak tak tak in kan Pathian ngaih kan chiatter khawhnak phun khat a si.

Kan rak pek cang a si hmanh ah Pathian sinah sual ngaihthiamnak hal in thla cam u sih law tu hnu ah cun pe ti lo dingin a fekmi biakamnâk zong kan Pathian sinah tuah u sih.

Ka chimcang bang khan a tu kan ton cuahmah mi harnak, taksa peknak caah cun Pathian pennak caah kan pekmi cheu hra cheu khat chung si loin a țangmi cheu hra cheu kua chungin a herh ningin kan pek awk a si ko.

By : Evan Rual Uk

Be the first to comment

Leave a Reply

Your email address will not be published.


*