Kan strategy ‘beuha’ hi mah thihnak mah tein thlankhur icawh pei asi hi!

Kan strategy ‘beuha’ hi mah thihnak mah tein thlankhur icawh pei asi hi!
=========
Voi tamdeuh an rak kai paoh ah tam deuh thihnak tiva ral ah an kal ve lai. Voi tam deuh an rak kai paoh ah kut ke tlamting loin, azen mi bantukin leng chuak kho loin ihnak ah rawl pekchom mi an tam deuh ve lai. Thihnak tiva ral ah akal mi le A zenmi dirhmun an tam chin thluahmah tikah kan strategy ‘beuha’ hi mah thihnak mah tein thlankhur icawh pei asi hi, ‘tikha an theih lai i ahnu ahcun an rak kai ngam ti lailo.

Raltuk tikah ikhamnak in maw ka tuk lai,’asiloah ralhmai ser indah ka tuk lai’tihmanh atheih lomi strategy tangah ral va tuk khi, Vompi bu ah va lut sual he khin ailo. Ral kap pakhat nih ral akah khawhnak ding ahhin a hnulei in ralkap 3 nih an bawmh a herh, Chimh duhmi cu ralkap 1 nih ral akah khawh mi khi, a hnulei in ralkap 3 nih an bawmh caah asi. Cu caah ralkap 1 kan thah mi hna khi ralkap 3 an thazaang kan tlongh hna tinak a si.

Voikhat an rak kai ah 60 kan thah khawh hna asi ahcun 180 thazaang kan thlongh hna tinak asi. Khelkhat in kan chim ahcun 60 kan thah khawh mi hna khi battalion pakhat an thazaang kan thlongh hna tinak asi i,180 kan thah khawh hna asi ahcun Tactical ‘beuha’ pakhat thazaang kan thlongh hna tinak asi. Voikhat anrak kai ah 60 kan thah khawh hna cun voi 3 an rak kai ahcun tactical ‘beuha’ thazaang kha kan hrawh khawh tinak asi.

An caah raltuknak can rembik a simi thal lio hman ah akan tei loh. Furpi chinchin ah cun asungh chin lai, Aruangcu; ruahti /nawncek /fikfa hna nih harnak apek hna lai caah hi hna ruang ahhin 100 ah 30 cu a sungh cia cang. Kan raltukning kan zoh tikah cuhlan nakin alet tampi in kan thangcho deuh, Kan vawlei kan fingtlang hna le kan mipi hna nih kan miphun ralkap kan dirhpi hna, hibantuk in atangrual mi miphun hna nih zeitikhmanah ral an sungh bal lo. Cucaah akan tei lailo. Van Neih Thang

Ralhrang pawl i an dir hmun hi a dothlet peng mi ka si, Falam ah athu mi battatalion khi 268 battalion an si i, an tha zang hi 200 hmanh an si loh, Tidim aah athu mi battalion khi 269 an si i, an thazaaang hi 200 hmanh an tling loh. Mi hrut he bia i alh hi ka can apam.

Mipi thathawhnak asi hrimlo tulio ralhrang an sining dawizulh ahcun an sining khi 75% cu tuakdamh khawh ansi, Kawl ralhrang khi battalion pakhat khi 750 in form arak si i Lieutenant ဒုဗိုလ်မှူးကြီး nih a hruai nain atu ahcun battalion (တပ်ရင်း) pakhat ah 100 hmanh an tling tilo, cheukhat lebang cu 50 tehna ansi khih. Cun an post(စခန်း) lak hi a hardeuhtuk ko nain raldoh le raltuk aa dannak le i ven le teinak timi aa dannak cu acung ka chimmi khi asi.

Cucu tulio kan sining nih a herhmi zong asi. An kalnak ah bawh in va kah menmen khi cu an umkal nak khuallam ummi hna harnak pek men khi asi. Ralhrang zeizah thah zongah teinak asi loh, an lung donghlak tuah tuin sunghter kha teinak petu cu asi. Cucu kan tuahlo ahcun teinak lam kan i hlat.

Ralkap cu battalion pakhat cun 1000 pei chiah si cu (mi cu an tling la lo) nain 700 hrawng tel cu an si ko la 180 hrawng cawl kho lo tuah ah battalion pakhat cu a si deuh la lo. PengHlawnceu ralkap nih tha te in hnga mi cu milu an tlawm zg ah lak a har tuk. Kan pa le nih ca nan tial hin mipi thathawh nak si ko ti in a hlei deuh kan țial piak hlah ulaw a tha deuh hnga lo mw.

SAC ralkap pawl cu nihin July 17, zaanlei suimilam 4:15 hrawng ah Hakha khuachung ah an rak lut i, an luh lio ah cun Hakha khuachung ah bomb voikhat a puak, tiah theih a si. Bomb puahnak ah hliamtuar an um thawng theih a si lo.
Hliamhma a pumi SAC ralkap 15 hrawng cu Hakha siizungpi ah an chiah hna i, cuchung ah cun kumtlinglo ngakchia ralkap zong an i tel, tiah theih a si.

Falam lei in nihin July 17 zaanlei ah Hakha khua ah a rak lutmi SAC ralhrang lak ah minung 15 hrawng Hakha sizung ah an phan, tiah thawngpang kan theih. Nihin zaalei sml. 4:15 hrawng ah SAC ralhrang pawl cu motor 18 in Hakha khua ah an rak lut i hliamhma a pumi pawl cu Hakha sizung ah an kalpi hna. Hliam a pumi ralkap 15 lak ah hin kumtlinglo ngakchia ralkap zong an i tel.

Hakha ah a rak phanmi SAC ralhrang motor hi 17 a timi zong an um i 18 a si, a titu zong an um. Khuachung an rak luh lio ah bomb puahnak voi khat a chuak. Hliamhma a pumi an um lo. Falam lei in an rak ratnak lampi ah SAC ralhrang pawl nih Taal khua le Chuncung khua inn 35 leng cu July 9, 14 le 15 ah an khangh hna.

Lampi ah CJDC chungtel CNA, CNDF, CDF-Hakha, CDF-Matupi le CDF-Thantlang nih voi tampi an kah hna i SAC ralhrang hi tlawm bik 30 cu an thi lai tiah an zumh. Chin miphun ralkap lei in CDF-Matupi le CDF-Hakha in ralkap 2 an nunnak a liam i, a dang ralkap 10 hrawng an i hliam, tiah thawngpang kan theih.

Mizoram ah a Phanmi Chin Ralzaam 30,000 Leng an si Cang, SAC nih Myanmar ram uknak an lak hnu in Chin ramkulh hmun kip in Mizoram ah a zaammi ralzaammi 30,316 an si cang, tiah Mizoram nawlngeitu upa pakhat nih Mizoram News sin ah a chim. Mizoram phan Chin ralzam thong sawmthum leng chung ah ngakchia 11,798 le nu 10,047 an i tel, tiah a langhter.

Be the first to comment

Leave a Reply

Your email address will not be published.


*