Kawlram Cacawn le RASU Sianghleirun Tlangval!

KAWLRAM CACAWN LE RASU SIANGHLEIRUN TLANGVAL!
=========
Chin Baptist Churches USA President thar le General Secretary thar kha RASU (Rangoon’s Arts and Science University) sianghleirun tlangval an rak sinak kong catial ka hmuh ve. Cun, hi bia hi ka lung ah a hung chuak. Vawlei i ka chuah hlan ah, RASU sianghleirun tlangval an rak si diam cang.

Ram thumnak USA, Australia, Canada ti bantuk ah Laimi kan hung phan. Kawlram ah sianghleirun a kai bal lomi Laimi thenkhat nih ram thumnak ah an chim tawnmi bia (chimchin bia) ka lung ah a chuak. An bia cu, ‘Ram thumnak kan phan le Kawlram i B.A., M.A Degree a lami pawl he kan tuanmi rian aa khat, kan lahkhah (thlahlawh) aa khat…’ tiah ‘bangkhat’ bantuk in an chim theu, ti a si.

An chimmi bia hi, a ‘dikmi’ a ‘lo’. A ‘lo’ ti cu, a dik hrimhrim tinak a si lo. ‘Tuanmi rian i khah; thlahlawh hmuhmi zat i khah’ khin ‘biatlang kawm’ khawh a si lo. A dang tampi ruah a herh rih: Innchungkhar, community, Khrihfabu le miphun dang he i pehtlaihnak ti bantuk hna khi telh a herh ve. Kawlram ah B.A., M.A Degree a lami minung le Kawlram sianghleirun a kai bal lomi minung karlak ah dothlatnak um sehlaw, an cawlcanghning aa khat lai ka zum bak lo. Innchungkhar, community le Khrihfabu hruainak ah Kawlram B.A, M.A minung cu, hmantlak deuh le bochantlak deuh a si hrim ko lai tiah ruahcianak (presumption) ka ngei. Presumption a si cu ta nan ka ti lai caah, a dang in ka langhter lai.

CBCUSA President thar le GS thar khi, Kawlram ah University le Biabal Sianginn rak kai hna hlah sehlaw, ram thumnak ah zeitindah cacawn an peh khawh kun hnga? An peh kho hrim lai loh. Kawlram ah B.A., M.A Degree lami le a la lomi an i dannak cu, ram thumnak ah cawnnak zeimaw phun peh khawh le peh khawh lonak ah a um bik. Kan hngalh awk cu: Ram thumnak hi mah le mah ‘upgrade’ i tuah lawng ah hawi tluknak ram a si. Mah le mah ‘upgrade’ i tuahnak ah khin, Kawlram cacawnnak kha tthahnem santlai le a hram caah zeimawzat a si.

Fian deuhnak caah, Kawlram ah Bachelar of Commerce rak dih hlah ning law, Australia ram ah University ka kai kho hnga loh. Cucaah, Kawlram cacawnnak kha nek tuk ding a si lo fawh. Kawlram B.A le M.A he ‘bangkhat’ i an ruatmi pawl ruahnak kha a si ngaingai lomi a si. English in bill catial le Court catial tehna rel khawh le theih khawh tehna ah zeitindah an i khah khawh lai? ‘Rian khat le thlahlawh khat’ hmuh le tuan lawng nih bia a khiak kho lo. A donghnak ah fakpi in an i dang rih lai; mah le mah ‘upgrade’ i tuahnak a zuldawimi minung ca lebang ahcun. Cawng uh, Kawlram cacawn cu, ti hlah uh. Ramdang ah peh khawhnak kawl u law, miphun caah bochanmi nusal/ pasal nan kan sipiak te lai. Credit: CH Khar

Vawlei cung University kip’h luhnak ka soknak’h Monywa LLB Transcripts tete hi an ka halmi le an cohlan bikmi ansi. Sianginn kai le kailo le cawnnak asang le sanglo cu an thinking/khuaruahnak lei’h an idang tuk hna si. Cun, thinkings/khuaruahnak lei an idan tuk ahcun azeizong tein an idang rih lai. Cun, Cozah/Ram pakhat nih acohlanmi Degree hi khoika Ram Sianginn poh nih cohlan cio asi. Kawlram kan degrees tete cu pei US, UK le Canada le Ausi le EU tbk nih cun an cohlan le Sianginn cu an kai cio ko cu.

Hihi zatlang hrim nih kan pemh a herh. Kawlram lei thil poh neek kan hmanmi lungput hrim kha a dik ti lo. Kawlca hmanh tthatthi a thiam lo mi kha Australia a phan i Khrihfa upa hna an thim ko lai. (a fel ahcun) Mah bantuk mi pawl nih Kawlram in a ra phan thar mi B.A. dih, M.A. dih pawl kha neek ngai kan hmang. (Kawlram in ra an si tiphun khin) Tu na van fianhmi hi zapi nih Pemh ding a biapi ngai.

Cafir lo tein Kawlram in degree lakmi nih ramdang phanh tik ah, mah le mah i upgrade nak caah tampi a bawmh bak lai. Cafir chom in degree lak tu cu, keimah hi mifir dahkaw ka si ko cuh, zeite hmanh ka si lo, atu ceo ah ka ning a zak, tiah an va ti ngam hnga dik maw?

Be the first to comment

Leave a Reply

Your email address will not be published.


*