Kan ralkap nih ankham kho ti hna lo i maw si hnga!

Kan ralkap nih ankham kho ti hna lo i maw si hnga!
=========
An tuah timhmi hi kan kham kho hrim hna lo mu! Cuzat khazat kan thah hna ti kan chim pin cu an kan en lengmang ko hi ta! An donh khawh la hme teh donh ding i kal ahcun kan lo cang ko hih. An kai bak ti lo nain a um cia ralhrang ralkap hi kan i buan khim peng ko hi awh. Timit hlei an donh khawh ah cun Thantlang peng cu loh si cang lai.

Timit hlei an donh khawh ahcun, Thantlang peng cu MaMa neen in anneen cang lai tinak si ko. TTimit hlei hi an donh khawh ahcun ralhrang bak nih an congh cang lai. Timit i Camp sak i Thantlang peng controls nak ding i um an i timh khi. Khamkhawh lo leh an donh ne ko lai ta zeiti tha! A lang hlat cun a fawi tuk nain, a hmun cun chim tluk in a rak fawi rua lo si hi. An van lim lai te ah bomb in kan hrawh than te lai.

Rethei ngai in dawn phawt hna seh law an dih hlan ah ciam dih than te seh. An phaisa dih in donh hmaisa hna sehlaw a hrawk lei cu a fawi deuh lai. 𝐃𝐨𝐧𝐡 𝐡𝐧𝐚 𝐬𝐞𝐡 𝐥𝐚𝐰 𝐚𝐧 𝐝𝐢𝐡 𝐛𝐚𝐤 𝐢𝐧 𝐛𝐨𝐦 𝐢𝐧 𝐡𝐫𝐚𝐰𝐤 𝐧𝐨𝐥𝐡 𝐝𝐢𝐧𝐠 𝐬𝐢 𝐤𝐨. Kan mipi ralkap pawl an riahcaw a dih hlah maw ee? Kan mipi Ralkap nih an kap in an khamkho ti rua hna lo.

Aw sikhawh tawk cio cu izuam asiko nain kan tei rih hna lo fom cu teh. An donh khawh ahcun loh sicang, zei hmanh chim awk um ti lo. Bawipa khuakhan hi hngak ko usih kan lam tang Bawipa a um ko. Chim nak cun a fawi tuk kan mipi ralkap zong hi a herh lo ah kan hloh tamtuk ee kan mah nak in an mah nih an i thei deuh ko ee.

Timit hlei donhah An phak cang zongah an donh kho lai lo, Kan CDF nih kap lo cun an um bal hna lai lo, Phan ding um lo Pathian nih mizapi thlacamnak a leh hrimhrim lai. Donh hmanh hna sehlaw thirthir phang phang in an donh la le hrawn ngam hmanh si la loh, an donh thlu manh fawn lai lo. Mipi cheukhat nih apoi ngai e an ti cio aruang cu an donh khawh ahcun Thantlang peng cu Mizoram ah zamdih ahau lai.

The Mournful Day of Thantlang; Khuachung khuasa paoh nih duhdawt mi Khua, Kan rum lo nain kan i nuamhnak khua,
Rammi puitling sinak kan tlamtlinh caah hnawmtaam a um lonak khua, Mifirtlei an um lonak, Hrokhrol le mi va deh le phaisa hramhram hal a hmangmi an um lonak khua, Suimilam 24 chung duhnak hmun paoh ah zalong te le hnangam tein umkal khawh a sinak khua, Cu khua duhnung khuadawh duhdawt tlaihchan mi khuapi cu a ho hme a chuah tak siang hnga?

February 1 ni in rallokap nih uknak hranhram in an laak hnu CDM cawlcanghnak tthawngngai in kal a si pinah ni fatin ti awk in zalam cungah duh lonak langhter a si, cu dirhmun cungah rallokap nih ttthihpheih le tlaihkhih (a cheukhat hmun ah thihlohnak tiang) ton a si tikah hriamnam tlaih in dironh le doh dingah timhlamh a rak si.

Hriamtlaih in dohthlennak a tuah mi hna lawng si loin khuapi chung um mipi hna tthihpheihnak le fahnak le harsatnak peknak in rallokap nih thil a kalpi peng tikah kaphnih karah kahdohnak a hun chuak. Khuachung kahdohnak a can sinin rallokap sual ning kha a vun zualhma chinchin.

A voikhatnak bik ikahdohnak ah rallokap duh paoh in an cawlcanghnak ruangah mipi thih lohnak tiang kan hun tong.
Cu kahdohnak pinah khuachungah rallokap nih an duh cahrong in meithal le bomb an puah lengmang tikah khuapi um a cheu reng lo cu mah le siarem ning cio in zaam hramthok cion a hung si.

Khuachung kahdohnak voili nga a van can hnu rallokap pawl hriamlian hman buin an duh paoh in mipi harnak pek duh ah an kahnak ruangah sianginn sang inn 19 a ciam dih cikcek pinah mei hmih dingah a kalmi kan pastor an thah, cu lawng hlah a kut dong an tan i a sunhsak mi zuungbunh an fir piak chap rih, cu sining nih ningtti thlalau le um thiam loin khuacimui in a kan tuah.

Khuacimui in ka um hnu a thaizing september 19 ni cu Thantlang khuapi chungum paohpaoh zakhat ah sawmkua le pakua zaam dih a si. Ralzaam a si caah i tinhnak hmunhma phanh hlan tiang a mirh kho a ho hmanh um a si lo. Ttihphannak le thlalaunak lawngin khah cio a si i khat le khat i chawnh biak hmanh a fawi lo. Khuacimui in um hnu khuapi chuaktaak dih ni September 19 ni hi zeitikhmanh ah kan philh lai lo. Cu ni cu ”The Mournful Day of Thantlang” tiah min pek ka duh.

Khuapi chuah taak ding tiangin a kan tuahto tu minungsaram a simi rallokap hna le a mitthi le milaang valite a dih dongh tiang kan doh lai. Thisen kongah ceihhmai awk a um lo. Kan ttahnak mitthli in kan phah mi lamthluan kha teinak nih a hrinmi mitthli thlak pah in kan lamh tthan lai i kan khuapi ah kan kir tthan lai. Vuanthok (CDM). The Mournful Day of Thantlang

Note: Hi cabia hi Thantlang khuapi kan chuah taak ni thlakhat tlinnak ni ah ka tialmi cabia kha kumkhat tlinnak ni ah ka hun tar langh than mi si.

Be the first to comment

Leave a Reply

Your email address will not be published.


*